Пятаев, Емельян Иванович

Пятаевэнь Емельян (cёрмадей лемезэ эрз. Эмиль Пятай[1], 1914 умарьковонь 17 чи - 1967 умарьковонь 5 чи) — эрзянь[1] кельсэ сёрмадей ды валморозей.

Эмиль Пятай
Пятаевэнь Емельян
Чачома лем: Емельян Иванович Пятаев
Важодема ёрокчизе : эрзянь кельсэ сёрмадей ды валморонь ладсий
Чачома чись: умарьковонь 17 чи 1914({{padleft:1914|4|0}}-{{padleft:8|2|0}}-{{padleft:17|2|0}})
Чачома тарка: Кулясова, Камешкир буе, Пенза ёнкс
Гражданчи: Россиянь ИмперияFlag of Russia.svg Россиянь Империя
СССРFlag of the Soviet Union.svg СССР
Кулома чись: умарьковонь 5 чи 1967({{padleft:1967|4|0}}-{{padleft:8|2|0}}-{{padleft:5|2|0}}) (52 иеть)

Потмокс

ЭстедензэВитнемс-петнемс

Чачсь 1914 умарьковонь 17 чистэ Кулясова эрзянь[2] велесэ неень Камешкир буень Пенза ёнкссо изыця-видицянь семиясо. Тетязо ульнесь стадань ваныцякс. Эмиль Пятай ледстнесь:

эрз. «Модась ульнесь аламо, кшись весенень а сатыль. Нейке лецтян, кода обедамсто миненек максыльть а покш сускомат (мерильть «порции»). Пек стака ульнесь 19211922 иетнестэ. Модатне ды кудонть вакссо таркась кадоволь апак виде, касыль дурак тикшесэ. Минь сонзэ пурнылинек, яжилинек ды ярсынек кши бурьянонь почтсо...»


1923 иестэ саезь 1926 иес Эмиль прядызе васенце класст Кулясовань тонавтнема школасо, мейле тусь тонавтнеме сокиця-видицянь одломанень Камешкирэнь школас. Сонзэ прядомонзо мейле сась тиринь велев ды важодсь ловицякс-счетоводокс «Видиця» вейсхозсо, мекш мельга якицякс, агрономокс. 1930 иестэ од ломанесь совась комсомолс ды ульнесь кочказь комсомолонь пельксэнть секретарекс. Иень ютазь Емельян Иванович сась Московов, саизт важодеме корректорокс эрзянь ды мокшонь секцияв СССР-нь раскень Центриздатов. 1932 иестэ сон кармась «Молодая гвардия» раськень секторонть литературной редакторокс.

Кода ледстнесь сонсь Эмиль Пятай, зярдо важодсь Московсо, вастневсь содавикс эрзянь сёрмадейтнень марто: Фёдор Маркеловичень Чесноковонь, Яковонь Пахомичень Григошинэнь, Артуронь Матвеичень Моро, Пётр Эрьке ды лиятнень марто. Сон ловнось ды кортниль эрьва-кодат сёрмадовкст, кармась сёрмалеме сонсь. Васенце валморонзо «Сексь» ульнесь максозь «Эрзянь коммуна» кулялопасонть 1931 иестэ кизна.

1933 иень сундерьковсто Эмиль Пятай велявсь Мордовияв, ульнесь примазь «Ленинэнь киява» кулялопанть редакцияв Саран ошсо. 1934 иестэ Московсо лись васенце валморонь пурнавксозо «Келей паксясо» (руз. «В широком поле»). 1938 иень ацамковсто Эмиль Пятай ульнесь тердезь Якстере Армияв, службазо ютыль чугункань батальонсо. 1939 иестэ сонзэ лись «Маней валске» (руз. «Светлое утро») валморонь пурнавкс. 1941 иестэ Эмиль Пятай прядызеть Горьковсо военно-политической училищанть. Ойнань васенце читнестэ ульнесь фронтсо, васняяк ротань политветицякс, мейле важодсь «За Родину» кулялопанть редакциясо - ответственной секретарекс, кулялопанть редакторонть полавтыцякс[3]. Ойнанть прядомонзо мейле, 1945 иестэ, Сарансо лись «Морот изнямодо» (руз. «Песни победы») валморонь пурнавксозо.

Ульнесь «Сурань толт» ковставксонть-журналонть прявтоксо 1963 иестэ 1967 иес.

Эмиль Пятай 1938 иестэ ульнесь примазь СССР-нь Сёрмадеень Вейсэндявксов.

1963 иестэ саезь 1965 эрьва ие Саран ошсо листь «Велень эйкакшт» (руз. «Сельские дети»), «Тундонь вармат» (руз. «Весенний ветер»), «Вирьсэ» (руз. «В лесу»). Эмиль Пятай сёрмадовксонзо ульнесть ютавтнезь рузонь, маринь, ветькень ды коминь кельтнес[1].

Кулось 1967 иень умарьковонь 5 чистэ[4], калмазь Саран ошсо.

