Шнейдер Варвара Петровна
Варвара Петровна Шнейдер — артыця, эрзянь материалонь Рузонь Этнографиянь музеенть туртов пурныця, тонавтыця, дизайнер, Саров ошонтень императоронь самодо лецнематнень сёрмадыця.
| Шнейдер Варвара Петровна | |
|---|---|
| чачома чись | 1860[1][2] |
| Кулома чись | 1941[1][2] |
| Важодема ёрокчизе | искусствовед |
Чачомазо ды касомазо
витнемс
Раськензэ юртнэ молить Германия Масторсто, ёвтнесть: сонзэ деданзо тетясь (И.Я.Шнейдер) ульнесь тердезь Ине Екатеринасо рузонь масторов Телень Дворецэнть лиякс вачкамонзо-полавтоманзо туртов. Сонзэ архитектурань коряс артовксонзо мукшновить Рузонь Вийкирдиень Историянь архивсэ. Вейкесэнть сёрмадозь ие - 1755, зярдо инязоравакс ульнесь Елизавета Петровна, артовксось ульнесь Наумов генералонь кудонь планось. Омбоце артовксонть иесь - 1800-1805 Ине-Петра ошонь удельной фабрикань планось. Варвара Петровнань дедазо ульнесь Ине-Петра ошонь Почтакудонь прявтокс, тетязо кармась оенноекс, аламос эрясь Тамбовсо, косо урьвакссь Е.П.Минаева лангс.
Тосо, Тамбовонь губерниянь Красивка усадьбасо чачсть кавто тейтерькат: Варвара 1860 ды Александра 1863 иетнестэ. 8 иень ютазь аваст кулось ды сынь тусть эрямо Тамбовов. Тетяст урьваксты одс ды раськесь туи эрямо Московов, косо 1875 иестэ тетяськак кулы. Раськесь туи эрямо Ине Петрань ошов. Уже сестэ кавто ялакстнэ невтизь, кинь кодамо карми кись: Александра вадрясто артсь, Варвара - сёрмалесь ды истяжо артсь мазыйстэ. 1879 иестэ кулы од авасткак.
Ней тейтертнень мельга ваны Иван Павлович Минаев - аваст ялакс, конась ульнесь Ине Петра ошонь Университетэнь содавикс профессор. Варвара се шкане уш тонавтнесь Педагогикань курсасо, а Александра прядсь гимназия. Иван Павлович сюпаволь ды мерсь тейтертнень кочксемс, косо эрьванть ули мелезэ тонавтнемс. Истя Варвара поступась Артыцянень лездамо Вейсэндявксос (руз. Общество поощрения художеств), козонь тонавтнеме мельганзо сась вишка сазороськак. Цецянь артомась пек удалась Александранень ды куроксто сонзэ артовксонзо кармасть печатамо панжатке лангс ды муевсть ламо сынст рамсицят.
Те ульнесь пек вадрякс, секс мекс 1890 иестэ кулы Иван Павлович Минаев. Тейтертне лиядыть ськамост. Варвара сайсь покш тев: эряволь артомс ярсамо нупаль вейке инженерэнь кудосо, арсемс кенкшень орнаментт. Те важодемась пек мельс тусь азоронтень ды сон кармась пачк макснеме Варваранень тевть.
Шкинемазо
витнемс
Куроксто патят-ялакст теевсть содавиксэкс ламо содавикс Ине Петра ошонь ломантне марто. Сыненст сакшность инжекс Ф.Д. Батюшков, Н.П. Собко, В.А, В.В.и А.В. Майковт, Н.К. Рерих, В.В. Стасов, Е.Бём. Варвара ды Александра важодить башка-башка ды вейсэяк: артыть часовнят, ознома кудот, портретт, пазават. Тенст пшкадить артомс балонь программат, нотань пусмот, панжаткеть, поздоровонь конёвт.
