Википедиясь

Гаген-Торн, Нина Ивановна

Нина Ивановна Гаген-Торн — советэнь этнографиянь ды фольклоронь содыдей, сёрмадыця, ледстнемань ды валморонь сёрмадей. История наукань кандидат (1946). Покш мель явсь эрзянь ды лия Рав лангсо эрицятнень тейтерьавань оршамопельтнень. Теде сёрмадсь книга, конасонть невтсь сюлмавкст оршамопельтнень эзга Европасо эриця раськетнень марто.

Гаген-Торн, Нина Ивановна
Портрет
чачома чись 2 (15) ацамковонь 1900[1], ацамковонь 15 чи 1901(1901-12-15)[2] эли 2 (15) ацамковонь 1901[2]
Чачома тарка
Кулома чись аштемковонь 4 чи 1986(1986-06-04)[1][2]
Кулома тарка
Мастор
Важодема ёрокчизе валморозей, антрополог, историксь, этнолог, сёрмадей
 Нина Ивановна Гаген-Торн

Эрямопингезэ витнемс

Нина Ивановна Гаген-Торн чачсь 1900 иень ацамковонь 2це чистэ Ине-Петрань ошсо, содавикс хирургонь раськесэ, конась чачомань коряс ульнесь рузыязь шведэнь баронокс - Гаген-Торн, Иван Эдуардович.

Эрьва кизэ оймсекшнэсть Ине-Петрань ошонь маласо - Лебяжье лоцманонь велесэ, неень шкань Ораниенбаум ош вакссо, 1906 иень кизна  — Куоккаласо, 1910 иестэ саезь Приморской Хуторсо (неень шкане Большая Ижора).

 
Обуховской заводонь музеесь. Гаген-Торн раськесь. Нина ашти озадо керш ёно. Вере - Оскар Эдуардович Гаген-Торн (тетянзо ялакс) (1861-1926). Обуховской больницянь прявт, содавикс хирург

Тонавтнесь М. Н. Стоюнинань гимназиясо, теде мейле Оболенская Александра Алексеевна княгинянь гимназиясо. 1918 иень сёксня Нина Гаген-Торн поступась Петраградонь университетс, обществань наукань отделенияс.

Университетсэ тонавтнемстэ теевсь Андрей Белый сёрмадеень тонавтницякс. Те тонавтнемстэ лиссь ялгаксчись, конась теткевсь Белоень куломас. Университетсэ якась Л. Я. Штернберг профессоронь лекцияс ды теде мейле кассь мелезэ этнографиянь тонавтнемас. Ульнесь ёроков Олячинь философиянь вейсэндявкссо аштицякс.

1924 иес Нина Гаген-Торн тонавтнесь эсь мелень планонь коряс (се шкане истя мерельть тонавтнеме), те планонть кувалт тонавтнема лувозо сехте маласо аштесь экономикань отделениянтень ды тензэ мерсть саемс те факультетэнь дипломонть. Студенткакс улемстэ важоди Губпролпросветэнь лекциянь ловицякс. 1927—1930 тонавтнесь фольклоронь коряс аспирантурасо - Чилисемань ды Чивалгомань кельтнень ды литературань ванномань-онкснемань историянь НИИсэ (ИЛЯЗВ), тонавтыцязо ульнесь Д. К. Зеленин. Якась экспедицияв Рузонь Пелеве ёнга, Байкалонь тона бокава, Рав чирева. Не экспедициятнень прявтокс ульнесь П.П. Ефименко, истя жо ульнесь Куншка Равонь экспедициясо.

1930—1931 иетнестэ эрясь Иркутск ошсо, козонь кучизь важодеме мирдензэ. Се шкане стакасто ормалгадсь ды куроксто кулось Нинань тетязо - хирургось, ормань прявт пичкавтыцясь. Ормалгадсь больницянь палома шкасто тивилявонь ормасо. Нина Ивановна велявтсь Ленинградов, мейле тердинзе тов эйкакшонзо. Раськезэ явовсь эсензэ ды мирдензэ мелензэ коряс.