ШкинемазоВитнемс-петнемс

Эрзянь кельсэВитнемс-петнемс

  1. «Келей паксясо» (1934)
  2. «Маней валске» валморонь пурнавкс (1939)
  3. «Морот изнямодо» (1945)
  4. «Валдо зорят» (1959)
  5. «Сурские напевы» (рузонь кельсэ) (1961)
  6. «Монь Мордовиям»: [стихть] // Родной литература: учебник-хрестоматия: эрзянь школань ветеце класснэнь. – Саранск, 1989. – С. 10–11.
  7. «Сон а кирдеви ве таркасо…»: [стихть] // Сятко. – 2004. – № 8. – С. 91–93. – Содерж.: «Равонть чирев лиссь од цёра…»; Азорава; «Зярдо те кармась улеме…»; «Минь а стувтсынек те кизэнть…».
  8. Лопань певерема шка: [стихть] // Чилисема. – 2006. – № 10. – С. 18.
  9. «Равонть чирев лиссь од цёра…»; «Покш пандо алдо лисьма ведь…»; «Минь а стувтсынек те кизэнть…»: [стихть] // Сятко. – 2010. – № 5. – С. 84–85.
  10. «Смотрит осень в сад наш через прясло…»; В гостях у друга; У берегов Уза-реки; Тополи: стихи // Поэзия мордовского края: антология / сост. К. В. Смородин; [авт. вступ. ст. М. И. Малькина; худож. А. С. Алёшкин]. – Саранск, 2012. – С. 143–145.
  11. Пятаев Емельян Иванович (Эмиль Пятай) // Брыжинский, А. И. Писатели Мордовии: биобиблиогр. указ. / А. И. Брыжинский, О. В. Пашутина, Е. И. Чернов. – Саранск, 2001. – С. 423–425.

Литературась эрямонзо ды шкинеманзо корясВитнемс-петнемс

  1. Ломшин, М. И. Мокшэрзянь эйкакшонь литературась 1930–1941-це иетнестэ: Емельян Иванович Пятаев (1914–1967) / М. И. Ломшин // Ломшин, М. И. Мокшэрзянь эйкакшонь литературась: 5–9-це классо тонавтницятнень туртов «Родной литературань» коряс тонавтомань лездамопель / М. И. Ломшин. – Саранск, 2012. – С. 43–53.
  2. Дёмин, Василий. «Паро поэт валсонзо пици…»: 1930-це иетнестэ «Сятко» журналсо поэзиясь / Василий Дёмин // Сятко. – 2011. – № 1. – С. 66–87. – (Литературась ды эрямось).
  3. Емельян Пятаев // Сятко. – 2010. – № 5. – С. 84.
  4. Ломшин, Михаил. Эйкакштненень алтазь Е. И. Пятаевень произведениядонзо / Михаил Ломшин // Эрзянь правда. – 2010. – 5 авг. – С. 15: портрет.
  5. Сёрмадовксонзо а стувтовить зярдояк: Е. И. Пятаевень 95 иетненень // Эрзянь правда. – 2009. – 20 авг. – С. 6.
  6. Эмиль Пятай (Пятаев Емельян Иванович) (1914–1967): портрет // Чилисема. – 2006. – № 10. – С. 17–18.
  7. «Мы вместе с победой дошли до Берлина…»: Пятаев Емельян Иванович (Эмиль Пятай) (1914–1967) // Штыком и пером = Штыкса и пера-са = Штыксэ ды перасо: хрестоматия: в 2 ч. / авт.-сост. Т. Ф. Сафонова-Телина. – Саранск, 2005. – Ч. 2: Фронтовая летопись. – С. 241–258.
  8. Васильев, Николай. Сон эри стихсэнзэ: Е. И. Пятаевень чачома чистэнзэ 90 иетненень / Николай Васильев // Эрзянь правда. – 2004. – 19 авг. – С. 7.
  9. Девяткин, С. Г. Пятаев Емельян Иванович / С. Г. Девяткин // Мордовия: энциклопедия: в 2 т. / НИИ гуманитар. наук при Правительстве Респ. Мордовия; редкол.: гл. ред. А. И. Сухарев, зам. гл. ред. В. А. Юрчёнков, отв. секретарь П. П. Кузнецов. – Саранск, 2004. – Т. 2: М–Я. – С. 217–218.
  10. Емельян Иванович Пятаев: чачома чистэнзэ 90 иетненень // Сятко. – 2004. – № 8. – С. 91.
  11. Ломшин, Михаил. Е. И. Пятаевень «велень эйкакшонзо»: писателенть эйкакшонь произведениядонзо мельть-арсемат / Михаил Ломшин // Сятко. – 2003. – № 4. – С. 78–91
  12. Девяткин, С. Пятаев Емельян Иванович / С. Девяткин // История Мордовии в лицах: биогр. сб. / НИИ яз., лит., истории и экономики при Правительстве Респ. Мордовия; сост.: П. Д. Грузнов, В. А. Чугунов; редкол.: П. Д. Грузнов (отв. ред.), В. А. Чугунов (зам. отв. ред.), И. Г. Кильдюшкина и др. – Саранск, 1997. – [Кн. 2]. – С. 419–420.
  13. Брыжинский, А. И. Писатели Мордовии: биобиблиогр. указ. / А. И. Брыжинский, О. В. Пашутина, Е. И. Чернов. – Саранск, 2001. – С. 422–423.


Сёрм.Витнемс-петнемс