Евсевьев, Макар Евсевьевич

васеньце содавикс эрзянь ломанень тонавтыця, прев валдомтыця, тонань келень содый-теий докторось (1921).

Евсевьев (Кобаев[2]) Макар Евсевьевич (1864 якшамковонь 18 чи, Цярмун - 1931 панжиковонь 10 чи Саранск) — васеньце[2] содавикс эрзянь ломанень тонавтыця, наукань келень содый-теий докторось (1921). Эрзя.

Макар Евсевьев
Евсевьевень Макар 1890 иетнестэ
Евсевьевень Макар 1890 иетнестэ
чачома лем Макар Евсевьевич Евсевьев
чачома чись якшамковонь 18 чи 1864({{padleft:1864|4|0}}-{{padleft:1|2|0}}-{{padleft:18|2|0}}) (160 иеть)
Чачома тарка
Кулома чись панжиковонь 10 чи 1931(1931-05-10) (67 иеть) эли панжиковонь 11 чи 1931(1931-05-11)[1] (67 иеть)
Кулома тарка
Мастор
Важодема ёрокчизе тонавтыця, тонавтыця, историксь, этнограф
Тетязо Евсевий Тихонович Кобаев
Авазо Ирина Петровна Кобаева
казнеть ды медальть

ЛопаПарцун:Ине Станиславонь орден, ЛопаПарцун:Ине Аннань орден, сиянь (1892) ды вишка сырнень (1916) медальть максозь Рузонь Географической пурнавкссонть

 Макар Евсевьевич Евсевьев

Эстедензэ витнемс

Макар Евсеевич чачсь 1864 иень якшамковонь 18 чи (30) чистэ, Цярмун велесэ[3] (рузокс Малые Кармалы[4], чуважокс Ирçе Çармăс), неень Ибресинбуень Ветькень Масторсо сокиця-видицянь семиясо. Семиясост кемнилее эйкакшт. Тетязо, Евсевий Тихонович Кобаев - сокиця-видицяль. Авазо, Ирина Петровна, кудонь азорава, содась ламо морот, урнемат, ёвкст. Вишка Макарнэнь панжовсь тиринь келенть мазычизэ-валдозо, ды те ёжомарямось ванстови мейле эрямонзо перть.

Сон ульнесь энциклопедической содамочи марто филолог, содыця ломань, конань лемензэ марто сюлмавозь мокшэрзянь профессиональной наукась, культурась ды кельвалонь шкинеманть васенце эскельксэнзэ. Фольклорист, мокшонь ды эрзянь келень коряс васенце профессиональной исследователь, коень, эрямо тевень содыця, педагог, мокшонь ды эрзянь кельтнень коряс тонавтнема книгань васенце автор. Макар Евсевьевич Евсевьев-- содыця ломань, конань и эсенек и лия масторонь наукасо вейке мельсэ лемдизь и "мокшэрзянь Лёнротокс" (П. Равила) и "мокшэрзянь литературань эсь раскень юртнэнь кастыцякс" (П. Домокош).

1872-це иестэ Макаронь максызь тонавтнеме Шераутонь ушодкс школас, Цярмунонть эйстэ сисем вайгельпеть. Тонавтнесь вадрясто. Вана кодамо питне марто прядызе цёрынесь те школанть. Чуважтнэнь койсэ Макаронь фамилиязо сёрмадовсь тетянзо лемсэ. Истя Макар Кобаев теевсь Евсевьевекс.

1876-це иестэ Шераутсо ушодкс училищань прядомадо мейле 14 иесэ цёрынесь ялго туи Казанев тонавтыцянь семинарияв. Тесэ вадрясто кирдинзе экзаментнэнь ды сонзэ саизь тонавтнеме. Содамочис бажиця эрзянь цёрынесь тиринь кельдензэ башка кармась кортамо рузокс, татарокс, чуважокс. Содась лия кельтькак.

Семинариясо тонавтнемстэ уш кармась Макар Евсевьевич фольклоронь пурнамо, седе мейле, зярдо сон важодсь тонавтыцякс, кизэнь каникуласто саиль мартонзо фотоаппарат ды туиль эрзянь ды мокшонь велетнева якамо. Книжказонзо сёрмадылинзе чуросто вастневиця валтнэнь, сёрмадсь морот, ёвкст, урнемат, лайшемат. Пурнась кезэрень викшнезь панарт, пулайть, пангот, руцят, карсемапельть.