В 1931—1932 иетнестэ Гаген-Торн тонавтсь география, рузонь ды остяконь кельть Пелевеенксонь раськетнень институтсо,

1932 иестэ саезь Нина Гаген-Торн важодсь II разраядонь наукань важодицякс СССРнь раськетнень СССРнь Наукань академиясо. 1933 иень сундерьковсто сонзэ ютавтызь Сибирень ды Пелевеёнксонь Европань отделс сёрмадстомс мезе эйсэст ули. 1936 иестэ кучизь Рав чирень раськетнень ванномо бесермянонь ундоксост ды культураст.

Арестт ды лия эрямотаркав панемазо витнемс

Васенцеде арестовизь 1936 иень ожоковонь 17 чистэ. Тевень ветицятнень коряс, «эзь моле революциянь каршо», МАЭ прявтонть марто (Н. М. Маторин, конась се шкас уже ледезель), тердсь «ёроков туремас ВКП(б)нь каршо, ды невтсь кодат терроронь тевть эрявить теемс ВКП(б)нь прявтнэнь каршо ды седикелев И. В. Сталиннэнь каршо». 1937 иень панжиковонь 5 чистэ. судязель 58-10/2 УК РСФСР статьянть коряс, максозольть тензэ 5 иеть Колымань лагерьсеэ (Севвостлаг, Нагаев ведьуло).

1942 иестэ лагерьстэ лисемадо мейле мерсть тензэ туемс эрямо Чаши велентень Курганонь ёнксов, косо ссылкасо ульнесь сонзэ авазояк. Важодсь велень ловнома кудосо, тонавтсь история, литература ды география Чащи велень ловсонь промышленностень химиянь-технологиянь техникумсо.

1946 иестэ якшамковонь 3 чистэ идизе кандидатонь диссертациянзо СССР-нь Наукань Академиянь Этнографиянь институтсо. Диссертациянь темась ульнесь -«Рав чирева эриця раськетнень оршамопелест кода этногенезэнь ёнкс» (руз.«Элементы одежды народностей Поволжья как материал для этногенеза»). Те диссертациясь анокстазель 1936 иестэ. Нинань тюрьмав саемадонзо мейле сонзэ ялгазо ванстынзе конёвтнэнь ды велявтынзе тензэ самодо мейле.

1947 мень ацамковонь 30 чистэ арестовизь омбоцеде, максозь 5 иеть лагерьсэ; аштесь Темникоковонь лагерьсэ (Мордовия АССРсэ ). Тюрьмасто лисемадо мейле эрямо таркакс аравтызь тензэ Красноярский краенть.

Тюрьмасто лисемадо мейле витнемс

1954 иень чадыковонь 16 чистэ судямось ульнесь каявтозь лангстонзо. 1954 мень тунда амнистиядо мейле, конась ульнесь максозь эрьвантень, кинень макссть 5 иеде аламо, велявтсь васня Московов, косо эрясь сонзэ авазо.

Аламос важодсь ФБОНсо - РАНонь обществань наукань информациянь Институтсо, А. С. Пушкинэнь лемсэ музейсэ.

1955 иень чадыковонь 16 чистэ важодсь СССР-нь Н.А.Миклухо-Маклаень лемсэ этнографиянь Институтэнь Ленинград ошонь отделениясо.

1956 иестэ якшамковонь 23 чистэ Тёкш Аттестациянь Комиссиясь макссь тензэ наукань кандидатонь диплом, конась ульнесь идезь 1946 иестэ. 1956 иестэ даволковонь 17 чистэ сонзэ уголовной тевезэ ульнесь пекстазь, кода чумовтомонь каршо ушодозесь ды чумозо ульнесь весе каявтозь.

1958 иестэ ульнесь Этнографиянь институтонь Ангарань экспедициясо. 1960 иестэ тусь пенсияв.

Пенсиясо аштемстэ ульнесть сёрмадозь ды нолдазь озксонь нардамонь ланга сёрмадовкс, чувтонь кедьёнкс ланга, М. Велевань, Н. Н. Ершовань, Т. А. Крюковань, Я. П. Прилипко ды З. А. Широковань книгаст лангс рецензият, нурька сёрмадовкст В. К. Арсеньев, Л. С. Берг ланга, Александр Блок ланга ледснемат, истя жо Ольга Форш, Виталии Бианки ланга.

Этнографиядо ванноматнеде башка, снартнесь теемс интерпретация (аволь этнографиянь кувалт) кой-кодатнень чопода таркатнень, конатне вастневить «Игорень ушмантнэде валсо», сон яволявть пек интереснойть (секе шкане кевкстемань стявтыцят) теорият.

