Боляень Акай
Боляень Акай, лиякс: Мурзакайка, мурза Кайко[1] — эрзянь мурза, кона эрясь ХVII-це пингестэ.
| Боляень Акай | |
|---|---|
| чачома чись | неизвестно |
| Чачома тарка | |
| Кулома чись | ацамков 1670 |
| Кулома тарка | |
| Мастор | |
| Важодема ёрокчизе | военнослужащий |
Сон васня служась рузтнэнень Атямарь крепостьсэ. 1670 иестэ тусь туреме велень раськень аурексчинь кис, теевсь крестьянонь стякшнома ушмонь прявтокс Разинэнь ушмонь порксамодо мейле Симбирск ошонь ало. Мартонзо ульнесельть рузонь казаконь атаман Никитинский ды эрзянь казаконь атаман Елушонь Бажат. Ветнесь мельганзо 15-20 тёжат ушмант ды туриця ломанть москувонь карательтнень каршо. Сонзэ апокшке мобильной отрядзо (20-30 ластейть) «казакокс» ливтязь каявкшнось ятнэнь лангс ды нейке оргодькшнэсть. Ожоковонь 24 чистэ Боляень Акай пурнась 7 тёжат ломанть. Истямо вийть марто макссь карательтненень виевь турема Усть-Урень велень маласо. Сынст прявтось - Ю. Барятинский эсь вийтнень марто потась Симбирск ошонь малас. Омбоце турема Усть-Урень маласо ютась сундерьковонь 6 чистэ. Те стака туремасо Акаень ранизь пулясо, ансяк карательтнень таго шаштызь. Стязь модатне Барыш ды Сура лейтнень юткова эзть лепштяво тенест. Седе мейле Кандрать велень вакссо ютась прявт турема, 15 тёжат ломатнть ды 12 пушкат пиризь кинть царень ушмонтень. Ансяк те туремасо карательтне изнизь Акаень вийтнень, ды Боляень Акай потатсь Сура леень тона пелей. Тосо Орданьбуень вакссо кармасть кирдеме кородоманть. Ацамковсто 1670 иестэ ульнесь сехте виевь турема москув ушмонть марто. Сестэ Тургенево велень вакссо Акай пурнась 20 тёжа малав ломанть, мартост ульнесть 20 малав пушкат. Те стака тюремасо карательтне поркснизь Акай Боляень ушмонть ды пултызь весе стиця ломатненень лездыця велеть. Костяшево, Акаень тиринь велезэяк пултызь.
Кода ледстяви[2]:
(эрз. вейке ушмонь прявтось – мурза Акай Боляев туи эсензэ Костяшево веленьте, кона Саран ошсто ашти 30 вп, тосо отрядозо ульнесь тапазь ды сонзэ порксызь, ульнесь те ацамковонь 16 чистэнь 26 чинть видс ташто стильсэ (1670 ие ацамковонь 29 чи - 1671 ие якшамковонь 11 чи од стиленть) .Оригинальной текст (руз.).... один из предводителей восстания – мурза Акай Боляев отступает в свою деревню Костяшево в 30 верстах от Саранска, где его отряд был окончательно разбит, а сам он пленен, произошло это между 16 и 26 дек. ст. стиля (29 дек. 1670 г. - 11 янв. 1671 г. нов. стиля).
1671 иень якшамковонь 11 чистэ Долгоруков чирязось максь Боляйнень кеместызеть куломанзо:
Сонзэ кундызь ды седе мейле ускизь Краснослободск ошов[1] куловтома таркав ды пурназь ломантнень сельмест икеле печксизь ды керьсизь прязо, кедензэ ды пильгензэ.
Лисьм.:
витнемс- ↑ 1,0 1,1 газета «Эрзянь Мастор», № 332. Национальные герои и выдаюзиеся деятели народа эрзя. Архивировазь 12 Чадыковонь 2017 иестэ.(руз.)
- ↑ 2,0 2,1 «Мордовский республиканский объединенный краеведческий музей им. И.Д. Воронина». 340-летие освобождения Саранского кремля и уезда от войск Степана Разина (руз.)