Фелисити Эшби (англ. Jane Felicity Ashbee; даволковонь 22-це чистэ 1913 — медьковонь 26-це чистэ 2008) — Британонь масторонь лецнемань сёрмадыця, артыця, тонавтыця, дизайнер, Чарльз Роберт Эшбинь тейтерезэ. Раськесэнть ульнесть ниле тейтерть: Мэри, Хелен, Пру ды Фелисити. Сазортнэнь ютксо Фелисити ульнесь интеллектуалокс. Тетязо трясь эйсэнзэ цёра эйкакшокс. Кайсь Лондон вакссо, мейле эрясь Иерусалимсэ, косо важодсь сонзэ тетязо 1918—1922 иетнестэ. Лондонов велявтомадо мейле тонавтнесь зярыя тонавтема таркасо, конатне эзть лезда тейтерькантень, секс мекс вешевксэнзэ ульнесть пек покшт. 1936 иестэ прядсь Байем Шоунь Искусствань тонавтнема тарканть. Ульнесь Британиянь Коммунистэнь партиясо. Важодсь плакатонь артыцякс. Сонзэ эрямонть лангс варштавксонзо вадрясто неявить неть плакатсо: сынь тердить максомс ярмак вачо аштицятнень туртов Испаниянь ойнань шкасто.

Фелисити Эшби
Важодема ёрокчизе : вийкирдий-ветий
Чачома чись: даволковонь 22 чи 1913({{padleft:1913|4|0}}-{{padleft:2|2|0}}-{{padleft:22|2|0}})[1][2][3]
Кулома чись: медьковонь 26 чи 2008({{padleft:2008|4|0}}-{{padleft:7|2|0}}-{{padleft:26|2|0}})[1][3] (95 иеть)
Кулома тарка: Лондон ош, Большой Лондон[d], Большой Лондон[d], Инебритания Мастор[4]

Омбоце Весемасторонь ойнань ушодомасто тусь важодеме Королень ливтнема армияс. Тосо сон понгсь кодонь яжамо центрас - Блитчли Парк (англ. Bletchley Park). Тосо аштесь покш Колосс компьютерэсь. Ловови, што самай сон – Фелисити – кундызе самолётонь сигналонть, конанть лангсо ливтясь Шотландияв Рудольф Гесс перемириянь сёрмадстомо.

Colossus


Куломадо мейле лиссть сонзэ ойнадо лецнеманзо (англ. For the Duration: A Lighthearted WAAF Memoir; 2012) Ойнадо мейле тонавтсь артома эрьва кодамо тонавтома таркасо. Эшби содавикс эсензэ кавто лецнема сёрмадовксонзо коряс, конатнень нолдынзе эрямонзо песэ. Сёрмадсь малавиксэнзэ ланга. 2001 иестэ лиссь сонзэ сёрмадовксонзо аванзо ланга "Дженет Эшби: Вечкемазо, венчамозо ды "Искусствась ды прянь трямо тев" (англ. Janet Ashbee: Love, Marriage and the Arts and Crafts Movement) — те максы содамочи аванзо-тетянзо эрямодо: сынст раськест ульнесь пек содавикс Британиясо. Тетязо, конась ульнесь архитекторокс, макссь эрямо "Искусства ды прянь трямо тев" бажамотевентень. Вакссонзо ульнесть ламо содавикс ломанть, конатнеде истя жо сёрмадсь Фелисити. Саемага, аванзо ялаксодо – Невил Форбсдо, конась ульнесь содавикс филологокс.

Теде башка Филиситинь покштязо – Генри Спенсер Эшби (англ. Henry Spencer Ashbee) - ульнесь пек содавикс библиофил. Покштянзо ялаксозо – Вильям Каррик (англ. William Carrick) – ульнесь васенцекс, кие кармась XIX пингестэ Рузонь империянь масторсо, Ине-Петрань ошсо, важодеме профессиональной фотокувонь теицякс ды снимсеме аволь ансяк сюпавт ды содавикс (царень малавиксэнзэ). Сон снимсесь рузонь, эрзянь, татаронь сокицят-видицят Симбирск буесэ. Омбоце сёрмадовксозо ульнесь "Эйкакш Иерусалимсэ" (англ. Child in Jerusalem). Лецнемась лиссь Фелиситинь 95-иень чачома иестэ – 2008 . Тосо сон сёрмады эсь эйкакш пингеде Иерусалимсэ эрямсто, косо тетязо важодсь ошонь архитекторокс – планировщикекс. Истя жо Фелисити ашти Вильям Каррикень тевензэ популяризаторокс, конанть негативензэ муинзе кудопрясто. Теде сон сёрмадсь "Советское фото" журналсо.

ЛисьмапрятВитнемс-петнемс

  1. 1,0 1,1 RKDartists
  2. Delarge J. (unspecified title)Paris: Gründ, Jean-Pierre Delarge, 2001. — ISBN 978-2-7000-3055-6
  3. 3,0 3,1 идентификатор BNF: اوپن ڈیٹا پلیٹ فارم, платформа відкритих даних, платформа открытых данных, plateforme de données ouvertes, piattaforma di dati aperti, Opendata-Plattform, otevřená data platforma, åben-data-platform, տվյալների բաց շտեմարան, platforma za odprte podatke, plataforma de datos abierta, plataforma de dados aberta, платформа адкрытых дадзеных, платформа на отворените данни, platforma otwartych danych, ашық деректер платформасы, ачык маалыматтарды платформа, açıq data platforma, ochiq ma'lumotlar platforma, açık verilerin platformu, платформа отвореног података, platforma otvorenih podataka, platforma otvorenog podataka, platforma otvorených údajov, πλατφόρμα ανοικτών δεδομένων, platformu atklātā datu, platforma atvira duomenų, platvormi avatud andmete, avoimen datan foorumi, nyílt adatok platformja, პლატფორმა ღია მონაცემები, платформа за отворени податоци, нээлттэй мэдээллийн тавцан, platformă de date deschise, platformo de malferma datumoj, open data platform, плятформа адкрытых зьвестак, Усьтэм даннойёслэн платформазы, асыҡ мәғлүмәт платформаһы, açıq malümat platforması, açıq malümat platforması, ачык малюмат платформасы — 2011.
  4. RKDartists