Фрик (сёрмадыцясь)
Фрик (арм. Ֆրիկ; косояк 1234—1315[1]) — армянонь валморозей . Фрик — те аволь алкуксонь лемесь, чачома лемезэ кадовсь а содавиксэкс[1]. Васенце армянонь валморозей, конась сёрмадсь Куншка пингень армянонь кельсэ.[2].
| Фрик | |
|---|---|
| арм. Ֆրիկ | |
.jpg) | |
| чачома чись | около 1234 |
| Кулома чись | около 1315 |
| Важодема ёрокчизе | валморозей |
 Фрик | |
Эрямозо ды шкинемазо
витнемсСодамочи сонзэ эрямодонзо улить ансяк эсензэ валморосонзо[1]. Содавить ансяк сонзэ тетянзо ды тетянть лелянзо лемть — Тагвош ды Додона. Валморостонзо неяви чачома шказо - монгол мезень Армения Масторонть лангс каятома ушовоксонь пингесь. Эрясь Армения Масторонь чилисема ёно, кода лангозонзо каятотсь татаронь ды монголонь ушмотне[3], американь Р.Томсононь содыдеень коряс чачсь Сюниксэ[4]. Маряви, сонсь валморозеесь ульнесь монгол кедьсэ полонсо. Васня ульнесь сюпавокс, мейле ярмаконзо мекс-бути маштсть ды савсь тензэ налогонь пандомань таркас максомс цёранзо залог ладсо[1], ансяк ярмаконзо эзь сато олякстомс сонзэ мекев.
Эрьва-кодамо лисьмапрянь коряс кадовсть сонзэ 45[1] эли 50-де ламо[4] шкинематевть, сехте вадрят совить весе масторонь поэзиянь шкинемапаргос[3]. Сон ловови социальной каршо молемань поэзиянь ладицякс[5]. Шкинеманзо пелесь сёрмадозь классической кезэрень армянонь кельсэ, лия пелесь Куншка пингень армянонь кельсэ, кода сонсь сёрмады: «сёрмадан истя шождасто - улезэ чарькодевикс эрьванень»[3]. Истя жо сёрмадсь вечкемань лирика, сехте содавикс валморось тосто — «Вечкемань цеця». Сёрмадсь Христосонь тонавтомань кувалт - мода ланго эрямось аволь алкуксонь эрямось, алкуксонь эрямось куломадо мейле («Седеем, мекс тон истя кармить чавомо?»). Ансяк не валморотнесэ, Пазонь лангс кемезь ды пельдензэ лезксэнь учозь, Фрик моли лия масторсто сазь яттнэнь каршо. Фрикень поэзиясо вадрясто неяви простой ломанень феодальной аравтомань ды ятонь авечкемась, ломантнень арсемаст ды мелявксост[2]. «Пеняцямо» валморосо Фрик невти прянзо кода покш патриот, конась моли монголонь тираниянь каршо. Секе шакане вейке валморосо невтеви Аргун-ханонь сонзэ мельс туемась[6].
Невтькеть
витнемс- ↑ 1,0 1,1 1,2 1,3 1,4 Краткая литературная энциклопедия / Гл. ред. А. А. Сурков. — М., 1975. — Т. 8. — С. 150.
- ↑ 2,0 2,1 ЛопаПарцун:Из БСЭ
- ↑ 3,0 3,1 3,2 История всемирной литературы. — М.: Наука, 1984. — Т. 2. — С. 299—308.
- ↑ 4,0 4,1 Michael E. Stone. Adam and Eve in the Armenian Traditions, Fifth through Seventeenth Centuries. — Society of Biblical Lit, 2013. — P. 687. — (Early Judaism and its literature, 38).
- ↑ ЛопаПарцун:Из БСЭОригинальной текст (руз.)
Прогрессивно мыслящие поэты уже с 13 в. начали писать на разговорном народном языке — среднеармянском; Фрик заложил основы поэзии социального протеста, Константин Ерзнкаци явился зачинателем любовной лирики. Они были выдающимися представителями гуманистической поэзии.
- ↑ Bayarsaikhan Dashdondog. The Mongols and the Armenians (1220-1335). — BRILL, 2010. — С. 180.Оригинальной текст (англ.)
The Greater Armenian poet Frik in his poem About Arghun Khan and Bugha was very explicit in shownig his sympathy towards Argun. Accordin to him, Arghun, the Chinggisid son was chosen by God , who cannot be beaten by anyone
Сёрмадоматне ланганзо
витнемс- Поэзия народов СССР IV – XVIII веков (Библиотека всемирной литературы) / Вступ. статья и сост. Л.Арутюнова и В.Танеева.. — М.: Художественная литература, 1972. — Т. 55. — С. 228-233.