1883-це иестэ, тонавтнеманзо прядомадо мейле, Макар Евсевьевень кадызь семинарияс ушодкс классонь тонавтыцякс, 11 иеть тонавтсь мокшонь ды эрзянь эйкакштнень арифметикас, рузонь кельс, географияс. Истя сон кассы-тееви ине тонавтыцякс ды методистэкс.

Се шкадонть сёрмадеесь Петр Глухов сёрмадсь[5]:

«Минек классонтень совась Макар Евсевьевич. Сон ульнесь арифметикань, географиянь тонавтыця…Сон миненек пек вечкевсь. Кортыль чарькодевикс кельсэ, апак капша, аволь виев вайгельсэ. Кинь лангскак зярдояк а серьгедиль. Паро тешкскеть пельдензэ получамс ульнесь пек стака… Минь содынек, бути педсоветсэ киньгак мейсэяк чумондсть, Макар Евсевьевич зярдояк а капшиль од ломаненть сёвномо, кисэст каиль лембе вал.»


Макар Евсевьевич сеедьстэ лездась понгомс тонавтнеме семинарияс велень эйкакштненень. Сонзэ лезксэнзэ вельде Казанень тонавтыцянь семинариянть прядызь З.Ф. Дорофеев, Е.В. Скобелев, И.Я. Бондяков, П.С. Глухов, И.Ф. Прокаев, Л.П. Кирюков, И.П. Кривошеев, С.Г. Потапкин, Т.И. Данилов, М.И. Наумкин, В.П. Ямушкин, И.И. Московкин ды лият. Неть ломантне аштесть эрзянь ды мокшонь литературань ды журналистикань, наукань ды просвещениянь, музыкань ды педагогикань ушодкссо.

М.Е.Евсевьев бажась ливтемс эрзятнень ды мокшотнень чоподачистэнть. Лиякс меремс, сынст тонавтомс ловномо, сёрмадомо, эсь сельмесэ ванномо мода-масторонть лангс. Макар Евсевьевич наукань тевензэ кармась топавтомо 1880-це иетнестэ. Се шкастонть саезь сон весе эрямонзо алтызе наукань ды тонавтомань тевентень.

Васняяк сон ушодсь домкасто тонавтнеме эрзянь келенть. Лиснесь истя: эрьва велесэ кортыть эсест койсэ, лиясто мик эрзятне вейкест-вейкест аволь допрок чарькодсть. Макар Евсевьевич лездась А.Ф. Юртовнень « Образцы мордовской народной словесности. Песни на эрзянском и некоторые на мокшанском наречии» (1882) ды «Образцы мордовской народной словесности. Сказки и загадки на эрзянском наречии мордовского языка с русским переводом» (1883) книгатнень анокстамосо ды нолдамосо. А уш «Образецтнэнь…» - мокшонь моротнень - педе-пес пурнынзе сонсь. Сынь лиссть 1896-це иестэ.

Макар Евсевьевич анокстась ды нолдась эрзянь ды мокшонь кельтнесэ букварть[6] (1892, 1897). Топавтозь сынь рузонь графиканть лангс нежедезь. Зярыя уроконь ютазь, авторось максы рузонь валт, максы сынст ютавтомаст тиринь кельс. Истя мельсэ кирдевить 200 ламо рузонь валт; букваренть омбоце пельксэзэ – рузонь. Тесэ максовить рузонь алфавитэсь, лотксема тешкстнэ, цифратне, стакасто ёвтавиця гайттне ды гайттнень сюлмавкстнэ… Букваресь сёрмадозь чарькодевиця кельсэ, эйзэнзэ совавтозь морот, ёвкст, валмеревкст, содамоёвкст. Макар Евсевьевич ютавты эрзянь кельс «Рассказы о двунадесятых праздниках» ды «Крещение Руси при святом князе Владимире» (1889). 1910-це иестэ нолдызе «Евангелиянь» ютавксонть.