1903 иестэ Варвара Петровнанень макссть артомс «триумфальной» ютамо таркань план. Сон ульнесь алтазь рузонь инязоронь ардома кинь туртов, Ало Обрань ошонь ды Тамбовонь губерниятнень ютксо, кува инязорось ардсь Серафим Саровскоень церкувань покш чинтень. 1909 иестэ Варвара Петровна совась Ине Петра ошонь Буддань ознамо кудонь вачкамонь комитетс. 1904 - 1925 иетнестэ ульнесь Рузонь Музеень Этнографиянь отделс совицякс, косо пурнась пек ламо эрзянь этнографиянь коряс материал.
Кадсь Саровсо покш чинть коряс лецнемат, конатнень сёрмадынзе 1903 иестэ. Сынь ней ванстовить ИРЛИ РАНсо "Шнейдер В. П. Саровские торжества". 1903 иень медьков // Наше Наследие. 2007. № 83/84. 73-83 лопатне.
Саровсо Покш чинь анокстамось
витнемс
Саровсо Покш чинь анокстамось ды рузонь масторонь инязоронь самось кадсь покш тешкс Варвара Петровнань мельсэ. Сон аволь ансяк артсь триумфальной совамо таркань план, сон сёрмадсть те Покш чиде лецнемат, косо ульнесь аволь ансяк инязор раськеде, триумфальной совамо таркадо, а тува эриця ломантнень койтнеде, оршамопельде, эрзянь велев якамодо:
"Саров не сразу открывается, хотя он и лежит довольно высоко - это бывшая крепость Сараклыч. Вся эта часть Тамбовской губернии совсем инородческая: татары, мордва-эрзь и мокшань, мещера, даже мы видела черемиса-старика...На одном из постоялых дворов на станции Новочадовие я купила кувшин, оплетенный лыком, на столе была солонка с двумя коньками довольно тонкой резьбы, но за нее просили 2 р 50 коп...
Избы темниковские постороены очень прочно и красиво, может быть случайно, но мордовские показались мне чище и зажиточнее, да и мордва шустрее и смышленее ...Между мордовками встречаются очень красивые типы, я видела в Чумартове одну блондинку с пепельными волосами, синими влажными глазами - совсем русалка. Другая смуглая, с совершенно римским профилем, en face у нее совершенно монгольский тип, широкие скулы, раскосые глаза, но в профиль очень благородное лицо настоящей красавицы. Избы почти все с деревянной резьбой наверху в виде солнышка, крыши высокие и с навесом над окнами. В избе мы пили чай, полубелые лепешки оказались очень вкусными.Кроме целого мордовского костюма, я купила здесь поразивший меня кувшин, оплетенный лыком.
Губернатор делал репетиции национальным группам и пригласил меня их расставлять...Большинство удивительных по оригинальности и красоте костюмов принадлежало мордве - одна мещерка...Костюи м язык у мордвы сохранились в Спасском и Темниковском уезде совсем нетронутыми..."
Рузонь Музеень Этнографиянь отделсэ важодемась
витнемс
1900 иетнестэ Варвара Петровна Шнейдер Рузонь Музеень Этнографиянь отделэнь меремань коряс артнесь Ало Обран ошонь, Казанень, Тамбовонь ёнксонь васоло уездга. Теде башка артнесь пелевеёновгаяк. Сон пурнась финнэнь-угрань ды тюркань раськень оршамопельсэ, эрьвантень ульнесь сёрмадозь домка этнографиянь ды историянь коряс содамочи. Варвара Павловнань пурназь коллекциясь невтезель аволь ансяк рузонь масторсо, омбомасторсояк
Тонавтыцякс важодема
витнемс
Оршамопелень пурнамось якавтозель кизна, а тельня Варавара Петровна важодсь тонавтыцякс пек содавикс цёрань гимназиясо, конань прявтозо ульнесь Карл Май. Ды тейтерень - Л.С.Таганцевань гимназиясо. Меельцесэнть сон тонавтсь артомо 14-иень Елизавета Пиленкоень, конась карми содавиксэкс кода артыця, валморонь сёрмадыця - Кузьмина-Караваева лем ало.
