Арапова, Александра Петровна

Александра Петровна Ара́пова (тейтерькс — Ланская; 1845-це иень панжиковонь 15-це чи, Ине Петрань ош — 1919-це иень даволковонь 20-це чи, Петроград) — рузонь сёрмадей, кельстэ кельс ютавтыця, лецнемань сёрмадыця, очеркень ды романонь сёрмадей, Наталья Пушкинань Ланскоень (те омбоце мирдезэ) пельде покш тейтерезэ. Лиссь мирденень И. А. Арапов генералонтень, Пензенской губерниянь Воскресенская Лашма велень (ней сови Мордовия Республикань Ковылкина буес) азоронтень.

Арапова, Александра Петровна
чачома чись	панжиковонь 15 чи 1845(1845-05-15)
Чачома тарка	Ине-Петрань ош, Россиянь империясь
Кулома чись	даволковонь 20 чи 1919(1919-02-20) (73 иеть)
Кулома тарка	Ине-Петрань ош, Россиянь Советонь Федеративонь Социализмань Республикась[d]
Мастор	Россиянь империясь
Важодема ёрокчизе	ютавтыця, сёрмадей, мемуарист
Тетязо	Пётр Петрович Ланской[d]
Авазо	Наталья Николаевна Гончарова[d]
Полазо	Иван Андреевич Арапов[d]
Эйкакшонзо	Пётр Иванович Арапов[d]
Александра Петровна Арапова

Эрямо пингезэ

Николай I-нь крестной тейтерезэ, императорской фрейлинась. Ульнесь превей, парсте тонавтозь. 1866-це иестэ (лия содамочинь коряс — 1871-це иестэ) лиссь мирденень, Иван Андреевич Арапов офицерэнть экшс.

1917-це иенть прядовомсто А. П. Арапованень сась Мария Александровна Гартунг патязо, Александр Пушкинэнь тейтерезэ, конантень а мезе лангс ульнесь эрямс. Арапова сёрмалесь Мария Дмитриевна Врангель баронесса содавиксэнстэнь:

(эрз. «Паряк тынк улить кодаткак сюлмавомат кирдивийтнень марто ды тынь эсь энергия ды чевте седей марто кортатадо марост А.Пушкинэнь тейтерензэ туртов лездамодо, конанть эрямозо пек стака ней… Бути ули  — лездадо Пушкинэнь меельцекс лиядозь тейтернзэ туртов»).

Оригинальной текст (руз.)  

«Может быть у кого-нибудь есть связи с правительством, и Вы с Вашей энергией и отзывчивым сердцем уговорите их принять участие в горькой судьбе… Если есть возможность — помогите последней в живых дочери бессмертного поэта».

. М. А. Гартунг кулось 1919-це иестэ, пенсиянь получамо эзь кенере. М. Д. Врангелень валонзо коряс, Арапова сонсь кулось (секе жо иестэнть) илыкстэ лисемадо (истощениядо) ды тевелявонь крупозной таргоземадо («велявтсь кедьсэ тапардазь понгавтомакс»). Калмазь Александро-Невской лаврань калмазырьсэ.

Шкинемазо

Очеркень, романонь, французонь кельстэ ютавтовксонь, историянть ды пушкинистиканть туртов питней дневникень автор. А. П. Араповань энялдоманзо коряс Гончарова Александра Николаевнань мирдезэ - Густав Фризенгоф баронось - эсь сёрмасонть ёвтнинзе Александрань ледстнеманзо се тевтнеде, конат пачтизь Пушкинэнь дуэльс. Кавалергардской полконь С.Панчулидзев историкенть туртов сон ёвтнизе Дантесэнь биографиянзо, конадо содасть кудораськесэст. Литературань тевензэ эйстэ сехте пек содавиксэкс аштить авадонзо ледснематне, конатне лемдязь «Наталия Николаевна Пушкина—Ланская: А. С. Пушкинэнь нинзэ эрямо кись»