1896-це иестэ Макар Евсевьевич васенцеде якась этнографиянь экспедицияс. Сон ульнесь Алоошэнь, Пензань, Симбирень, Тамбовонь ёнкстнесэ. Кода суоминь стипендиат, пурнась келень, раськень шкинемань ды этнографиянь материал, кона совась Х. Паасоненнэнь 7-це ды 8-це томтнес.

 
Макар Евсевьевэнь кеврунгозо Мордовиянь государственной педагогической институт М. Е. Евсевьевэнь лемсэ, Саран ошсо

Эсь эрямонь малав ведьгемень иетнень Макар Евсевьев алтынзе фольклоронь пурнамонь пек эрявикс тевентень ды тень пингстэ сехте покш мель явсь свадьбантень. Те домка мелесь чачсь Евсевьевень превс-седейс, нать, сестэ, зярдо сон прядызе Казанень инородческой семинариянть - 1883-це иестэ, ды седе тов ушодызе фольклоронь пурнамонть. Эрзянь свадьбась неявсь сонензэ покш коекс, конасонть кеместэ сюлмавовсь эрзянь раськенть историязо, эрямозо ды культуразо[7]. Кода сёрмадыль сонсь М.Е. Евсевьев:

«Свадьбань поэзиянть мон сёрмадыять Ирина Петровна авам пельде 80 иетнестэ. Симбирской губерниянь Буинской уездэнь М. Кармалы велесэ».[8]»


Россиянь келес эсь прядонзо Макар Евсевьевич васенцеде яволявтсь «Эрзянь свадьбасонзо», кона лиссь 1892-1893-це иетнестэ «Живая старина» журналсонть. «Эрзянь свадьба» книгась лись 1931-це[7] иестэ.

1912-це иестэ М.Е. Евсевьевень кочкизь Рузонь географиянь обществань членэкс - сотрудникекс. Кавто иень ютазь сонзэ совавтызь Казанень университетэнь археологиянь, историянь ды этнографиянь вейсэндявксос. Учёноенть сёрмадовксонзо лиснесть Россиянь покш ковставкстнэсэ-журналтнэсэ, кулялопатнесэ. Сынь тешкстазельть Рузонь географиянь вейксэндявксонь сырнень медальсэ. Истя «онкстазельть» этнографиянь материалтнэ, конат кучнокшнозельть этнографиянь отделенияв. Куроксто сон кундась фольклоронь ды этнографиянь, эрзятнень эрямодост материалонь пурнамонь тевентень. Тейнесь эрямосто саезь пек ламо снимкат. Сехте вечкевикстнэнь кучинзе Парижень раськеютконь выставкав. Те важодевксэнть кисэ сонензэ макссть сырнень медаль.

1919–це иестэ саезь 1929–це иес сон важоди Татариянь центральной музейсэ. Теде башка ловны лекцият эрзянь кельденть, этнографиядо, историядо Казанень Чилисема ёнксонь-педагогиянь ды Коммунизмань университетсэ. Теке шкастонть сонзэ лезксэнзэ вельде панжовить: васенце мордовской учительской семинария – Мачкасс велесэ (Саратовонь губерния, 1918), тонавтыцянь семинария – В. Толкан велесэ (Самарань губерния), Педагогикань курсат – Московсо, косо ютасть «переподготовка» эрзянь ды мокшонь тонавтыцятне. Курстнэнь прявтокс ды пурныцякс ульнесь Ф.Ф. Советкин.

Комсеце пингень комсеце иетнестэ Макар Евсевьевич ульнесь профессорокс, анокстась тонавтыцят, кепедсь Рав чирень раськетнень содамочист, культураст. Сон ламо важодсь мокшонь ды эрзянь культурань-содамочинь вейсэндявксонь прявтокс. 1924-це иестэ Макар Евсевьевич ульнесь эрзянь ды мокшонь тонавтыцянь Весероссиянь васенце Промксонь делегатокс, косо ульнесь ветицякс.

