Мушко
Мушко, лиякс кансть[2], (лат. Cannabis, руз. Конопля) — те ве иень тикше-лопа мушконь семиястонть (Cannabaceae). Сонзэ нетьксэзэ касы видьстэ, лопанзо явшавить сур ладсо (пальчатораздельнойть). Канстесь сави роднякс пиципалакстнэнень. Эйстэнзэ лиси лияназонь коряс седе казямо сэльге, конадо мерить мушко.
| Мушко | |||||||||||||||||
 Мушко | |||||||||||||||||
| Тонань лем | |||||||||||||||||
|---|---|---|---|---|---|---|---|---|---|---|---|---|---|---|---|---|---|
| |||||||||||||||||
| Омбомасторонь тонань лем | |||||||||||||||||
|
Cánnabis L., 1753 | |||||||||||||||||
| Дочерние таксоны | |||||||||||||||||
|
Cannabis sativa (aut) Видема кансть
| |||||||||||||||||
| |||||||||||||||||
Ломанесь мушкостонть саиль пек покш лезэ: ярсамопель (видьметьнень), сонзэ эйстэ теилть конёв, оршамопельть, карсемапельть, пикст, суреть, ды прянь дураскалевтнеметь (наркотик лацо). Канстень мушксто кодыть казямо ды нардев коцт, примеркс парусина, ды юдмас коцт. Пек эряви канстень мушкось венченьякамсто ды калонь кундамо тевсэ эрьва кодамо кедьёнксонь теемс.
Пек тантей канстестэнть лиси ой, сонзэ лемдить — кансёро[3][4] , кансёрой[5], канцёрой[5]. Икеле шкатнестэ сонзэ путыльть эрьва кодамо томбамос, кашас, ямс ды лияв.
Раськень содамочить
витнемсПек умонь шкасто саезь эрзятне-мокшотне сехте ламо пертьпельксэнь тешкст-приметат, кемемат алтась канстентень. Те, нама, секс: мушкось пек эрявсь ломантненень. Канстенть эйстэ тейсть ой, кодасть коцт, стасть оршамопель. Ломантне тейсть весементь, мушкось парсте чачозо. Секскак появасть эрьва кодат илат-обрядт, конат ютавтневсть видема, нуема, пивсэма ланга. Ламо велесэ ульнесь истямо кой: канстень видемстэ видицясь ёрты модас кансёротнень марто саразонь алт. Мейле пурнасынзе ды сэвсынзе. Пичингуши, Киртелим, Старая Беловка ды Ковилкина буень мокшонь Шадымка велетнесэ кудазораватне каванясть видицятнень алсо, зярдо сюротне уш видевильть.
Легендатнень коряс, те теевсь сень кис — кансёрось касозо алшка. Эряви меремс, эрзятнень коест коряс алось сеедьстэ вастневи канстень ды суронь видеманть марто сюлмавозь илатнесэ-койтнесэ. Ульнесь кой истямояк: канстенть видемадо мейле видицясь тарги лисьмасто кельме ведь, сови кудос, косо аватне кодыть коцт, ды веденть валсы кодыцянть лангс. Теевиль те сень кис — максозо пазось пиземе.
Эрзятнень-мокшотнень пертьпельксэс кемемасост ульнесь эйкакшонь ормань лецямонь кой. Сон истя жо сюлмавозель сюронь кастоманть марто. Бути эйкакшось иеде мейле эзь ушодо якамо, видицясь саилизе сонзэ паксяв. Ёртниль моданть лангс алт ды озныль. Мейле вишкиненть озавтылизе сока лангс, лангозонзо почодыль видьмекст Ды корты: «Тук якамо ды каст, кода кансть касы».
Тикшень лемтне
витнемс- Видема кансть[2] — (лат. Cánnabis satíva, руз. Конопля́ посевна́я)
- Кочкурбуень Од Пурня велесэ мерить мушку сэльгэ — mušku sel’g’e[4]
Сёрм.:
витнемс- Ботаника: средней школасо тонавтнема книга: 5-6 иеть. Омбоце нолдавкс, витнезь. Сёрмадызе Б. В. Всесвятский. Эрзякс сёрмадызе Т.И. Данилов цы лият. РСФСР-энь Наркомпроссо кемекставт тонавтнема книганть эрзякс сёрмадовксозо кемекстазь Мокш-эрзянь Облоносо. Педагогикань ды тонавтома книгань государствань издательствась. Москов. 1934
- В. Куклин: Мокшэрзянь ютазь пингень койтне. Сятко 1969 №1, 71. Саранск.
Лисьмапрят
витнемс- ↑ Об условности указания класса двудольных в качестве вышестоящего таксона для описываемой в данной статье группы растений см. раздел «Системы APG» статьи «Двудольные».
- ↑ 2,0 2,1 Русско-эрзянский ботанический словарь (названия сосудистых): Ок. 1600 назв. /А. М. Гребнева, В. В. Лещанкина.— Саранск: Тип. «Крас. Окт.», 2002.— 60 с.— Рус, эрзян. ISBN 5-7493-0433-7., (руз.), (эрз.)
- ↑ Эрзянь-рузонь валкс. М., 1993.(руз.), (эрз.)
- ↑ 4,0 4,1 Гребнева А. М., Руськина Е. Системные отношения в номинантах мордовских языков с опосредственно выделенными значениями компонентов. Финно–угорский мир. 2014. No 4. 66-71 c. ISSN 2076-2577(руз.), (эрз.), (мокш.)
- ↑ 5,0 5,1 Агафонова Н. А., Алёшкина Р. А., Гребнева А. М., Имайкина М. Д., Мосин М. В., Рузанкин Н. И., Тихонова Т. М., Цыганкин Д. В., Харитонова А. М., Цыпайкина В. П.; Гаврилова Т. Г. (отв. секретарь). Вейсэ, башка, тешкс вельде (Слитно, раздельно, через дефис). Словарь трудностей эрзянского языка. Саранск, 2001. - 172с(руз.), (эрз.)