Н. И. Гаген-Торн ульнесь истяжо ледснемань сёрмадцыця эйкакшпингедензэ, од порадо, тюрьмасо аштемадо. Ламо иень перть сёрмадсь валморот, конатнесэ ёвтнесь эсь эрямодо ды тюрьмасо озадо аштемадо. Сонзэ валморонзо аштить вейке пусмосо кода мерить «лагерной» А. Барковань, В. Шаламовонь, Ю. Домбровскоень ды лиянь поэзяинь ютксо.

1981 иень якшамковсто саезь тусь эрямо Наукань академиянь пансионат-кудос, конась аштесь Пушкин ошсо.

Нина Ивановна Гаген-Торн кулось 1986 иень аштемковонь 4 чистэ Пушкин ошсо Ленинградонь томбале. Моравтызь Никольской церкувасо в Ленинград ошсо[3]. Калмазь Ленинградской областьсэ, Ломоносов буесэ Покш Ижорасо, аванзо вакссо.

Раськезэ витнемс

  • Тетязо — Иван Эдуардович Гаген-Торн баронось (шведэкс сёрмадомс - Hagen-Thorn, 12 сундерьковонь 1867 — 17 эйзюрковонь 1931), ормань пичкавтыця, рузыявтозь швед.
  • Авазо — Вера Александровна (чачозь раськень лемезэ Зоргенфрей), чугункань кинь лангсо важодицянь раськестэ.
  • Мирдезэ — (1923 иестэ саезь 1931 иенть видс) Юрий Михайлович Шейнманн (1901 - 4 чадыковонь 1974 иесь). 1938—1945 иетнестэ ды 1949—1954 озавтозель тюрьмасо; геологиянь доктор (1946).
  • Кавто тейтерензэ: Галина (чачсь 1925) ды Лада (чачсь 1928).

Печатазь важодеманзо витнемс

  • 1926 иестэ лиссь сонзэ васенце научной важодемазо, косо сёрмадозель Тамбовской губерниянь Моршанской буень мирденень лисемадо. Малава секе шкане лиссь эйкакштнеэнь валморонь апокш ловнома пусмине.
  • Этнографические работы в Чувашской республике // Сообщения ГАИМК. 1929. Т. 2. C. 174—194
  • Магическое значение волос и головного убора в свадебных обрядах Восточной Европы // СЭ. 1933. № 5/6. С. 76-88
  • 1946 иестэ Свердловск ошсо "Эйкакшт-ялкат" ловномапусмосо лиссь сонзэ "Кизэсь вирсь" ёвтнемазо, лиссь Н.Летаева лем ало.
  • Гаген-Торн Н. И. Лев Яковлевич Штернберг / Отв. ред. Д. А. Ольдерогге. — М.: Наука (ГРВЛ), 1975. — 240 с. — (Русские востоковеды и путешественники).
  • Гаген-Торн Н. И. Женская одежда народов Поволжья. Чебоксары, 1960.
  • Гаген-Торн Н. И. Memoria / Сост., предисл., послесл. и примеч. Г. Ю. Гаген-Торн. М.: Возвращение, 1994.
  • Думки з приводу «сна князя Святослава» у «Слові о полку Ігоревім» // Народна творчість та етнографія (Киев). 1963. № 4. С. 100—104
  • Темные места в «Слове о полку Игореве» (Этногр. анализ) // Тез. докл. годичной науч. сессии Ленингр. отд-ния Ин-та этнографии АН СССР: май 1968 г. Л., 1968. С. 76—77; [Информация о выступлении] // Сов. этнография. 1968. № 6. С. 135—136
  • О филологическом и историческом анализе «Слова о полку Игореве» // Сов. археология. 1970. № 3. С. 283—288
  • Анимизм в художественной системе «Слова о полку Игореве» // Краткое содержание докл. годичной науч. сессии Ин-та этнографии АН СССР. Л., 1972. С. 85—86
  • Новая книга за «Слово о полку Игореве» // Език и лит-ра. София, 1972. Кн. 2. С. 104—110
  • Некоторые замечания о «темных местах» «Слова о полку Игореве» (Заметки этнографа) // Сов. этнография. 1972. № 2. С. 51—60
  • Анимизм в художественной системе «Слова о полку Игореве» // Сов. этнография. 1974. № 6. С. 110—118
  • О двух Игорях древней поэмы // Знание — сила. 1975. № 6. С. 44—45
  • Лев Яковлевич Штернберг. М., 1975
  • О структуре «Слова о полку Игореве» // Scando-Slavica. Copenhagen. 1976. Т. 22. С. 65—78
  • Боян — песнотворец български // Български фолклор. 1979. Кн. 2. С. 14—29.
  • Путь к Северу // Полярный круг. М., 1986. С. 110—127
  • В ссылке на Енисее // СЭ. 1990. № 3. С. 97-113
  • Вольфила: Вольно-Филос. Ассоциация в Ленинграде в 1920—1922 гг. // ВФ. 1990. № 4. С. 89-104
  • Подборка избранных стихотворений
  • Воспоминания об Александре Блоке // Блоковский сборник. Тарту, 1972. Вып. 2. С. 444—446.
  • Андрей Белый как этнограф // СЭ. 1991. № 6. С. 87-91
  • Прокофьевы в Яновом стане // ЭО. 1992. № 4. С. 91-110
  • Из воспоминаний // Распятые-1. С. 140—151; Memoria. М., 1994.