Шкинемазо витнемс

  • М.Е. Евсевьевень прявт важодеманзо лиссть печатсь революциядо мейле:
  • «Мордва Татреспублики» (Казан ош, 1925)
  • «Свадьба у мордвы» (Казан ош, 1925)
  • «Эрзянь ёвкст» (Москов, 1928)
  • «Эрзянь морот» (Москов, 1928)
  • «Основы грамматики мордовского языка» (Москов, 1929, 1931)
  • «Эрзянь-рузонь валкс» (Москов, 1931)
  • «Мордовская свадьба» (Москов, 1931)

«Основы грамматики мордовского языка» лиссь 1929-це, омбоцеде 1931-це иестэ. Эйсэнзэ васенцекс невтинзе чачома кельтнень потмочинь лувост. «Основы…» важодевксэнть нолдамодо икеле Макар Евсевьевич ульнесь 450-де ламо эрзянь ды мокшонь велесэ. Сон аволь ансяк пурнась «живые образцы народной речи» - морот, урнемат, ёвкст, ёвтнемат, валт, валмеревкст, валонь формат, лиякс меремс, раськень се таштавксонь уликсчинть, конань лемезэ «кортамо кель»; сон текекс сравтсь валдочи, макссь содамочить. Сон ламо вий, мельть-арсемат путсь сенень, кодат кортавкст эрявить аравтомс юрокс, конатнень перька улезст пурназь-теезь эрзянь ды мокшонь литературань кельтне. Те важодеманть питнезэ а онкставишка – сон путынзе эрзянь ды мокшонь келень лувтненень юртнэнь, тейсь ушодкс сынст орфографиянтень. Финнэнь-угрань содавикс учёноесь Д.В. Бубрих сёрмадсь:

(эрз. (1869 ие) М.Е Евсевьевень «Основы мордовской грамматики» те невти раськень кепедстеманть.


«Эрзянь-рузонь валксось» лиссь 1931 иестэ Московсо. Печатьстэ лисемантень лездасть Д.В. Бубрих ды Ф.Ф. Советкин. Те валксось ушодызе эрзянь валташтавксонть (лексиканть) системань коряс ванноманзо. Валксось теезь ансяк «к» букванть видьс, теке марто эрзянь диалектологиясо сон саи эрявикс тарка. Сонзэ эйс пурназь 2500 валт ды валсюлмавкст эрзянь ламо кортавкстнэстэ. Тешкстазь, кона валось кодамо велестэ, вариантсо ды смустьсэ вастневи. Те вастневемась кемекстави валмеревкссэ, валъёвтавкссо, моросто саевкссэ.

Кулось Макар Евсеевич 1931 иень панжиковонь 10 чистэ, калмазель Казань ошсо.140-иень М.Е. Евсевьевень чачома чистензэ, 2004-це иестэ, челькезе ульнесь калмазь Саранскойсэ[3], С. Эрьзя скульпторонть, И. Яушев морыцянть, Л. Кирюков композиторонть ваксс. Сюконямо тень кисэ Эрзянь келень идема Фондонтень.

Сонзэ лемезэ максозь Мордовиянь пединститутонтень. Тесэ сонзэ лемс панжозь музей. 1964 иестэ саезь ютавтовить Евсевьевень лементень алтазь ловномат. Сарансо лемсэнзэ ули куро, ловномакудо, Саранонь монументально-скульптурань комплекссэ – бюстозо, республикань краеведень музейсэ – фотокувт, кедьчелькензэ, кедьёнксонзо.

1961-1966-це иетнестэ лиссть 5 томсо «Избранные труды М.Е. Евсевьева», 1959-це иестэ - «Мордовская свадьба». 2004 иестэ нолдазель «М.Е. Евсевьев: жизнь мордвы в фотографиях» альбомось. Неень Покшчинтень одс нолдазь «Мордовская свадьба», нолдазь мазыйстэ, артовкс марто.

Фотокувт витнемс

Ловнодо витнемс

Библиографиясь витнемс

М. Е. Евсевьевэнь сёрмадовксозо витнемс

1888 ие

  • Крещение Руси при святом князе Владимире. На эрзянском наречии мордовского языка (В память 900-летия крещения Руси).- Казань: Изд. ПМО, 1888. — 20 с.

