Терек

Те́рек (Аликазган алка таркасонть, груз. თერგი (Тэрги); ингуш. Тийрк, осет. Терк; кабард.-черк. Тэрч; карач.-балк. Терк суу; чеч. Терк) — Пелевеёнксонь Кавказсо (Северной Кавказсо) лей. Терекесь чуди кавто масторга — Грузиява ды Россиянь Федерациява, меельцесэнть мик 6 субъектка. Покш таликазо хозяйствань тевтнесэ. Терекень дельтась келей, покшолмазо малав 4000 вп², 500 км²-до ламо конатнестэ саезь ирригациянь тарка алов.

Терек
карач.-балк. Терк суу груз. თერგი чеч. Терк ног. Терк сув кабард.-черк. Тэрч осет. Терк
Исток водотока	Казбек[d]
Впадает в	Каспиянь иневедь
Сянглей	Малка[d], Урух (лей), Ардон, Сунжа (Терекень сянглей ), Урсдон[d], Лескен[d], Кистинка[d], Аргудан[d], Куян[d], Деменюк[d], Армхи[d], Камбилеевка[d], Кака[d], Курп[d], Чхери[d] ды Акбашский канал[d]
Водосборный бассейн	бассейн Терека[d]
Бассейн объекта в странах	Грузия Мастор ды Россия Мастор
Расход воды	305 кубический метр в секунду
Площадь бассейна	43 200 квадратной вайгельпе
Часть света	Азия Мастор
Мастор	Грузия Мастор  Россия Мастор
Административно-территориальная единица	Мцхета-Мтианети[d], Кабардинэнь-Балкария Республикась, Пелевёнксонь Осетия Республикась, Чеченэнь Республикась ды Дагестан Республикась
Длина	623 km
Категория бассейна	Категория:Бассейн Терека[d]
Терек

Лемесь

Леенть умонь рузонь лемезэ — Терка, сон одс ёвты кезэрень, паряк, тюркань гидронименть. Э. М. Мурзаевень коряс, леенть лемезэ тусь тюркань кельтнестэ, косо терек — те «тополь», ды целанек леенть лемдильть Терек су — «Тополень лей». Ансяк улить лия арсематкак: саемс, А. В. Суперанская лови, гидронименть юрсо ашти хунно-булгаронь терек — «лей». Ванныцясь сась те арсемантень гидронимсэ (Ак-Терек, Кара-Терек, Уч-Терек, Иш-Терек ды лият) терек лексеманть сеедьстэ вастневеманзо кувалма, ды истя жо неть лейтнень покшчист коряс. Карачаево-балкаронь кельсэ «терк суу» — «эрек, икелев капшиця ведь эли лей». Ули арсема леенть кабардино-черкесэнь лемде. Тэрч — «Илёвонь максыця» «ты» - максомс; «чы» - илёвт. Илёвтнэ (чы) умонь шкасто саезь XIII-це пингенть прядовомас черкестнэнь туртов ульнесть строямонь кедъёнксокс. Терек леенть кавонест чиреванзо кассть тусто вирть.

Грузинэнь кезэрень лисьмапрятнесэ (источниктнесэ) (Леонти Мровелинь «Житие Картлии») те леесь лемдеви Ломеки, чеченэнь ды ингушонь кельтнестэ те ютавтови кода «пандонь ведь».

Географиясь

Терекень бассейнась

Ушодови Кавказонь Прявт карязонь (хребтэнь) чирестэТрусовской пандолазовкссо, Зилга-Хох пандонь эйстэнть иневедень уровнянь велькссэ 2713 м сэресэ. Чуди Грузиява, Северной Осетиява, Кабардино-Балкариява, Ставрополень крайга, Чечнява ды Дагестанга. Леенть кувалмозо — 623 вп, ведень пурнамонь бассейназо — 43 200 вп². Каргалинэнь гидроузланть эйстэ канды Од Терек (Новый Терек) лементь (литературасо лиясто лемдеви Каргалинкакс). Ало таркасонть лемезэ Аликазган (лемесь, паряк, максозь Аликазган веленть коряс, кона аштесь неень Крайновской сэденть вакссо).

