Эрзянь раськень оршамопельть

	Эрзянь раськень оршамопельть
	Эрзянь раськень оршамопельть

Эрзянь раськень оршамопельть (руз. эрзянский национальный костюм) — те оршамот, конатнень кантнесть эрзянь ломантне. Раськень оршамопелесь, кода мерить этнографтнэ, те велень эрицятнень оршамопелест. Эрзянь оршамопельтне ульнесть арсезь кезерень шкасто. Ули авань ды цёрань оршамопель. Сон ульнесь кода покшчинь ды озксонь ютавтомань туртов ды эрьва чистэ якамоненьдяк. Эрзянь раськень оршамопелесь теевсь Россиянь европейской пелькссэ кушнка таркасонть, ды эйсэнзэ ульнесь алга ды верьга шожда оршамопель, телень ды тундонь-сёсксень лемпе оргамопель. Пек ламо улить мазылгавтомат.

Авань раськень оршамопелльть

Покай

Медведев Г.А. Эрзянь одирьвань урнемат. 1931

Покаесь^[1] – те панар, ансяк пек седе сюпавсто викшнезь. Сонзэ оршнилизь мирденень лисемстэ ды лия покшчива. Покай лавтовонь викшневкстнэнень мерильть сёрмат. Истят арткеть викшневильть покай алксонтеньгак (удалов), мерить тенст пельсёрмат (викшневи сёрманть пелезэ). Пельсёрматне ульнесть эрьва кодат ды пек мазылгавтсть весе викшневксэнть.

Панар ды покай ланга, кона-кона таркатнесэ руця ланга, эрзянь аватне кандтнесть пулай^[2].

Покшчинь пулаентень мазылгавтомань кис стакшныть кшнинь ярмакт. Бути ярмакт арасть, тевс туить ашо эли тюжа тюсонь кшнинь бляшкинеть, вейкеть мазый плаштят. Пулаенть кавто пельга понгавтовить якстере ды пиже цёкот. Цёкопрянть эрзянь аватне кекшилизь кодавкске потс. Теде башка цёкотнень ды сурепулотнень эрзяватне мазылгавтнесть ашо тюсонь човалясо.

Кирьгашат

Кезэрень эрзяватне пек вечкильть мазылгавтомо кирьгаст, мештест, секс кандтнесть сюлгамот, ламо эрьгекерькст, эрьгень сиветь, конатненень мерильть кирьгаша^[3].

Сюлгамо

Панаронь эли покаень сивенть эрзяватне чочилизь сюлгамосо^[3](руз. брошь, брошка). Сюлгамотне эрсильть эрьва кодат: салмукс март оды салмукстомо. Эрзянь сюлгамосо весемеде сеедьстэ вастневить якстере, раужо, пиже, ашо, пачк невтиця эрьгть, човалят. Ожот, сэнть, тюжт мерицят вастневить седе чуросто. Сюлгамось кемекстави меште куншкас: панар сивень кавто пельга теевить килькшкеть, козонь понгавтовить сюлгамонь петне. Бути сюлгамось салмукс марто, сон чочави салмуксонть вельде.

Тейтерьавань карксамонь мазылгавтома. Эрзят. Симбирской губерниясь, Ардатовань уездэсь. XIX - уш.XX пингесь.

Эрзянь прясюлмавкст

Седикелень эрзянь тейтертне коняваст кандтнесть прясуре, лия таркава сонензэ мерсть пацяконя^[3]. Мирденень лисемадо мейле пряс путовиль авань панго. Ульнесь натой истямо кой, мерильть тензэ прянь сюлмамо: те чистэнть одирьванть прянзо сюлмилизь авакс.

Авань панго

Эрзянь прясюлмавкстнэ ульнесть эрьва кодат. Мирденень максозь аватне якильть пангосо^[4]. Сынь а вейкетельть. Ульнесть сювозь прят, конат молилть скалонь сюро эли ансяк чачиця ков ёнов, ульнесть келей конякс марто, Самарань ды Симбирень эрзятне сынст лемдить сорука эли шлыган.

Икельга паця

Панаронть ды руцянть ланга эрзяватне кандтнесть мазый икельга пацят^[4](руз. фартукт), конатнесэ ульнесть аволь ансяк викшневкст, вастневсть черьведьметь, кружеват, плаштят, плёскат, човалят ды натой ярмакт. Орданбуень, Отяжбуень, Чаунзань, Покш Березникень, Дубенкань ды Кочкурбуень эрзяватнень икельга пацяст а пек явовсть вейке вейкеде. Самарань эрзяватнень икельбацяст ульнесть седе теинеть ды тустосто викшнезь.