1892 ие

  • Букварь для мордвы-мокши с присоединением молитв и русской азбуки. — Казань: Типо-литогр. Казанского Императорского ун-та, 1892. — 53 с.
  • Букварь для мордвы-эрзи с присоединением молитв и русской азбуки-Казань; Типо-литогр. Казанского Императорского ун-та, 1892. — 47 с.
  • Мордовская свадьба // Живая старина. — СПб., 1892. Кн. 2. Вып. 2. Отд. 2. — С. 98-117.
  • Первоначальный учебник русского языка для мордвы-мокши. — Казань: Изд. ПМО, 1892. — 159 с.
  • Первоначальный учебник русского языка для мордвы-эрзи. — Казань. Изд. ПМО, 1892. — 159 с.

1893 ие

  • Мордовская свадьба // Живая старина. — СПб., 1893. Кн. 3. Вып. 2. Отд. 2. — С.211—219.

1894 ие

  • Букварь для мордвы-эрзи с присоединением молитв и русской азбуки. 2-е изд. — Казань: Типо-литогр. Казанского Императорского ун-та, 1894. — 54 с.

1895 ие

  • Священная история Ветхого завета на эрзянском наречии мордовского языка,- Казань: Изд. ПМО, 1895. — 75 с.

1897 ие

  • Букварь для мордвы-мокши с присоединением молитв и русской азбуки. 2-е изд. — Казань: Типо-литогр. Казанского Императорского ун-та, 1897. — 56 с.
  • Молитвенник на эрзянском наречии мордовского языка. — Казань: Изд. ПМО, 1897. — 16 с.
  • Образцы мордовской народной словесности. Мокшанские песни //Известия ОАИЭ. Т.14. Вып. 1- Казань: Типо-литография Казанского Императорского ун-та, 1897. — 32 с.
  • Первоначальный учебник русского языка для мордвы-мокши. 2-е изд. -Казань: Изд. ПМО", 1897. — 149 с.
  • Первоначальный учебник русского языка для мордвы-эрзи. 2-е изд.- Казань: Изд. ПМО, 1897. — 149 с.

1900 ие

  • Священная история Ветхого завета на мокшанском наречии мордовского языка. — Казань: Изд. ПМО, 1900. — 75 с.

1914 ие

  • Братчины и другие религиозные обряды мордвы Пензенской губернии // Живая старина. 1914. Кн. 23. Вып. 1-2. — 44 с.
  • Отчет о командировке в Самарскую и Казанскую губернии для изучения говоров мордовского языка. — Казань, 1914. — 17 л.

1923 ие

  • Тундонь чи / Е. В. Скобелев, М. Е. Евсевьев, Г. К. Ульянов.- М.-Л: ГИЗ, 1923. — 47 с.

1925 ие

  • Мордва Татреспублики // Материалы по изучению Татарстан.- Казань, 1925. Вып. П. — С.179—196.
  • Эрзянь и мокшень кезэрень эрямодост // Якстере теште.- М., 1925. — 21 июля.

1928 ие

  • Основы мордовской грамматики. = Эрзянь грамматика. С прилож. образцов мокшанских склонений и спряжений. — М.: Центриздат, 1928. — 446 с.
  • Эрзянь морот — М.: Центриздат, 1928. — 184 с.
  • Эрзянь ёвкст (скаскат) — М.: Центриздат, 1928. — 137 с.

1931 ие

  • Мордовская свадьба. Ульяновская (б. Симбирская) губерния, село Малые Кармалы Вып. 1.- М.: Центриздат, 1931. — 311 с.
  • Основы мордовской грамматики = Эрзянь грамматика.- 2-е изд., испр.- М.: Центриздат, 1931. — 240 с.
  • Письмо П. В. Шапошникову // Якстере Теште. −1931. — 9 мая.
  • Эрзянь свадьба.-М.: Центриздат, 1931.Вып. 1. — 311 с.
  • Эрзянь-рузонь валке = Мордовско-русский словарь,- М.: Центриздат, 1931. — 227 с.

1961 ие

  • Народные песни мордвы // Избр. труды: В 5 т. — Саранск: Мордов. кн. изд-во, 1961. Т.1. — 384 с.

1963 ие

  • Народные песни мордвы // Избр. труды.: В 5 т. — Саранск: Мордов. кн. изд-во, 1963. Т.2. −527 с.
  • Основы мордовской грамматики // Избр. труды.: В 5 т. — Саранск: Мордов. кн. изд-во, 1963. Т.4. — 472 с.