Сонзэ марто ве шкасто эрицятнень ледстнемаст коряс, сон кода маштсь терявтнесь «отмести злые наветы, порочившие память Натальи Николаевны». Мемуартнэ ульнесть печатазь 1907—1908-це иетнестэ «Новое время» журналонь путовкскетнесэ (приложениятнесэ) ды тейсть ломантнень ютксо покш резонанс, сынест явсь мель Л. Н. Толстой, сынст лангс невтнесть ды невтнить ламо пушкиноведтнэ. Мемуартнэ теезь содазь ломанень, прислугань ёвтнемаст лангсо, кулятнень лангсо, конат якасть великосветской обществасо. Теке марто эйсэст улить сёрмадовкст поэтэнь дованть эрямосто се тевтнеде, конатнень неинзе сонсь Арапова, ды истя жо Наталья Николаевнань ёвтнеманзо — мемуртнэнь те пельксэсь пушкиноведениянть туртов ловови сехте питнеекс. Содамочитнень ютксо, конатнень пачти А. П. Арапова, пек питнейть сёрмадовкстнэ Пушкинэнь ды Александра урьванзо (невестканзо) ютксо интимной сюлмавомадонть ды Н. Н. Пушкинань Дантес марто Полетикань кедьсэ вастовомадонть (свиданиядонть). Дуэльде икеле тевтнеде Араповань ёвтнеманзо эйсэ (Дантес марто ютксост вастовомаськак) пек ламо ильведевкст. Н. А. Раевскоень арсеманзо коряс:

(эрз. «… А. П. Арапова - тонадозь сёрмадыця, тевень содазь арси диалогт (кода рузонь, истя жо французонь кельтнесэ) ды текень лангс эри … Ламось те ёвтнемасонть ашти беллетристикакс, аволь ледснемань сёрмадомакс.»)

Оригинальной текст (руз.)  

…Опытная писательница А. П. Арапова умело сочиняет диалоги (как русские, так и французские) и сводит концы с концами … Многое в этом рассказе, несомненно, относится к области беллетристики, а не мемуарной литературы.

Истя, Араповань валонзо коряс, Полетикань кудонзо ванстомасо аштесь П. П. Ланской "зыянонь а лисемадо", сон сестэ зярс а содылизе Пушкинань. Ансяк М. И. Яшинэнь ванноманзо коряс, 1836-це иень ожоковсто саезь 1837-це иень даволковс (шкась, зярдо, келя, ульнесь вастовомась) Ланской Ине-Петрань ошсо арасель.

Тевкадовксозо

Покш архив А. П. Арапова макссь Пушкинэнь лемсэ Кудос 1918-це иестэ. Сон ванстови кедьсэ теезь сёрмадовкстнэнь отделсэ, конёвтнэнь ютксо — Н. Н. Пушкинань раськензэ марто сёрмалемась. Дованть сёрманзо лездасть лия ёндо варштамс Наталья Николаевнань лангс ды теемс сондензэ алкуксонь портретэнть. Араповань ледстнеманзо одс нолдазельть 1994-це иестэ.

Эйкакшонзо

• Елизавета Ивановна (1867—03.07.1953), венчась (27.04.1886) Николай Николаевич Столыпиннэнь, дипломатокс улицянтень (1860—1920).
• Пётр Иванович (1871—1930), генерал-лейтенант.
• Андрей Иванович (1872—1918), ледезель Петраградсо.

Сёрмадовксонзо

• Арапова, А. Наталья Николаевна Пушкина-Ланская: К семейной хронике жены Пушкина / Составитель, автор примечаний и послесловия Г. Пикулева. — МПФ «Демиург», 1994. — 256 с. — 30 000 экз. — ISBN 5-7387-0034-1.

Невтевкст

• С.А. Телина. А.П. Арапова(руз.). Мордовский республиканский объединенный краеведческий музей им. И. Д. Воронина. Ваннозь 22 Умарьковонь 2010.
• А.П. Арапова (генеалогическое древо)(руз.). Ваннозь 22 Умарьковонь 2010.
• Архив А.П. Араповой(руз.). Институт русской литературы (Пушкинский Дом) РАН. Ваннозь 22 Умарьковонь 2010. Архивировано из первоисточника 8 Панжиковонь 2012.