Босниянь ды Герцеговинань паникудось
Босниянь паникудось (кухнясь) (босн. Bosanska kuhinja) – кухня, кона вейкендяви чивалгомань ды чилисемань мельтнень ало. Ярсамопелесь кеместэ сюлмазь туркань, маласо чилисемань ды лия куншкаиневедень ярсамопельтнень марто. Истя жо веёно эзь кадово Австро-Венгриясь.
Босниянь паникудосонть тевс нолдавить ламо специят, ансяк тееви те ёжомарязь. Седе ламо ярсамопельтнень анокстамсто каяви ламо ведь; соустнэ весе натуральнойть, – теде ярсамкасонть эмежтнень нолась (сокось) паролгады. Тевс седе сеедьстэ нолдтневить помидорт, модамарь, чурька, пейне чурька, ламбамо перець, куярт, пурька, капста, пангт, шпинат, кабачка, костязь ды свежа бобат, торлат (слива), ловсо, перець ды велькс (павлака ды каймак(а)). Сывелень сехте вастневиця ярсамопелесь анокстави васняяк скалонь ды ревень сывельстэ. Содавикс тосонь ярсамопелесь – чевапчичи, бурек, долма, сарма, плов, гуляш, айвар ды чилисема ёнксонь зярыя ламбамопельть. Се таркань сехте паро винатне лиссть Герцеговинасто, косо ушоёжось лади виноградонь кастомантень. Торлань ды умарень ракиясь теевить Босниясо.