Пуштазь модамарьть

Пуштазь модамарьть — те ярсамопель, сынст лемест ламо, ды тейневить сынь ламо кода.

Васенцесь — седе, ды, паряк, сехте кезэренсесь, кона чачсь ломанденть а седе мейле — толпандянь палыседь ало пуштамась. Сайть зярыя модарькат, толонть скимемадо мейле айгши тонолтнэнь ды вельтик ярсамопелеть палыседьсэ (уголиясо) комсешка минутань трокс ярсак псинестэ куш мезе марто. Истямо койсэ тееви модамаресь кудонь уштомасояк.

Лия вариантось, конанть мон содаса те «бока карчка» — зярдо пидезь лукшо марто модамартне ватксевить, путовить пачалгс конань потмакссонзо ваднезь касовксонь ойсэ. Часошкас кекшевить пси каштомос эли духовкас, зярдо модарькатнень бокаст мазыйстэ цитнезевить тюжа тюссо — таргить ды паро мельсэ ярсак эйстэст ламбамо эли чапамо ловсо марто, режнезь ловсоськак маштови те ярсамопеленть марто.