Святкин Фрол Кириллович
Святкин Фрол Кириллович чачсь Поваделесэ, Тумобуесэ. Служась руз. «кочегаром 1-ой статьи эскадренного броненосца «Петропавловск» – истя сермадозь Куншкань Россиянь военно-морской СССР-нь флотонь архивсэ. Фрол Кириллович сермадозель личной составонь коневтнесэ 1901 иестэ ды ульнесь «нижний чинонь» коневтнесэ «Петропавловскоень» ваямонь шкасто - 1904 иестэ.
«Петропавловск» ульнесь 1-це эскадрань прявт венч ды турсь пачк ворогтнэнь каршо. Фрол Кирилловичень эрямозо прядовсь васоло чачома таркадонзо – Ожо иневедьсэ. Эйзюрковонь 29 чистэ венчесь лиссь иневедентень манёврань тонавтнеме. 1904 иень эйзюрковонь 31 чистэ «Петропавловск» броненосецэсь сезевсь япононь минань лангсо ды ваясь Порт-Артур маласо. Покштояк покш венчесь ваясь 2 минутас. Венченть марто ваясь вице-адмирал С.О. Макаров, штабонь офицерт ды 620 матрост. Истя жо марост ваясь баталист-артыця В.В. Верещагин, конась ульнесь венченть лангсо ды тейнесь эрьва кодат артовкст: анокстась покш артовксонь тееме.
Фролдо башка раськесэнть ульнесь Илья братозо. Ульнесь сазоросткак – Евдокия. Тетяст лемезэль – Кирилл Кириллович. Аваст – Ульяна. Зярдо чачсть-кулость - содамочись арась. Фролонь низэ-полазо арасель. Одоль, эйкакштомо.
Те ваямось кармась рузонь флотонь историясо раужо лопакс. Малава ульнесть лияткак рузонь венчт. Вана кода сёрмады И.И. Ренгартен - "Полтавань" мичманось:
(эрз. «Петропавловск» сеске нерензэ эвкстызе ведьс ды кармась совамо тов, взрыв таркасто кузсь верев пек покш тол ды качамо. Вейке взрыв мельга марявсть еще зярыя. Якамо таркатне сескэ палозевсть. Трубатне ков бути сеске ёматотсть, венченть удалксозо лиссь ведстэ ды керш ёно винтэсь важодезевсь ушосо, ломанть прасть ламонь-ламо, кой-конатне понгсть винтс ды сон сезнесь эйсэст пачк сельменек икеле»… Лия венчтнэ кучсть шлюпкат, ансяк идемс лиясь аламо ломанть. Эрикс лиядсть 80 ломанть 620-стэ.Оригинальной текст (руз.)'"Этой ужасной картины я никогда в жизни не забуду. Под правой скулой "Петропавловска" взорвалась мина, он сразу накренился и стал уходить носом в воду, над местом взрыва выкинуло громадное пламя и целую кучу дыма. После этого взрыва было слышно еще несколько, то взрывались котлы и зарядные отделения мин. Палуба мгновенно была объята пламенем. Трубы и мачты сразу куда-то исчезли, корма выскочила из воды, винт левой машины заработал в воздухе, люди падали кучами, многие падали в винт, и их размалывало на наших глазах. "Петропавловск" погружался быстро - через 2 минуты после взрыва его уже совершенно не было видно"...'
Зярыя иень ютазь руз-япононь войнань прядомадо мейле кармасть содамо: 1913 иень кизэстэнть керш ёно каютатнестэ алце ды куншка якамо таркатнестэ таргасть 6 ломанень рунгот. Сынст калмизь Порт-Артурсо 24-це аштемковонь 1913 иестэ. Колмо кандылазт кандсть рузонь солдатт, колмо – япононь крейсерстэ морякт. 100 иень ютазь Санкт-Петербургсо панжозель ледстямо лаз, косо сёрмадозельть все 635 морякт рузонь прявт крейсерстэнть С.О. Макаровонь прявтост марто. Латунень лецтямо лазось ашти Святой Николаень иневедень церковасо, конанть лемезэ "Спас-на-Водах"
Велень ломантнень ёвтнемань коряс, артовксонть, косо невтезь Святкин Ф.К, туизе велев Цыцаров Андрей Михайлович. Служасть вейсэ, ансяк кияк ней а соды мекс сон сестэ эзь угодяво венчентень, конась тусь Порт-Артуров.
1913 иестэ аштемковонь 24 чистэ Кронштадт ошсо Николай II Инязоронть улемстэ ульнесь панжозь О.С. Макаровнэнь кев рунгосб. Сонзэ удало кевсэ керязь невтезь «Петропавловскоень» ваямозо. Сонсь артовксозь ды «Петропавловск» открыткась максозь Тумобуень музеентень.