1964 ие

  • Мордовские народные сказки и загадки // Избр. труды.: В 5 т. — Саранск: Мордов. кн. изд-во. 1964. Т. З. — 411 с.
  • Отчет инструктора мордовского подотдела Наркомнаца М. Евсевьева по командировке его в Чувобласть, Татреспублику и Нижегородскую губернию с 17-го декабря 1921 г. //Сов. Мордовия. 1964,- 31 января.

1966 ие

  • Братчины и другие религиозные обряды мордвы Пензенской губернии // Избр. труды.: В 5 т. — Саранск: Мордов. кн. изд-во, 1966. Т.5. — С.342-384.
  • Мордва Татреспублики // Избр. труды.: В 5 т. — Саранск: Мордов. кн. изд-во, 1966. Т.5. — С.385-407.
  • Мокшанская свадьба. (Вариант первый) // Избр. труды.: В 5 т. — Саранск: Мордов. кн. изд-во, 1966. Т.5. — С.408-427.
  • Мокшанская свадьба. (Вариант второй) // Избр. пруды.: В 5 т. — Саранск: Мордов. кн. изд-ио, 1966. Т.5. — С.428-458.
  • Мордовская свадьба // Избр. труды.: В 5 т. — Саранск: Мордов. кн. изд-во, 1966. Т.5. — С.7-442.
  • Письма // Избр. труды.: В 5 т. — Саранск: Мордов. кн. изд-во, 1966. Т.5. — С. 459—499

1975 ие

  • Мокшанская свадьба селений бывшего Симбирского уезда // Устно-поэтическое творчество мордовского народа: В 8 т. — Саранск, 1975. Т.6 -Ч.2. — С.343—377.
  • Level A.A. Sahmatovhoz // Medveenek a Keleti Finnugor Nepek Irodaalmanak Kistukrc Europa Konyvkiado Budapest, 1975. — C.817-822.

1982 ие

  • Как начинался Нижний Новгород // Легенды и предания Мордвы — Саранск, 1982. — С.61-63.
  • Каменная девушка // Легенды и предания Мордвы — Саранск, 1982. — С.35-36.
  • Предания о царе Тюштяне // Легенды и предания мордвы — Саранск, 1982. — С.51-56.

1990 ие

  • Мордовская свадьба. — Саранск: Мордов. кн. изд-во, 1990. — 384 с.

М. Е. Евсевьевэвдэ литературась витнемс

  • Беззубов В. И. Документы о жизни и научной деятельности М. Е. Евсевьева. Саранск, 1950.
  • Беззубов В. И. Научно-педагогическая деятельность Макара Евсевьевича Евсевьева. — Саранск: Мордов. кн. изд., 1960.
  • Бибин М. Т., Осовский Е. Г. Макар Евсевьевич Евсевьев // Просветители и педагоги Мордовского края. — Саранск: Мордов. кн. изд-во, 1986. — С.45-59.
  • Бибин М. Т., Осовский Е. Г. Макар Евсевьевич Евсевьев — первый мордовский учёный, просветитель и педагог. (В помощь лектору). — Саранск, 1988.
  • Воробьев Н. И. Макар Евсевьевич Евсевьев // СЭ. 1931. № 3/4. С. 187—189.
  • Жиганов М. Ф. М. Е. Евсевьев — историк родного края. — Саранск: Мордов. кн. изд-во, 1990.
  • Научное наследие М. Е. Евсевьева и современность: Межвузовский сб. науч. трудов. Саранск, 1992.
  • Научное наследие М. Е. Евсевьева в контексте национального просвещения Поволжья. — Саранск, 2004.
  • М. Е. Евсевьев: Жизнь мордвы в фотографиях: Фотоальбом. Сост. А. С. Лузгин и др. Саранск, 2004.
  • Осовский Е. Г., Зеткина И. А. Макар Евсевьевич Евсевьев: просветитель, учёный, педагог / Мордов. гос. пед. ин-т. — Саранск: Тип. «Крас. Окт.», 2003. — 172 с.
  • Шахматов А. А. О работах М. Е. Евсевьева // Отчет Императорского Русского Географического общества за 1915 г. М., 1916. С. 72—74.

Лисьмапрят витнемс