Средней прамозо-чиремемазо 4,40 м/вп.

Васенце 30 вп чуди Прявт (Главной) ды Чиресэ (Боковой) карязтнэнь (хребеттнэнь) юткова, мейле пурды пелевеёнов ды юты Боковоенть трокс ( Дарьялонь пандолазовкссонть), Скалистой хребетэнть ды Равжо пандтнэнь (Чёрные горы) трокс; Владикавказ ошонть вакссо лиси пандо икельксэнь валаня таркас, косо саи эсензэ эйс Гизельдон, Ардон, Урух, Малку (Баксан марто) ведев притоктнэнь. Малка леень прамо таркастонть чуди ламо усия, коса ды алка тарка марто чуваронь-сёвонень руслава; Сунжань прамо таркадонть седе ало лазови зярыя ожас (рукавс) ды протокс. Пры Аграханонь заливс ды Каспиень иневедьс, теи дельта (покшолмазо малав 4000 — 6000 вп²); дельта пелькссэнть прявт русланть молемазо аволь весть полавтневсь (1914-це иестэ саезь стоконь седе покш пельксэсь юты Каргалинской прорывень руслава). Леень старицакс савить лейтне, конат ней велявтозь каналкс, — Суллу-Чубутла, Ташто Терек (Старый Терек) (Дельтовой каналось), Средняя, Таловка, Куру-Терек, Кардонка ды лият. 1957-це иестэ «Каргалинской прорывень» прясо строязель Каргалинэнь гидроузла, конань вельде максови ведесь Терекень ташто ожатнес (рукавтнэс).

Притоктнэ

Прявт притоктнэ: кершнэ — Ардон ды Гизельдон (Гизельдонось пры Ардонс Ардононь Терекс прамонзо эйстэ 0.2 вп таркасо, секс сеедьстэ ледстяви прок Терекень керш приток), Урух, Малка, витьтне — Армхи ды Сунжа.

Терекень дельтась

Терекень дельтасо транзитной прявт ожась "лыты": од ожань теевемась лисни малав эрьва 60—70 иеть, тень пингстэ таштось яла кулы. «Кущения» тееви Каргалинской станицань таркасонть, XX-це пингстэ те тевесь-молемась искусственна лоткавтневкшнесь , секс мекс икеле сакшнось ламо ведь ды ульнесть сезевемат.

Леенть тонавтнемазо

Леенть тонавтнеманзо кисэ стявтозь 7 гидрологиянь постт — Владикавказ, Котляревская, Моздок (Малка леенть прамодо седе ало), Степное (Хангашюрт) (Сунжа леенть прамодо седе ало), Каргалинэнь гидроузла, Аликазган ды Дамба.

Ведень хозяйствань таликазо

Терекень ведтнесэ валновить коськениця модань зярыя тёжат гектарт (Терско-Кумской ды Терско-Сулакской алка таркатнесэ). Ведень кандомань кисэ стявтозь кавто гидроузлат  — Павлодольской (эйстэнзэ ушодови Терско-Кумской каналось) ды Каргалинской (колмо каналт — Дельтовой, Новотеречной, Сулу-Чубутла), — ды истя жо покш каналт — Алханчуртской (ушодовиАлханчурт (Северная Осетия) велень таркасо, Куйбышев лемсэ канал (Червлённой станицань (Чечня)) тарка, Наурско-Шелковской тарад (Червлённая станицась), Дзержинскоень лемсэ (ушодови Дзержинка икелень хуторонь таркасо).

Терек леенть лангсо эрямо таркатне

Грузия

• Мцхета-Мтианети Край:

• Казбегской муниципалитет: Реси, Деси, Тепи, Цоцолта, Караткау, Абано, Кетриси, Окрокана, Шевардени, Ухати, Каноби, Пкхелши, Гористкайкхе, Ткаршети, Сиони,

Гарбани, Арша, Ачхоти, Паншети, Степанцминда ош, Цдо.