1909 иестэ Варвара Петровна ушодызе эсь эрямонь прявт проектэнть - Раськень искусстванень тонавтома тарка (руз. Школа народного искусства), конась панжовсь Ине-Петра ошсо 1911 иестэ Александра Фёдоровна инеязораванть лезксэнь кувалт. Истямо тонавтома таркадо Варвара арсесь од тейтерекс улемстэ. Школасонть теезель музеесь, козонь совасть раськень искусствань предметт. Те школась ульнесь прок тонавтомань ды тувака практикань ютамонь тарка: эрьвантень меревель саемс кедьс, мезе мельс туи ды ванномс кезэрень пингень викшнема лувонть.
1918 иестэ школась ульнесь пекстазь - кудось эрявсь ушмантнэнь туртов. Сынст туемадо мейле школась мекев эзь панжово, секс мекс сонзэ ютавтызь лия кудос. Те школанть эрямопингезэ а чарькодевикс, маряви сонзэ явизь кавтов, ансяк Варвара Петровна праявтокс уш эзь ульне.
Революциядо икеле Раськень искусствань тонавтома школанть ульнесь дачазо Луга ошсо. Лемезэль "Нупальне" (руз. "Светелка"), тозонь Варвара Петровнань аравтызь "школань икелень раськень тонавтомань прявтокс".
Меельце иетне
витнемсЛугасо патят-ялакст эрясть косояк 10 иеть, 1929 иестэ сынь велявтыть Ленинградов, эрить пек беднойстэ. 1935 иестэ тусть эрямо Саратовов: тозонь Варвара Петровнань панизь ссылкав. 1940 иень кизэстэнть сон середезеви стака ормасо, лотки якамдо. 1941 иестэ даволковонь 19 чистэ кулось кувать муцямонь мельга. Теде мельга сонзэ ялаксонзо ланга арасть кодаткак содамочить.
Литературась
витнемс- Шнейдер В. П. Саровские торжества. Июль 1903 года // Наше Наследие. 2007. № 83/84. С. 73-83
- Кондаков С. Выставка А.П. Шнейдер // Столица и усадьба. 1917. No 73. С. 27.
Вановкст
витнемсЛисьмапрят
витнемс- ↑ 1,0 1,1 Bibliothèque nationale de France идентификатор BNF (фр.): اوپن ڈیٹا پلیٹ فارم, платформа відкритих даних, платформа открытых данных, plateforme de données ouvertes, piattaforma di dati aperti, Opendata-Plattform, otevřená data platforma, åben-data-platform, տվյալների բաց շտեմարան, platforma za odprte podatke, plataforma de datos abierta, plataforma de dados aberta, платформа адкрытых даных, платформа на отворените данни, platforma otwartych danych, ашық деректер платформасы, ачык маалыматтарды платформа, açıq məlumat platforması, ochiq ma'lumotlar platforma, açık verilerin platformu, платформа отвореног података, platforma otvorenih podataka, platforma otvorenog podataka, platforma otvorených údajov, πλατφόρμα ανοικτών δεδομένων, platformu atklātā datu, platforma atvira duomenų, platvormi avatud andmete, avoimen datan foorumi, nyílt adatok platformja, პლატფორმა ღია მონაცემები, платформа за отворени податоци, нээлттэй мэдээллийн тавцан, platformă de date deschise, platformo de malferma datumoj, open data platform, плятформа адкрытых зьвестак, Усьтэм даннойёслэн платформазы, асыҡ мәғлүмәт платформаһы, açıq malümat platforması, açıq malümat platforması, ачык малюмат платформасы, öppen dataplattform, платформаи додаҳои боз, ачык кӧргӱзӱлердиҥ платформазы, гом бæрæггæнæнты платформæ — 2011.
- ↑ 2,0 2,1 Люди и судьбы. Биобиблиографический словарь востоковедов - жертв политического террора в советский период (1917-1991) (руз.) — СПб.: Петербургское Востоковедение, 2013. — 496 с. — (Социальная история отечественной науки о Востоке) — ISBN 978-5-85803-225-0