Кулага

Кула́га — те ярсамопель.

Эряви пургондавтомс розть. Костямодост мейле сынст яжавтсызь. Неть почттнэстэ саить колмо-ниле коморот ды каясызь чакшс. Тозонь жо каить ведь, зяро эряви сал ды ризанянзо кис чевгть. Теде мейле лакавтсызь ды зярыя часос путсызь явовтозь каштомс. Кулагась вецана ды секскак ярсыть эйстэдензэ пенчсэ ды кши марто. Танстензэ ламбамо-ризаня.

Панемалувкс

Зуева Юлиянь, Оренбург ёнксто. Валске почтонть лангс каямка лаки ведь, аламодо кельмевтезь. Ды човорямка, ансяк, аволь дюрьмат улест, седе вецана. Учомс, кода кельми, ансяк аволь пес кельмемас. Мейле каямс лембе ведь, вецакавтомс чапаксось. Путомка те чапаксось лембе таркас ды човорямка чоп, зняроксть кенерят. Эйзэнзэ каямс чевгельмарьть (калинат), чеймарьть (клюкват), чапаськадоволь чапаксось. А чапаськады ва чапаксось, сестэ эзэнзэ каямка розень кши сускомо. Ва а чапаськады, сестэ те аволь кулага карми. Кадомка чапаксонть якамо валскес. Чапаксось улезэ вецана, теке велькс. Валске путомка пиеме каштомс. Сон карме лакамо, чадомо ды теке пие. Мейле каямка сахор, ки кода вечки.