Россиянь Федерация

• Ингушетия Республика:
• Джейрахонь буе: Джейрах (ур. Горбани, ур. Тамариани)

• Северная Осетия — Алания Республика:

• Владикавказонь административной округ: Верхний Ларс пос., Нижний Ларс пос., Эзми, Чми, Балта, Терк, Редант 1, Редант 2, Владикавказ ош, Южной пос., Заводской пос.

• Пригородной буе: Ногир, Михайловское, Алханчурт посёлка

• Правобережной буе: Беслан ош, Фарн

• Ардонской буе: Коста, Бекан пос.

• Кировской буе: Змейская, Эльхотово

• • Кабардино-Балкария Республика

• Терской буе: Плановское, Терек ош, Арик, Джулат, Красноармейское, Опытное, Урожайное, Терекское, Хамидие

• Майской буе: Александровская, Котляревская, Майский ош
  • Северная Осетия — Алания Республика

• Моздокской буе: ст. Черноярская, Новоосетинская, Сухотское, Виноградное, Павлодольская, Раздольное, Кизляр, Луковская, Моздок ош, Киевское, Калининской посёлка, Терская ст., Октябрьский пос.

• • Ставрополень край

• Курской буе: Стодеревская, Галюгаевская
  • Чеченэнь Республика

• Надтеречной буе: Братское, Гвардейское, Бено-Юрт, Ищерская, Знаменское, Верхний Наур, Лаха Невре, Мекен-Юрт, Подгорное, Кень-Юрт, Терское

• Наурской буе: Ищерская, Наурская, Калиновская, Левобережное, Николаевская

• Шелковской буе: Червленая, Харьковское

• Грозненской буе: Терское, Правобережное, Набережный, Виноградное

• Гудермесэнь буе: Брагуны, Хангиш-Юрт, Азамат-Юрт

• • Дагестан Республика

Леенть лангсо ашти ГЭСэнь Терской каскад: Дарьяли ГЭС, Ларси ГЭС (Грузиясо), Эзминская ГЭС, Дзауджикауская ГЭС ды Павлодольская ГЭС (Россиясо. Можна строямс зярыя лия ГЭСт.

Пертьпельксэсь

Ало таркатнесэ Терекесь сюпав калсо (лосось, форель, камбразкал (сазан), судак, сом, усач ды лият).

Галереясь

• Терекесь Казбеги посёлканть вакссо, Грузия.
  Терекесь Казбеги посёлканть вакссо, Грузия.
• Владикавказсо Терекесь. 2009-це иень медьков.
  Владикавказсо Терекесь. 2009-це иень медьков.
• Терек леесьТерекское вленть вакссо (Кабардино-Балкария)
  Терек леесьТерекское вленть вакссо (Кабардино-Балкария)
• Терекесь Гребенской сэденть вакссо, Чечнянь ды Дагестанонь ютксо границясь
  Терекесь Гребенской сэденть вакссо, Чечнянь ды Дагестанонь ютксо границясь
• Терек леесь (Чечня)
  Терек леесь (Чечня)
• Терек леесь (Чечня)
  Терек леесь (Чечня)
• Терекень ало чудемазо. Каргалинэнь гидроузлань плотинась.
  Нижнее течение Терека. Плотина Каргалинского гидроузла.

Вант истя жо

• Терской губерния;
• Терской советской республика;
• Терской лошадь;
• Терской область;
• Терской свалшкань милиция;
• Терской казакт.

Литературась

• Терек (река) // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
• Терек // Словарь современных географических названий / Рус. геогр. о-во. Моск. центр; Под общ. ред. акад. В. М. Котлякова. Институт географии РАН. — Екатеринбург: У-Фактория, 2006.

Невтевкст

• Терекесь Aqua Expert сайтсэ Архивировазь 6 Даволковонь 2020 иестэ.