Журавлёвонь, Числав Григорьевич
Журавлёвонь Числав Григорьевич (1935 иень Чадыковонь 27 чистэ Самарань ёнксонь Похвистнева буень Покш Толкан велесэ[2] — 2018 иень умарьковонь 18 чистэ[3]) — эрзянь[4] сёрмадей ды валморозей.
| Журавлёвонь, Числав Григорьевич | |
|---|---|
 | |
| чачома чись | чадыковонь 27 чи 1935 |
| Чачома тарка | |
| Кулома чись | умарьковонь 18 чи 2018[1] (83 иеть) |
| Кулома тарка | |
| Мастор | |
| Важодема ёрокчизе | ютавтыця, валморозей, сёрмадей |
 Числав Григорьевич Журавлёвонь | |
Эстедензэ
витнемсШколадо мейле прядызе Вишка Толканонь педучилищанть[5] ды кармась важодеме Кошкинань буень Чесноковка велень школасо физкультурань тонавтыцякс. Колмо иеть (1954—1957) служась армиясо, теде мейле кемень иень перть важодсь Сибирьсэ зярыя таркава ды эрьва кодамо важодемасо. 1967-це иестэ велявтсь Самарав. Волгоградонь физической культурань институтонть прядомадо мейле пенсияв туемазонзо важодсь физкультурань учителекс школасо.
Литературань килангс васенце чалгавтыцязо ульнесь эрзянь сёрмадеесь Василий Кузьмич Радаев, кона Покш Толканонь школасо ветясь эрзянь кель ды литература. 1982-це иестэ «Эрзянь правда» кулялопасо ды «Сятко» ковставксо печатазельть валморонь покш пусмонзо[6]. Седе тов Числав Журавлёвонь валморонзо совавтозельть «Маней васолкст» ды «Горизонт» вейсэнь пурнавксненэ.
1990 иестэ ульнесь Самара ёнксонь эрзя-мокшонь «Масторава» вейсендявксонть теицякс-пурныцякс. Журавлёвонь Числавонь лементь пек парсте содасызь поэзиянь вечкицятне. Валморонзо лиснить кода Саран ошсо - максневить «Сятко», «Чилисема» ковставкснэсэ, «Эрзянь Мастор» ды «Эрзянь Правда» кулялопатнесэ.
Зярыя иеть Самара ошонь «Радио-7» студиясо ветясь эрзянь кельсэ передачат, - сонзэ вайгелезэ гайгиль эрзянь пачтямокерькстнесэ, конат пек тукшныльть аволь ансяк Самара ёнкссонь эриця эрзятнень мельс, — весе сеть таркатневаяк, ков пачкодильть эрзянь студиянть радиоволнанзо.
1996-це иестэ саезь Числав Журавлёв — Россиянь Сёрмадеень вейсендявксонть совиця[5], Мордовиянь заслуженной валморсёрмадей-поэтэсь.
Эрясь Самар ошсо, Московсо.
Казнеть ды лемть
витнемс
- 1999 иестэ кармась улеме Суоми Масторонь М.А. Кастренэнь Вейсэндявксонь Прявт премиянь лауреатокс — изнясь пелькстамосо, кона ютавтозель Россиянь суоми-угрань радиожурналисттнэнь ютксо. Самарань губернаторонь литературань премиянь лауреат (2005).
- 2002 ие – А.П.Рябовонь лемсэ Эрзянь келень идема Фондонть лауреат (Республика Мордовия, Саран ош) – (эрзянь келенть ванстоманть ды касоманть кис)
- 2005 ие – Самарань губернаторонь литературань премиянь лауреат (руз. лауреат Губернской премии в области культуры и искусства за литературное творчество на эрзянском языке) (Самарань ёнкс).
- 2008 ие – (руз. лауреат литературной премии Программы родственных народов Эстонии и Ассоциации финно-угорских литератур за сборник стихов «Каргинеть» («Журавлики») в номинации «художественное поэтическое произведение»).
- 2009 ие – максозь «Заслуженный поэт Республики Мордовия» лем (Республика Мордовиянь Прявтонть Мереманзо коряс. максозь (руз. за большой вклад в развитие национальной культуры ).
- 2009 ие – казезь (руз. Почетной грамотой Государственного Собрания Республики Мордовия).
Сёрмадовксонзо
витнемсВалморонь васенце кирьяпусмозо-книгазо — «Сёксень цецят» — лиссь Мордовской книжной издательствасо 1991 иестэ. Теде мейле мельга-мельцек лисить истят книганзо:
- «Овто латко» ((руз. «Медвежий овраг»), 1993)
- «Каргонь вайгель» ((руз. «Журавлиный голос»), 1995)
- «Валдо ойме» (руз. «Светлая душа»), 1996)
- «Арсемат ды ёжот» (руз. «Мысли и переживания»),1999)
- «Вечкемань теште» (руз. «Звезда любви»),2000)
- «Кемемань валдо» (руз. «Свет правды»), 2001)
- «Каргинеть» (руз. «Журавлики»), 2006)
- (эст. «Kurekesed», (руз. «Журавлики»), (Таллин, 2010)
- «Эрямонь юр» (руз. «Основа жизни»), (Саран ош, 2011)
- «Кочказь произведеният» (руз. «Избранное»), (Саран ош, 2012)
- «Свечение слова», (Саран ош, 2012)
- «Солнечное слово» (Саран ош, 2017)
Ванодо истяжо
витнемсЛисьмапрят
витнемс- ↑ Ушел из жизни эрзянский поэт Числав Журавлёв… (руз.) — 2023.
- ↑ finugor.ru Эрзянский поэт Числав Журавлёв к дню рождения представил свое творчество в Интернете(руз.)
- ↑ Вячеслав Григорьевич Журавлёв // Сятко. — 2018. — № 9. — С. 3—8.(эрз.)
- ↑ Время и события. 2010 Библиографический указатель. Указ Главы Республики Мордовия(руз.)
- ↑ 5,0 5,1 Мордовской литературы. Журавлев Вячеслав Григорьевич (руз.)
- ↑ ГБУ РК «Национальная библиотека Республики Коми». Журавлев Вячеслав Григорьевич(руз.)