Эрзянь полань саема
Эрзянь полань саемась (Эрзянь свадьбась) — те эрзянь раськень эрямосо весе кезэрень койтнень ды поэзиянть эйстэ а явовикс пелькс. Свадьбань поэзиясь появась пек умок кезерень шкатнестэ, эрясь ды кассь ламо пингень перть, яла сюпалгадсь ды сюпалгадсь.
| Эрзянь полань саема | |
 | |
| Ошеряйши |
|
|---|---|
Эсь эрямонь малав ведьгемень иетнень М.Е. Евсевьев алтынзе фольклоронь пурнамонь пек эрявикс тевентень ды тень пингстэ сехте покш мель явсь свадьбантень. Кода корты сонсь М. Е. Евсевьев:
«Свадьбань поэзиянть мон сёрмадыя Ирина Петровна авам пельде 80 иетнестэ. Симбярской губерниянь Буинской уездэнь М. Кармалы велесэ».
«Мордовская свадьба» важодевкссэнть Макар Евсевьевич эрьва ёндо сёрмадынзе одирьвань чиявтома койтнень-кирдатнень, тензэ анокстамсто саезь прядомазонзо. Малав ведьгемень иеть покш мель явсь те тевентень. Седе тов, те пурнавксонть поладызеть лия материалтнэсэ, конань пурнындэ фольклоронь экспедициятнесэ 38 эрзянь велетнэстэ. Пурнась сюпав фонотека. Неть питнейдеяк питней экспонаттнэ ванстовить Саранонь, Казанень, Санкт-Петербургонь, Хельсинкинь ды лия ошонь музейтнесэ. Полань саема коесь евтни кезэрень шкань эрямодонть, сеть лиякстоматнеде, конат тейневсть пингеде пингес, свадьбась малав педе пес моли одирьванть перька. Урнематнесэ евтавить одирьванть обуцязо ды мелявксонэо. Пек стака явомс тетянзо-аванзо эйстэ. Одирьвась урни свадьбадо икеле, свадьбань чистэ ды лиясто свадьбадо мейлеяк. Урнемат, морот, парянтнемат, пазморот совить свадьбань лирикас. Эрзянь раськесь свал ванстась поэтической сюпавчинзэ. «Эрзянь свадьба» книгась ульнесь нолдазь 1931-це[1] иестэ.
Полань саемась, али мирденень лисемась витнемс
«…свадьбась» явови зярыя пельксэв: ладямо, свадьбас анокстамо, свадьба цёрань кудосо, свадьба тейтерень кудосо, кудань валгома ды свадьба цёрань кудосо венчамодо мейле. Те важодевксэсь вейсэнди музыка ды морот, киштемат, озномат, налксемат… Келезэ ютавтома лувонть сюпавдояк сюпав: тесэ эпитетт, сравненият, метафора, гипербола, олицетворения…
Сёрм.: витнемс
- Тиринь вал, Литературань коряс хрестоматия эрзянь школань 8-це класстнэнень, Морд. кн. изд., Саранск, 1993, с. 255
- Евсевьев, М. Е. Мордовская Свадьба, 1931, сс 21-23