И́нязороэрзянь раськень прявт, кирдиця. Инязоро валось лиси кавто валтнень эйстэ — "Ине" ды "азор".


Васенце Эрзянь Масторонь прявтокс ульнесь Инязор Тюштя. Тюштя, кона ульнесь сокиця ломанекс ульнесь кочказь ды путозь Эрзянь Атянь Эземсе Эрзянь Кирди ломанекс — Инязорокс. Кезерень валморотнесте сермадыть теде:

Кода Инешкипазось теизеть Моданть ды эрзя раськенть, эрзятне пек ламолгавтовсть ды кармасть пелькстамо моданть кисе. Тюштя максь мель явомвтомонзо моданть сесте, коли Верепазось максы Ине тешкс верде: коське тарадось, ёкстазезь модас пижелгады сонзе сокамонть перть. Тюштя кармась Инязорокс; Сонзе шкась эрзятнень эрямолувсост лемдязь — "сырнень пингекс", сесте чачокшность ансяк церынеть.

Тюштядо мейле содавикс Инязорокс ульнесь кочказь Пургаз. Сонензе сатотсь сехте стака шкась — ульнесть пек ламо туремат эрьва ёндо: чивалгома-пелевеёнксто рузонь прявтне тапильть, лембе ёнксто — Батый эсинзе ушмантнень марто.