Кортамо:Вайгельбе
Сёрмадома лувдо
Зярдо комсеце-колмонькеменце иетнестэ калавтызь ды мекев ладызь, мезе уш 1880-це иетнестэ саезь Казаньсэ нолдазь кинигатнесэ кемекстазель, ютасть ламо вариант ланга.
Эрзянь кель маштови сёрмадомс морфологиянь коряс эли фонетикань коряс. Зярдо сёрмадтано фонетикань, эряви кирдемс мельсэ кодамояк велень эли таркань кемекстазь лув.
1925-иестэ Московсо аравтсть неень Отяжбуень Козловка велень кортамонть, ансяк уш 1930-це иетнень ушодомсто саезь редяви авейкетьксчить се кортамо лувонть марто. Течемень чис ламо полавтовсь. Ламосо явови тосконь кортамо лувонть эйстэ.
Кортамо келень коряс сёрмадомась пек паро сеть пакшатнень туртов, конат эрить кортамо элень велесэ, аволь лиятненень. Лиятненень ды покштнэнень лади седе пек аламошка абстрактировазь келень форма.
Эрзянь келень кортыця ёвты вейке ды сёрмады лия:
- ёвтавкс: Велев зыть? сёрмадовкс: Велев сыть?
- ёвтавкс: Шабрань гискась сёрмадовкс: Шабрань кискась
- ёвтавкс: Вирь бзака сёрмадовкс: Вирь псака
Секскак арсян сеть зярыя валтнэ, конат сёрмадозь ёвтавксонь коряс, маштовить совавтомс нормальной текстсэ абстрактировань формасо:
- ёвтавкс: вайельбе сёрмадовкс: Вайгельпе од киртявкс (вп.)
- ёвтавкс: товзюро сёрмадовкс: Товсюро
- ёвтавкс: чиньжарамо сёрмадовкс: Чиньчарамо
- ёвтавкс: ведьгемень сёрмадовкс: Ветенькемень
- ёвтавкс: колоньгемень сёрмадовкс: Колмонькемень
- ёвтавкс: кемзисемге сёрмадовкс: Кемсисемге
- ёвтавкс: чавачамо сёрмадовкс: Чамавачамо
- ёвтавкс: кеветее сёрмадовкс: Кемветее
ды с. т.
- ёвтавкс: вирьбуло сёрмадовкс: Вирьпуло
Ёвтавксонь хворматне паро мельсэ ванстовить, зярдо сёрмадыцянть мелезэ ули ванстомс кортамо лувонть диалогсо - косо.
(Rueter 08:09, 19 October 2007 (UTC))