Сульдина, Анна Дмитриевна
Сульдина́ Анна Дмитриевна — эрзянь валморонь сёрмадей.
| Анна Дмитриевна Сульдина | |
|---|---|
| Чачома чись: | сундерьковонь 11 чи 1950 (73 иеть) |
| Чачома тарка: | |
| Род деятельности: | сёрмадей |
| Годы творчества: | 1964 — ней шкасто |
Эрямо пингезэ
витнемсСульдина Анна Дмитриевна чачсь неень Мордовия Республикань Дубёнка буень Орданьбуе велесэ 1950-це иень сундерьковонь 11-це чистэ. 1973-це иестэ прядсь М. Горькой лемсэ литературной институт. Мейле сон важодсь эрьва кодамо должностьсэ, Литвань Правительствань Аппаратсояк, «Lietuvos aidas» («Эхо Литвы») газетасо. Печатави 1964-це иестэ саезь. 1979-це иестэ Анна Дмитриевнань валморонзо совасть «Тештень пиземе» вейсэнь пусмос. «Пиземе чирьке седейсэм» валморонь книгазо лиссь 1980-це иестэ, «Паксянь ки» валморонь пусмозо – 1986-це иестэ. 1980 – 90-це иень шкинемасонзо – вечкемадо стихть («Учома», «Весь истямо валдо…»), пейзажонь лирика («Кизэнь баллада», «Васень ловось, кода ашо паля»), эрямонь смустте философской арсемат («Мон тесэ а эрян уш умок…», «Веньберть пиземесь ливтни садга…»). А. Д. Сульдинань стихензэ лиснить вейсэнь пусмосо, «Чилисема» ды «Сятко» журналтнэсэ, истя жо эстэнь кельсэ. Эри Литвасо. Чачома ёнксов ней пачколи вельть чуросто. Теке марто кирди сюлмот Мордовия Республикань эрзянь од сёрмадейтнень марто - электронной почта вельде сёрмали Татьяна Мокшанова эрзянь валморонь сёрмадыцянть марто.
Сёрмадовксонзо
витнемс- Знаю, знаю, есть другие страны… ; От листьев земля… ; Пляшут жёлтые блики огня… ; Бегут дороги вокруг моей земли… ; Каждый день как подарок… ; Конец зимы… / / Антология мордовской поэзии. Саранск, 1987 ;
- Вечкемась кази домка вий : стихть / / Сятко. 1990, № 6 ;
- Ноцк мери седеем пелеветь… : стихть / / Сятко. 1998. № 5 – 6;
- Моро бу серьгедемс – маштсь вайгелесь… : стихть / / Сятко. 2005. № 11.
Литературась
витнемс- История Мордовии в лицах : биогр. сб. Саранск, 1999. Кн.3, ISBN 5749302180 ;
- Дубёнский район : История. События. Люди. Саранск, 2008, ISBN 9785749312799;
- Доронин А. «Кияк а соды, мекс…» / / Сятко. 2000. № 7;
- Мордовия, XX век: культурная элита. Саранск, 2013. Т. 2.