Цёрань панар

Эрзянь цёрань^[4] панарось викшневиль-ставиль истямо жо коцтсто, кодамосто теевиль авансесь. Панаронть кувалмозо кумажа видьс, карксавиль цёко марто мазый каркссо. Ломань юткс лисема панарось викшневиль седе сюпавсто, истякчинсесь – теине кикскесэ. Мазылгавтовильть панар алксось, ожа петне, сивесь, мештесэ чочамо таркась ды лавтовпрятне. Покшчинь панаронтень педявтневильть цитниця плёскат, карксцёкотнень пест мазылгавтовильть човалясо. Истямо ладсо цёрань ды авань панартнэ поладыльть вейке-вейкень ды вейсэ невтильть пек мазыйстэ. Неень шкас эрзянь цёрань панарт пачкодсть пек аламо.

Фотокувт

Ивана Плаксинэнь семиязо: церанзо нист марто, сынс пакшаст - церынеть ты тейтерьнеть. Таркась: Борискино, Бугульмань буе, Самара ёнкс (ненец ткань Боризвеле, Северной буе, Оренбургонь ёнкс), Россия. Теема шкась: 1914. Негатив. Теицязо: Вяйсянен А. О., Этно-экспедиянь искувума ды Вяйсяненэнь ардомась 1914 иестэ.
Эрзянь кудораське
Эрзянь тейтерькат киштить. Зярдо арась гайнема ёнкс, сынь морыть «киштема морот» («kištšimamoroa»), «идилду» («ldildu») валтнесэ. Таркась: Борискино, Бугульмань буе, Самара ёнкс (ненец ткань Боризвеле, Северной буе, Оренбургонь ёнкс), Россия. Теема шкась: 1914. Негатив. Теицязо: Вяйсянен А. О., Этно-экспедиянь искувума ды Вяйсяненэнь ардомась 1914 иестэ.
«Масторава» морыцятне. «Масторавань тундо» XIX-це фестивалесь-пошкчись, «Раськень ялгаксчинь Кудо», Самар ош. 2017 иень панжиковонь 21 чи.
«Гайги вайгель» раськень морамо кужось (Од Пурня велестэ, Мордовиясто) Эрзянь Раськень Озксо-2007
Оссип (Ossip) цёрынесь тонавтни налксеме нудейсэ. Таркась: Вечканово веле, Бугуруслан буе, Самара ёнкс (неень шкань Татшто Вечан веле, Бугуруслан буе, Самарань ёнкс), Россия. Теема шкась: 1914. Негатив. Теицязо: Вяйсянен А. О., Этно-экспедиянь искувума ды Вяйсяненэнь ардомась 1914 иестэ.
Валморозей Маризь Кемаль ды Тушникова Наталь. Неень шкань теезь, алкуксонь эрзянь оршамопельсэ, конат анокстызь сынсь. Раськень Озкс, Чукал веле, Покш Игнадбуе. 2016 иень медьковонь 9 чи.
Лелят-ялакст, эрзянь атинеть. Таркась: Вечканово веле, Бугуруслан буе, Самара ёнкс (неень шкань Татшто Вечан веле, Бугуруслан буе, Самарань ёнкс), Россия. Теема шкась: 1914. Негатив. Теицязо: Вяйсянен А. О., Этно-экспедиянь искувума ды Вяйсяненэнь ардомась 1914 иестэ.
«Покш Эрзянь Чи». Пазялго веле, Бессоновонь буе, Пенза ёнкссо. 2017 иень аштемковонь 4 чисте.
Эрзянь одирьвась оршамопельсэ, прязо сюконязь, максыть симема тензэ. Таркась: Шентала веле, Бугульмань буе, Самара ёнкс (неень шкань Шентала, Шанталань буе, Самарань ёнкс), Россия. Теема шкась: 1914. Негатив. Теицязо: Вяйсянен А. О., Этно-экспедиянь искувума ды Вяйсяненэнь ардомась 1914 иестэ.
Эрзянь сюлгамо
Кезэрень эрзянь цёрань оршамопелезэ

Вано истяжо

Карьть

Лисьмапрят

↑ «Чилисема» 2004 ие №2, 16 лоп. (эрз.)
↑ «Чилисема» 2004 ие №3, 18 лоп. (эрз.)
↑ ^3,0 ^3,1 ^3,2 Саевксэнь ильведевкс: Неверный тег <ref>; для сносок Чилисема2004_4 не указан текст
↑ ^4,0 ^4,1 ^4,2 «Чилисема» 2004 ие №5, 15-18 лоп. (эрз.)

[Чилисема2004№2-1] «Чилисема» 2004 ие №2, 16 лоп. (эрз.)

[Чилисема2004№3-2] «Чилисема» 2004 ие №3, 18 лоп. (эрз.)

[Чилисема2004_4-3] 3,0 ^3,1 ^3,2 Саевксэнь ильведевкс: Неверный тег <ref>; для сносок Чилисема2004_4 не указан текст

[Чилисема2004_5-4] 4,0 ^4,1 ^4,2 «Чилисема» 2004 ие №5, 15-18 лоп. (эрз.)

[1]

[2]

[3]

[4]