Васенце шкань ломантнень эрямост
Сехте васенце шкань ломантнень эрямост — Моданть лангсо ломантне появасть ламо сядот тёжат иеде теде икеле. Сехте васенце шкань ломантне ульнесть идем ломанекс ды, ракшань ладсо, эрясть стадасо. Покш пурнавкссо сынь якасть моданть ланга эстест кодамояк ярсамопелень вешнезь, вейсэ тейнесть казямо кедь ёнкст ды нолдасть эйсэст тевс.
Сехте васенце шкань ломантнень пек ламо важодсть, истя сынь таргильть эстест ярсамопель, сынь эзть сода скотинань трямо раштамо, сокамо-видема, ды кудоютконь анокстама. Сынест савкшнось вешнемс ды свал пурнамс весе сень, мезесь маштовсь ярсамс.
Эсест эрямонь те васенце шкастонть ломантнень арасельть эрямонь таркат, сынь эзть тонале сынст тееме, секс сынь эрясть вирьга, кекшнесть куронь потмова, эцнесть домка мода потмова. Важодемань кедьёнкст сынь тейнесть кевстэ ды ловажасто, недть ульнесть педе-пес апак тее. Кевстэ теезь кедьёнкстнэ, конатнень тонадсть теемаст ломантне, мерить «кезэрькевень пингень» (палеолитэнь) кедьёнкст. Сынст вельде ломантне оциняст идем ракшатнень лангс, таргсесть ярсамопелекс молиця ундокстнэнь.
Неть ломантненень свал савкшнось пелемс сывельс-ярсыця ракшатнеде ды вачочиденть. Эрямонть кисэ бороцямосонть ломантненень савкшнось якамс вейсэ покш ордасо, вейсэ вешнемс ярсамопель, кочксемс нурька шкас эрямо-аштема тарка. Истямо ульнесь эрямозо Сехте васенце шкань орданть.
Сёрм:
витнемс- Древней мирэнь историясь: тонавтнема книга средней школань 5-6 класстнэнень. Редакциясь проф. А. В. Мишулинэнь. Эрзякс сёрмадызь Н. Иркаев ды А. Лукьянов. Эрзянь кельсэ сёрмадозенть кемккстызе Мордовской АССР-нь Просвещениянь Министерствась. Саранск: Мордовской государственной издательствась, 1949 ие