Панжомс прявтменю

Лёша Рав (руз. Алексей Владимирович Рогожин, 1909 ие эйзюрковонь 7 чи Ветькень Масторонь Балабаш-Нурусово велесэ - 1944 ие эйзюрковонь 24 чи Дрогобыч) — эрзянь[1] содавикс валморонь ладсий. Ульнесь Обмоце Ине Масторонь войнасо.

Лёша Рав
Чачома лем: Рогожин Алексей Владимирович
Важодема ёрокчизе : эрзянь содавикс валморозей
Чачома чись: эйзюрковонь 7 чи 1909({{padleft:1909|4|0}}-{{padleft:3|2|0}}-{{padleft:7|2|0}})
Чачома тарка: Балабаш-Нурусово веле, Ветькень Республикась
Мастор: Россиянь империясь[d]
Flag of the Soviet Union (1924–1955).svg СССР[d]
Кулома чись: эйзюрковонь 24 чи 1944({{padleft:1944|4|0}}-{{padleft:3|2|0}}-{{padleft:24|2|0}}) (35 иеть)
Кулома тарка: Дрогобыч ош
Эйкакшонзо: Лена

ЭстедензэВитнемс-петнемс

Чачсь 1909 иень эйзюрковонь 7 чисте Ветькень Масторонь Первомайской буень Балабаш-Нурусово[2] велесэ вирень ванстыцянь семиясо. Тензэ ульнесь комсьвейкее ие, зярдо «Якстере теште» кулялопасонть лиссь «Сёрма» васенце валморозо.

Цярмун велесэ сон прядызе школанзо ды те же велявсь важодеме тонавтыцякс Батырэнь педагогонь техникумонть прядоманзо мейле. Цярмунонь сисемьиень школасонть сон важодсь рузонь кель ды литературань тонавтыцякс 1928 иестэ саезь 1932 иес.

1932 иесте Алексей Рогожинмольсь тонавтнеме Мордовской пединститутс, конань прядызе 1936 иень медьковонь 3 чистэ (рузонь, мокшонь ды эрзянь кельтнень ды литературань тонавтыця). Мейле зярыя иеть важодсь завучокс Чаунзань школасо. Сеедьстэ вастневсь ловныцянзо марто, ламо вий путсь эрзянь эйкакштнэнь туртов учебникень анокстамонтень. Ютавтыль ветькень кельстэ.

1933-це иестэ Мордкизэсь нолдынзеть «Иетне жойнить» валморонь васенце кирья-пусмонзо. Лёша Рав содыль тиринь келенть башка ветькеньгак.

Шкань ютазь, валморонь ладсицясь эсь вийтнень марязь, Лёша Рав кармась сёрмадомо покш произведеният. 1934-це иестэ лиссь «Галё» исторической поэманзо, 1939-це иестэ - валморонь од кирья-пусмо, козонь совась «Литува» поэмась. «Галё» поэмасонть невтезь кода эрясть эрзянь раськесь 1905 иенть видс. Те сёрмадовксось ульнесь путозь школанть эрзянь келенть программас. «Литува»-сь ульнесь сёрмадозь 1937- 38 иетнестэ, эйсэнзэ ульнесь невтезь эрзянь эрямост Инязоронь правительстванть марто.

1940 иестэ лись Лёша Равонь ютавтовксось ветькень кельстэ К. Ивановонь «Нарспи» поэмась. 1941 иестэ саезь 1943 иес важодсь завучокс Чаунзань школасо.

Ине Масторонь войнанть ушодовомсто саизь фронтов (тунда 1943 иестэ). 1944 иень эйзюрковонь 24 чистэ[2] маштовсь Дрогобыч ошонть маласо. Калмазь вейс мароньте.

ЛецтнемгаВитнемс-петнемс

  • Цярмун велень ловнома кудось лемдязь А.В. Рогожинэнь лемсэ. (руз. Малокармалинская поселенческая библиотека им. А.В. Рогожина[3]) .
  • Чаунзань школасо панжозь сонзэ лемсэ музей (руз. «Музей Алексея Владимировича Рогожина»).

ШкинемазоВитнемс-петнемс

  • Иетне жойнить. Стихт. Саранск, 1933; Литува. Стихт ды поэма, Саранск, 1939.
  • Иванов К. В. Нарспи : поэма / К. В. Иванов ; [пер. А. Рогожин]. - Саранск, 1958. - 92 с. - Мордов.

Литературась эрямонзо ды шкинеманзо корясВитнемс-петнемс

  • Маскаев А., Кавто поэмат, «Сятко», 1940, № 10. На эрзя яз.
  • Коломасов В., Рогожинэнь «Литува» поэмадонзо, «Сятко», 1940, № 4. На эрзя яз.
  • Горбунов В. В., Мордовской советской литературась, Саранск, 1952. На эрзя яз.
  • История морд. сов. лит-ры, т. 1, Саранск, 1968. На русс. яз.
  • Писатели Сов. Мордовии. Библиографич. справочник, Саранск, 1958.. На русс. яз.


Сёрм.Витнемс-петнемс

  1. Время и события. 2014: библиографический указатель / Нац. б-ка им. А.С. Пушкина Респ. Мордовия; [сост. А.Н. Маланьчева]. – Саранск, 2013. – 148 с. (руз.)
  2. 2,0 2,1 Библиотека Мордовской литературы. Рогожин (Рав) Алексей Владимирович (руз.)
  3. Открытие Года литературы в сельских библиотеках (руз.)