Брыжинский, Василий Сергеевич
Василий Сергеевич Брыжинский — неень шкань эрзянь театраньветиця, режиссёр, тонавтыця, искусствоведениянь кандидат (1983 ие), профессор[1](1988 ие). Россиянь ды МАССРнь культурань заслуженной важодиця (1999 ие, 1977 ие). Государственной премиянь лауреат (2005 ие). Эрзя[2].
| Василий Брыжинский | |
|---|---|
| чачома лем | Василий Сергеевич Брыжинский |
| чачома чись | якшамковонь 19 чи 1934 (90 иеть) |
| Тетязо | Брыжинский Сергей Григорьевич |
| Авазо | Брыжинская Елена Парфеновна |
Чачсь 1934 иень якшамковонь 19 чистэ Кочкур буень Од Тягловка велесэ[3] сокицянь-видицянь семиясо. Тетязо Сергей Григорьевич, авазо Елена Парфеновна тейсть весементь эйкакшост туртов, штобу содавольть сёрмас. Кавто цёраст лы кавто тейтерест прядсть пединститут, важодсть тонавтнеме таркасо, а куншкасо леляст Андрей чавовсь Ине Ойнасо. Эсест велесэ ушодовкс класстнэнь прядомадо мейле Василий тонавтнесь Симилеень куншкань школасо. Саран ошонь тонавтыцянь институтонть прядомадо мейле ульнесь кучозель важодеме Самарань ёнкссонь покш ды мазый эрзянь Покш Толкан велев. 1953 – 1956 иетнестэ В.С. Брыжинский служась армиясо, мейле важодсь Кочкурбуень Од Мурза велень школасо. 1958 — 1959 иетнестэ — ВЛКСМ-нь Мордовской Обкомонь школань отделэнь инструктор.
Тестэ сон туи Ленинградов – кармась тонавтнеме театрань, музыкань ды кинематографиянь Ленинградонь институтонть. Прядызеть 1964 иестэ ды тусь важодеме Мордовияв, – гостелерадионь режиссёрокс, 1973 — 1984 иетнестэ — прявт режиссёр.
Путынзе спектаклятнень: А. Жариковонь «Мой суровый друг», П. Кирилловонь «Учительница» (1968 ие), К. Абрамовонь «Лес шуметь не перестал» (1970 ие), «Люди стали близкими (1971 ие), «Дым над землёй» (1972 ие), А. Дорогойченконь «Большая Каменка», «Журавлиная дорога»[4]ды лият; документальной фильматнень: «Родные напевы», «Академик живописи», «Художник Илюхин», «Писатель Кузьма Абрамов». Сценариензэ коряс путозельть «Умарина» морамо-киштема кужонь концертной программат[5]. Теде башка невтизе прянзо театрань паро критикекс, эрзянь раськень театрань кезэрень коень тонавтницякс. Меельце шкастонть прянзо невтизе кода паро драматург (лиссь колмо томсо «Каргонь кинь ломанть»[6]сагазо). Тиринь, эрзянь кельдэ сон корты:
—Зярс а весе эрзятне каштанчист ёмавтызь. Тиринь келесь ломанентень поте ловсо марто максневи. Сонзэ сетне стувтнить, кить а содыть тетянь-авань вечкема[7].
1984 — 2002 иетнестэ — Мордовской государственной университетэнь тонавтыця, доцент, профессор, раськень культурань факультетэнь декан, «Масторава» вейсендявксонь член.
Ванмот
витнемс- Мордовские народные игры : эрзянские и мокшанские нар. игры и хороводы в автор. изложении и сценар. разработке на эрзян. и рус. яз. (эрз.), (руз.).
- Народный театр Мордвы / В.С. Брыжинский. - Саранск : Мордов. кн. изд-во, 1985. - 168 с.
Лисьмапрят
витнемс- ↑ ИНСТИТУТ НАЦИОНАЛЬНОЙ КУЛЬТУРЫ. Наши руководители(руз.)
- ↑ Брыжинский В.С. Эрзянские и мокшанские народные игры и хороводы в авторском изложении и сценарной разработке на эрзянском и русском языках — Саранск: Мородов. кн. изддательство, 2009. — 272 с. Эрзя. яз, рус. яз. ISBN 978—5—7595—1787—0 (эрз.), (руз.)
- ↑ МБУК «Кочкуровская ЦРБ» Писатели Кочкуровского района Архивировазь 10 Якшамковонь 2021 иестэ.(руз.)
- ↑ Государственный театр кукол Республики Мордовия (руз.)
- ↑ Тиринь раськень искусствань содыця Архивировазь 5 Чадыковонь 2019 иестэ.(эрз.)
- ↑ «Чилисема», 2015, №5 Музейсэ вастовома (ловнома, pdf) Архивировазь 8 Даволковонь 2016 иестэ.(эрз.)
- ↑ ШКАСО ОНКСТНИЦЯ Архивировазь 4 Ацамковонь 2013 иестэ.(эрз.)