Кадышень, Надежда Никитична
Кадышень Надежда (руз. Кадышева Надежда Никитична, 1959 аштемковонь 1 чи Горки) — содавикс эрзянь[3][4] тейтерь-авась[5], Россиянь раськень артисткась, эстрадонь фолк-роконь морыця, «Сырьнень суркс» морамо кужонть васенце морыцязо.
| Кадышень Надежда | |
|---|---|
 Путинэнь Олодимэр ды Кадышень Надя, 2000 иень эйзюрковонь 7 чистэ | |
| чачома лем | Кадышева Надежда Никитична |
| чачома чись | аштемковонь 1 чи 1959 (65 иеть) |
| Чачома тарка | |
| Мастор | |
| Важодема ёрокчизе | морыця |
| Тетязо | Кадышев Никита Михайлович |
| Авазо | Кадышева Анна Андреевна |
| Полазо | Александр Костюк[d][1] |
| казнеть ды медальть |
   |
| вальма | kadisheva.ru |
 Надежда Никитична Кадышень | |
Эрямопигезэ
витнемсНадежда Никитична чачсь 1959 иень аштемковонь 1 чистэ Татаронь ёнксонь Лениногорскоень буень Горки велесэнть. Ансяк сонзэ эйкакш пингезэ кеместэ сюлмавсь теке ёнксонь Ташто Макалейужо (Ташто Маклауш) веленть марто. Те велесь ашти Самарань, Оренбургонь ёнксснень ды Печкасонь Масторонь вейкест-вейкест эйстэ маласо аштиця таркасонть.
Морамо ёрокчизэ
витнемсЭйкакш пингестэ саезь Надянь ульнесь покштояк покш мелезэ тонавтнемс музыкань (морамо-седямо) тевентень. Текень кувалма сыргась Московов Ипполитов-Иванов лемсэ училищаньтень. Тонавтыцязоль ульнесь — Николай Михайлович Тарасенко, содавиксэкс тонавтыцякс. Тейтересь прясто- пильгс совась тонавтнемань тевентень. Кинь ёновгак а молиця вайгелезэ, музыкас пек чарькодемазо, куватьс важодемань лувозо шкань ютазь кармасть явомо сонзэ лиятнень эйстэ. Зярдо Кадышева тонавтнесь колмоце курссо, тердизь важодеме «Москонцерт» вейсэндявксонь «Россияночка» квартетэнтень. Морыцятьнень репертуарсонть ульнесть пек ламо раськень морот. Самай сестэ кунсолыцятьне редизь кинь ёновгак а молиця морыцянть Надежда Кадышевань. Весе неть моротне, кода кортыть, «нолдазельть морыцянть оймензэ пачк». Надянень ульнесь мезе евтамс кунсолыцянтень.
Вейсэрямотаркасо (общежитие) эрямсто тейтересь теевсь содавиксэкс Гнессинтнэнь лемсэ институтонь студентэнть Александр Костюконь марто. Од ломантне кармасть вастневтеме, кирвайсь вечкеме ды 1983 иестэнть урьвакстсть. Теке жо шкастонть Кадышева поладызе тонавтнеманзо Гнессинтнэнь лемсэ институтсонть профессоронть Нина Константиновна Мешконь сольной морамонь классонть. Зярыя шкань ютазь пурназель масторонь келес содавикс «Сырнень суркс» морамо кужось, косо Кадышева педе-пев панжизе алкуксонь морамонь ёрокчинзэ.
Течинь чине Россиясо арась истямо ломань, конась бу аволизе сода Надежда Кадышевань лемензэ. Сонзэ моронзо гайгить эрьва кодамо кецямонь покшчисэ, кафесэ, ярсамо таркасо, телевизорсто, радиосо ды лия эрьва кодамо таркатнесэ. Миненек, эрзянь ломантненень, те покштояк покш мельспаро ды каштанчи. Эдь Надежда лиссь эрзянь раськенть пельде. Сави меремс, тиринь келензэ Надежда Никитична эзизе стувто течинь чис. Сон аволь ансяк вадрясто корты эрзянь кельсэ, натой морыяк. Кадышева ламоксть сакшнось Мордовияв, косо сонзэ свал вастасть пек лембестэ ды паро мельсэ. Кемтяно, маласо шкастонть тиринь артисткась таго сы Мордовияв ды кази тесэнь эрицятненень вадрядояк вадря, седейшкавань, мельстуиця морот.
Лисьмапрят
витнемс- ↑ https://www.ural.kp.ru/daily/26294.5/3171735/
- ↑ выгрузка данных Freebase — Google.
- ↑ «Сырьнень сурксонть» - эрзянь ундокст «Чилисема» эрзянь эйкакшонь ковставкс, №12 (294) декабрь 2002 (эрз.)
- ↑ РОО «Эрзянское культурно-просветительное общество «Эрзянь вайгель» («Голос эрзи»). Выездное заседание Исполкома Межрегиональной общественной организации мордовского (мокшанского и эрзянского) народа в Самаре(руз.)
- ↑ «Эрзянь Мастор», № 257, САМАРА ЁНКСОНЬ СОДАВИКС ЭРЗЯТНЕ Архивировазь 13 Даволковонь 2019 иестэ.(эрз.)