Лемень кундамозо витнемс

Покш-Ижорань велень библиотекасо ютавтовить Гаген-Торнонь ловномат.

Лисьмапрят витнемс

  1. ↑ 1,0 1,1 Bibliothèque nationale de France идентификатор BNF (фр.): اوپن ڈیٹا پلیٹ فارم, платформа відкритих даних, платформа открытых данных, plateforme de données ouvertes, piattaforma di dati aperti, Opendata-Plattform, otevřená data platforma, åben-data-platform, տվյալների բաց շտեմարան, platforma za odprte podatke, plataforma de datos abierta, plataforma de dados aberta, платформа адкрытых даных, платформа на отворените данни, platforma otwartych danych, ашық деректер платформасы, ачык маалыматтарды платформа, açıq məlumat platforması, ochiq ma'lumotlar platforma, açık verilerin platformu, платформа отвореног података, platforma otvorenih podataka, platforma otvorenog podataka, platforma otvorených údajov, πλατφόρμα ανοικτών δεδομένων, platformu atklātā datu, platforma atvira duomenų, platvormi avatud andmete, avoimen datan foorumi, nyílt adatok platformja, პლატფორმა ღია მონაცემები, платформа за отворени податоци, нээлттэй мэдээллийн тавцан, platformă de date deschise, platformo de malferma datumoj, open data platform, плятформа адкрытых зьвестак, Усьтэм даннойёслэн платформазы, асыҡ мәғлүмәт платформаһы, açıq malümat platforması, açıq malümat platforması, ачык малюмат платформасы, öppen dataplattform, платформаи додаҳои боз, ачык кӧргӱзӱлердиҥ платформазы, гом бæрæггæнæнты платформæ — 2011.
  2. ↑ 2,0 2,1 2,2 Литераторы Санкт-Петербурга. ХХ век (руз.) / под ред. О. В. Богданова
  3. ↑ Елена Ревуненкова. Жизнь и судьба Нины Ивановны Гаген-Торн — этнографа и поэта

Сёрмадовкст витнемс

  • Первый Всечувашский краеведческий съезд (15-21 июня 1928 г. в г. Чебоксары ЧАССР). Чебоксары, 1929. С. 20, 80, 106; РВост. № 4. С. 119
  • Хлопина И. Д. Нина Ивановна Гаген-Торн // СЭ. 1990. № 3. С. 95-97
  • Гаген-Торн Г. Ю. Нина Ивановна Гаген-Торн // ВФ. 1990. № 4. С. 88-89
  • Гаген-Торн Г. Ю. Нина Ивановна Гаген-Торн — ученый, писатель, поэт // РЭ. С. 308—341
  • Шенталинский В. Седьмое небо // Распятые-1. С. 137—140; Решетов, 1994 (2). С. 359—363
  • Распятые-5. С. 66-69.

Невтькеть витнемс

Саезь "https://myv.wikipedia.org/w/index.php?title=Гаген-Торн,_Нина_Ивановна&oldid=147899"-стэ