Арпи (эрьке)

Арпи эрьке (арм. Արփի) [Арпи лич], икеле Арпа — омбоце ведень анакстомонь коряс эрьке Армениясо. Эрькесь ашти 2023 м сэрьсэ иневедень чаво тешксэнь видс Армениянь Шираконь ёнксонь, Ашотонь буесэ. Те эрькесь, Севан эрькенть марто максы раськень-хозяйствань лезкс.

Арпи арм. Արփի
41°04′ с. ш. 43°37′ в. д.
Арпи эрьке
Мастор	Армения Мастор Армения Мастор
Ёнкс	Шираконь ёнкс
<div style="font-size:88%;line-height:1.2em;position:absolute;z-index:2;left:%;top:%"> Арпи
Арпи Википурнавкссо

Эрькенть вакссо ули мель теемс «Арпи эрьке» Раськень вирьпусмо. Сон карми лездамо биологиянь ламоксчинь ванстомо.

Эйстэдензэ

1946—1951 иетнестэ Арпи эрькесь ульнесь покшолгавтозь 4,5 вп² саезь 22 вп² видс, ней созэ покшолмазо 100 млн. м³. Эйсэнзэ вастневи калонь кундамо ды электроэнергиянь анокстома.

Эрькестэнть ушоды Ахурян леесь.

Фаунась

Эрькенть ваксска эрить 100 седе нармунень видт, кой-конат эйстэст Якстере книгасо.

Ведьсэукшныця нармунтнедэ эрькесэнть вастневить: вешкиця яксярго (Anas crecca), вишка поганка (Tachybaptus ruficollis), ашо аист (Ciconia ciconia), идем яксярго (A. platyrhynchos), якстере пря яксярго (Aythia ferina), коклаць пря яксярго (A. fuligula), якстере яксярго (Tadorna ferruginea), иневедень ведьчика (Charadrius alexandrinus), чейбука (Gallinago gallinago), кувака нерь ведьчика (G. media), армянонь транзей (Larus armenicus), ожо нерь транзейне (Sterna albifrons). Ведьсэукшныця нармунтнедэ конатат тонгозь Якстере книгас вастневить: кудрянь пеликан (Pelekanus crispus), раужо аист (Ciconia nigra), ламо тюссо яксярго (Tadorna tadorna) ды паксякарго (Grus grus).

• 
  Вешкиця яксярго
• 
  Армянонь транзей
• 
  Ашо аист
• 
  Раужо аист
• 
  Кудрянь пеликан

Флорась

Эрькенть вакссо касыть нумолонь чей, нудейкс ды ёмиця видт: сибирень ирис, черепицань кондямо саблятикше тикшеть.

• 
  Сибирень ирис
• 
  Черепицань кондямо саблятикше
• 
  Нудейкс