Эрзя
Erzya women.jpg
Эсьлем Эрзя
эрицятне эрямо таркаст

Весе: 517 575 (Россиясо 440 000)[3]
РоссияFlag of Russia.svg Россия: весемикс мокшотнень марто 744 237 (2010)[1]
Эрзят:
ошонь ды велень эрицят 57 008 (2010)[1]
ошонь 14 353 (2010)[1]
велень 42 655 (2010)[1]

весемикс эрзятне мокшотнень марто:

Кель эрзянь кель, рузонь кель
Кельгевти суоми-угрань раськеть
Малавикс раськеть мокшот, марить, удмуртт, суомить, эстэть
Эрзянь Раськень коцт

Эрзя (руз. эрзя, эрзяне) — те Эриця, Эрий, Эри «эрямс» ды «эрямо» валтнэстэ; суоми-угрань раське, Уралонь покш семияньте совиця. Эрзятне эрить Мокша ды Сура лейтнень чирева, истяжо Рав ды Ашонь леень ютксо.

Потмокс

Раськень лемезе-смустезэВитнемс-петнемс

Эрзятнень раськень коцто (седе кувакасто ловнок)

Эрзя валонть лемезэ-смустэзе лиси-саеви эриця - руз. живущий валонть эйстэ. V пингстэ саезь эрзятне эрить пелеве-чивалгома ёнкссо мокшотнень эйстэ, неень Эрязянень ды Обран ошонь Мастортнева.

961 иестэ эрзя (арта, ариса) лецтяви хагаронь каганатсонть Иосифсэнть кода раське, кона панды каявкс сонензэ. Истя жо Эрзятнеде сёрмалесть пингэньгрэкень географтнэ Страбонось (аорсы) ды Птолемей (арсииты).

Арза - эрзянь мастор, конадонть сёрмали арабонь киньякиця Ибн-Хаукалэсь (X пинге). Эрзятнеде (арджаны) сёрмалесь Рашид-ад-дин (XIV пинг.); ногаень инязор Юсуфось сёрмалесь о "рзянах" грамотассо (сёрмас содамосо), конань кучизеть Московов 1549 иестэ.

Куншка пигэтнестэ Эрзя — раське, кона каршо моли хазартнэнm ланкс, печенегетнень ды половецтнэнь. Пингэнь чинязось Эрзятнень аштиль мастортнева Сыре Эрзянь (Эрзяни). Лепштевятомасонь, конань кандыльть славянонь раськесь, эрзятне туильть чилисема ёновЭрзямас ёнов.

Ялатеке весе неть ёвтнематнесэ свал лецтявиль секе ошонть лемезэ – Эрза (Эрта, Эрба, Арза, Арта, Арба – кие кода марилизе, истя сёрмадылизеяк), ды сонзэ свал яла секе улема таркадонть лецтямось кармавты арсемс: те алкуксонь тев. Кортамось моли, бульчом, се оштонть, кона ульнесь неень Рязаненть таркасо. Тень каршо а молить археологтнень Рязаньстэ муевкстнэяк. Сынь седее а ков видестэ кортыть: те ошось путозель кезэрень эрзятьнень эрямо таркантень. Ды сонсь Рязань валоськак теевсь рузывтозь эрзянь валстонть.


Мокшотнень содавксонть эйстэ, конать 1237 иестэ ве мельс састь кедь алдо Ордатнть эйстэ, Эрзятне туить пелевеёнксов вирьтнэне, ды максыть каршо вий татартненэ.

Сэсте коли суздалень прявтошось куншка XIV пингтнэсте тееви Обран ош (Ало ош) Эрзятне понгсь суздалень инязоронь кеденть алов, ды кой-контне эрзятнедэ рузыясть, кой-конатне тусть седе тов Чилисема ёнов, ды понгсть XVII пингэсте Равоньтомбалев (Заволжье) ды Лембе Уральёнксов (Юж. Приуралье), косо турсь ногайтнень ды калмыкнэнь марто.

Теевема Саратовонь-Оренбургонь-Челябань кирькс нарьдечитнень кармась улеме седе тов молеме эрзятнень Уралов. Ламо эрзянь эрямо таркатне Уралонь Масторга появасть рузонь ломатнень икелев. [4]

ЗярдоВитнемс-петнемс

Эрзянь ломаньтне кортыть Эрзянь кельсэ. Эрзякс, 2002 иенть ловномасонть-цётомасонть пряст сермадызь 410 000 ломаньть.

