Тюштя: версиятнень ютксо явовомат

Сехте кезэрень морось Тюштядо кадовсь эрьва эрзянь велесэ, сонзэ эйсэ эрзятне панжить озксост, озноматнень, покш читнень:

 

'''Тюштя'''

''Кезэрень пингень эрзянь моро''

Тюштя, да Тюштязоро,

Ох, косо да Тюштянь масторозо?

Да косо да Тюштянь раськезэ?

Кудынесэнть таргань морга,

Кудынесэнть таргань морга,

Морганть лангсо да ашо кшируця,

Руцянть лангсо да пижень яндава.

Ломань кельсэ да сынь басить:

Тюштя, да, Тюштя, да, Тюштязоро,

Тон а содат, Тюштя, мезеяк,

Тон а содат, Тюштя, мезеяк.

Ох, вачкодсь Тюштя кавто кедензэ,

Нединзе Тюштя кемень суронзо.

 

Тюштенесь ульнесь мокшонь ды эрзянь васенце Инязорокс (оцязорокс, каназорокс). Те лемесь теевсь «тюштя» нарицательной валстонть, конасонть седикеле эрзятне тешкстнекшнесть сынст племань ветицятнень. Тюштядо лецтнематне неень шкас эсть стувтово эрзянь мельстэ-ёжосто. Нейгак мокшонь ды эрзянь велетнева марсеви «Тюштянь пинге» вал пусмось, конасо эрзятне тешкстыть се шканть, зярдо сынст покштятне-бабатне эрясть атянь биесэ, ансяк велетнема курксо-куркс ёвтневить Тюштядо ёвтнематьне, ды валонзо, сехте питнеесь эйстест — [[Тюштянь пазчангот|«Тюштянь пазчангот»]] весинень эрзятнене.