Эрзятнень раськень коцт

эрзятнень раськень коцт. Эрзятне эрить Россиясо. Коцтось ульнесь арсезь-кемекстазь 1995 иестэ.
Эрзянь Раськень коцт

Эрзятнень раськень коцт[1] (руз. Флаг эрзянского народа) — раськень коцт эрзятнень, раськенть, кона эри Россиясо. Ульнесь кемекстазь 1995 иестэ[2].

Потмокс

Раськень коцтонть эйстэВитнемс-петнемс

Раськень коцтонть покшолмазо — келезэ кувалмонть коряс лиси кода 1:2. Коцтось ашти колмо тюсто, верде алов: ашо, якстере, раужо. Смустень коряс: олячи, эрямо, Мастор. Неть тюстнэ саезь цёрань ды авань эрзянь оршамотнень тюсост коряс.

Раськень коцтонть смустезэВитнемс-петнемс

Колмо тюстнэ коцтсонть — те ломанень эрямозо, чачомасто саезь ды Тоначив туемас. Раужось — те аволь ансяк модань тюсозо, те пулаень тюсось. Минек покштятнень-аватнень коряс раужось те — Модавась, сон аваломанень ушодкс, кона рашты од эрямо, сонзэ смустезэ «эрзянь масторось», кона минек анды, максы вий. Эрзятнень те — Паксява, а седе келейстэ чарькодемасо — Масторава, те Тиринь Мастор. Якстере тюсонть смустезэ — те эрзянь ломанень верезэ, эрзя раськенть эрямозо. Те покштятне-пакшаватне, конат рисьменть вельде максызь миненек эрямонть. Те минь, минек келенек, коенек, кирданок. Ашо тюсось — Инешкипазонь тёкшозо. Смустень коряс — те олячи, кона максы тенек вий, оймень марямо.

Коцтонть тевс нолдытьВитнемс-петнемс

Покшчитне, зярдо эрзятне понгавтнить раськень коцтонть (ульнесть кемекстазь Эрзянь Ине Кужосо[2]:

  • Чадыковонь 16 чи — Эрзянь Келень Чи. Те чись ульнесь путозь Анатолий Рябовонь чачома чистэнзэ.
  • Велень озкссто — эрьва иень (Раськень Озксонь ютавтомань иетнеде башка) — медьковонь омбоце таргочи
  • Эрзянь Инекужо
  • Раськень Озкс — (ютавтови колмо иень ютазь) 2016 иень медьковонь омбоце таргочи
  • Эрзянь лисьмапря — эрьва иень медьковонь колмоце таргочи
  • Даволковонь 25 чи — Масторавань Чи

Седе тов, косо эрзятне а пурнавить, сынь невтить эсест раськень коцтонть[3][4][5].

Сёрм.Витнемс-петнемс