Радаевень, Василий Иванович

Радаевень Василий Иванович (псевдонимезэ: Радин-Аловский) — эрзянь сёрмадей.

Василий Радаевень
чачома лем	Василий Иванович Радаевень
чачома чись	26 даволковонь (11 эйзюрковонь) 1901
Чачома тарка	Алово, Городищенский уезд[d], Пензань губерниясь[d], Россиянь империясь
Кулома чись	умарьковонь 23 чи 1989(1989-08-23) (88 иеть)
Кулома тарка	Саран ош, Российянь Советэнь Федеративной Социалистической Республикась[d], Советэнь Вейсэндявкс[d]
Мастор	Россиянь империясь  Советэнь Вейсэндявкс[d]
Важодема ёрокчизе	сёрмадей, валморозей
казнеть ды медальть

Чачсь 1901 иень эйзюрковонь 11 чистэ Пензань губерниянь Городищенской уездэнь Алова велесэ (ней Пензань ёнксонь Никольской буень) сокицянь-видицянь покш семиясо. Кавксо иесэ уш кармась тетянстэнь кудоютконь ды паксянь тевтнень топавтомсто лездамо. Теке шкастонть парсте прядызе эсь велень школанть. Мейле саизь Якстере Армияв, косто велявтсь ансяк 1925 иесте. Тюрсь ашотнень ды Антоновонь банданть каршо. Секе иестэнть тусь совпартшколав, конань прядомадо мейле кучизь важодеме Мордовиянь Кочкурбуев. Васня ульнесь кочказь вейсхозонь прявтокс, мейле — «Якстере колхоз» (руз. «Красный колхоз») буень кулялопанть редакторокс. Сесте ушодкскак сёрмадомо.

1932-1942 иетнестэ важоди «Эрзянь коммуна» (руз. «Эрзянская коммуна»), «Красная Мордовия» кулялопатнесэ, ды Мордовиянь Сёрмадеень пурнавксонть Ветикуросо.

Саезь 1942 иестэ - турем киксэ (фронтсо). Содавиксэв валморозеенть Артур Моро марто ойнань шкасто нолдась 20-сь леднема бригадань НКВД «Вперед за Родину» кулялопаньть. Седе тов, пенсияв туема шканть видс (1962 ие) важодсь «Эрзянь коммуна» (руз. «Эрзянская коммуна»), «Советская Мордовия» кулялопатнесэ, Мордовиянь пачтамо ды теленевтемань Прявткомитетсэ (руз. Госкомитет по радиовещанию и телевидению Мордовии).

Шкинемазо

Сермадома лувсонть ушодовсь 1930 иестэ. Васенце пурнавксось «Од пингень вий» (руз. «Сила нового времени») лись 1933 иестэ. Эйсензэ совась валморот ды поэмат. Сёрмадовкстнэсэ маряви сёрмадыцянть гайтев вайгелезэ одкстомтнеде, конат састь веленть эрямонтень. Седе содавиксэкс В. Радаев теевсь кода прозаньсёрмадей. Васенце истямо пурнавксось «Омбоце эскелькс» лем ало (руз. «Второй шаг»), кона лись 1947 иестэ, сон ёрокчистэ, кемевикстэ невти важодиця ломантнень, вейсхозонь веленть эрямонть. Омбоце пурнавксось – «Велень ёвтнемат» (руз. «Деревенские рассказы») неинзеть валдонть 1958 иестэ.

Революциянть седе икелень эрямонзо, сонзэ тюремазо эрьва ёндо Василий Иванович Радаев невти «Кайга» пусмосонть (1961 ие). Пек содавикс сёрмадовксозо «Сиведезь жених» (руз. «Подставной жених», 1957 ие). Сон нолдазель «Огонек» ковкставксо, ютавтозь чехень кельс ды нолдазь Прагасо «Кветы» ковкставксо. Саранонь теленевтнемань студиясь 1978 иестэ невтсь те сёрмадовксонть ланга спектакля.

Ламо сёрмадсь эйкакшонь туртов: «Колмо ялгат» ёвтнемась (повесть) (руз. «Три товарища»), пурнавкс пусмотне «Наташа ды сонзэ оянзо» (руз. «Наташа и ее подруги»), «Заботиця эйкакшт» (руз. «Заботливые ребята»), «Част» (руз. «Часы»), «Раужо озяз» (руз. «Черный воробей») ды лият. Весемезэ сёрмадеесь нолдась 15 конёв пусмот.

Ламо лезэ путсь ютавтомантень, рузонь кельс сон ютавсь сёрмадовкст Ф. Беззубовань, А. Лукьяновонь, П. Кономанинэнь, Н. Киржайкинань, А. Жулюпкинань, Н. Филипповонь ды лиянь.

СССР-нь Сёрмадеень пурнавксонь член 1938 иестэнть. Казязь «За отвагу», «За победу над Германией в Великой Отечественной войне 1941-1945 гг.» медальтнесэ.

Кулось 1989 иестэ умарьковонь 23 чистэ Саран ошсо, козонь калмазьгак.

Ледстнемга

• 2011 иестэ Мордовиянь краеведениянь музейсэ В.И. Радаевень 105 иеть юбилеентень алтазель «С лейкой и блокнотом…» невтевксэсь, эйсэнзэ ульнесть невтезь сонзэ фотокувонзо, ули-паронзо, документэнзэ, казнензэ ды лия мезензэ.