Раськень лемВитнемс-петнемс

Эсист раське лемест видсте ёвтыть «Эрзя», теде видсте ёвтасть «Эрзянь раськенть алкуксонь лемензэ коряс мельяволявтома»-сонть:

Минь, весе эрзянь раськенть пельде Эрзянь Инекужос кочказь эрзянь ломантне,
— нежелезь ламо тёжаиень эрзянь раськенть эрямопингезэнзэ, мельсэ кирдезь минек покштянок ды сынст койтнень-кирдатнень,
эрзя раськень, эрзя келень ды эрзя культурань вейсэксчинь ёжонь марязь ды кирдезь,
— мельспаросо тешкстнезь кеме эрзянь меленть ды ёжомарямонть уликсчист,
— парсте чарькодезь ды марязь – Эрзя раськенть сы шкань эрямонзо кис мелявксось ней весемезэ ашти неень шкань эрзятнень лавтов лангсо,
— раськеютконь праватнес ды Рузмасторонь Прявткоентень кирдезь, конат идить эрьва ломанень ды эрьва раськень праватнень,
— лия раськень эрямопингест, коест, культураст, келест ды раськень каштанчист мельванозь,
— бажазь улемс Модамасторонь лия раськетнень ютксо улемс-эрямс эсь кезэрень лем ало, норовазь улемс содавиксэкс, эсь питнень содыця ды мариця, эсь мельсэ эриця раськекс,
— лия раськетнень, сынст кирдивийтнень ды ветикуротнень паро мельс ды ялгаксчис кемезь,
— весе эрзянь раськенть мелензэ-бажамонзо ломань сельме икеле невтезь,
яволявттано Эрзя раськенть мельдензэ: панжадо лемдявомс эсь кезэрень лемсэнек – эрзянь раське, эрзя
ды кемекстатано — Эрзянь раськенть улить весе асаевикст эсензэ праванзо лия раськетнень ютксо.
Весе раськетненень Вемельксчинь, Сетьмечинь ды Изнявксчинь арсезь Эрзянь Раськень Инекужось.[5]

Содавикс эрзятнеВитнемс-петнемс

Седямо ды морамо шкинемась эрзянь кельсэВитнемс-петнемс

Сех содавикс суоми-угрань масторга, кие моры эрзякс те Торама морамо пурнавксось. 2005 иестэ ульнесь теезь арт-фолк группа Морденс, сон содавикс од кунсолыцятнень ютксо. 2010 иестэ Саран ошсо ушодызе эсь шкинеманзо Мерема морамо-седямо кужось[7]. 2011 иестэ Мосоковсо васенцеде лись сцена лангс «Ойме» морамо-седямо кужось[8].

Неень шкань морот эрзянь кельсэ морыть Бакич Видяй, Ежевика Спиркина, Панишень Аня, Самаркинэнь Евгений[9][10], Виктор Рауткин[11], Трифоновонь Максим[12], Бакайкинань Лияна ды лият.

Лисьм.:Витнемс-петнемс

  1. 1,0 1,1 1,2 1,3 Официальный сайт Всероссийской переписи населения 2010 года. Национальный состав населения Российской Федерации (руз.)
  2. 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 2,13 2,14 2,15 2,16 2,17 2,18 2,19 Официальный сайт Всероссийской переписи населения 2010 года. Информационные материалы об окончательных итогах Всероссийской переписи населения 2010 года (руз.)
  3. Ethnologue and bibliography information on Erzya (англ.)
  4. Исследования по материальной культуре мордовского народа. М., 1963; Мокшин Н.Ф. Этническая история мордвы. Саранск, 1977.
  5. Эрзянь Раськень Инекужось, 1995 ие, эйзюрков, 23 чи. Саран Ош.
  6. 6,0 6,1 Водясова Л.П. Метафорическое моделирование концепта «религия» в романе А. М. Доронина «Баягань сулейть» («Тени колоколов») // Litera. — 2015. - № 4. - С.9-20. DOI: 10.7256/2409-8698.2015.4.18227. URL: http://e-notabene.ru/fil/article_18227.html (руз.), (эрз.)
  7. «Мерема», фольклорный ансамбль(руз.)
  8. Официальный сайт. О группе(руз.)
  9. вгений Самаркинынь эсь моросонзо куйсь од тёкшос(эрз.)
  10. ЧАУНЗАНСЕТНЕ — ВАСЕНЦЕТЬ!(эрз.)
  11. КУЛЯТ. НОВОСТИ. АНОНСЫ(руз.)
  12. «Erzyaks.ru» Максим Трифонов: «я хочу много русских песен перевести на эрзянский и спеть!»(руз.), (эрз.)