Шварцвальд, Евгения
Евгения Шварцвальд (англ. Eugenie "Genia" Schwarzwald, буелемесь чачомсто Nussbaum (Nußbaum); 1872—1940) — австрийянь тонавтыця ды вейсендей, аваломанень праватнень кис аштиця.
| Шварцвальд, Евгения | |
|---|---|
| нем. Eugenie Schwarzwald | |
_~1920_by_Grete_Kolliner.jpg) | |
| чачома лем | нем. Eugenie Nussbaum |
| чачома чись | медьковонь 4 чи 1872[1][2] |
| Чачома тарка | |
| Кулома чись | умарьковонь 7 чи 1940[3][4][2] (68 иеть) |
| Кулома тарка | |
| Мастор | |
| Важодема ёрокчизе | тонавтыця, сёрмадей, философсь |
 Евгения Шварцвальд | |
Эрямопингезэ
витнемсЧачсь 1872 иень медьковонь 4 чистэ евреень кудораськесэ Полупановка велесэ, Галиция, Австро-Венгрань империя, неень Украинань Подволочисской буесэ. Тетязо Лев Нусбаум (Leo Nussbaum), авазо Эстер Нусбаум (Ester Nussbaum). Ульнесь патякс Антононь Норстань(de) (чачома буелемесь Антон Нусбаум) — австрийянь куляньсёрмадей ды вийкирдий.
Тонавтнесь Черновцасо, якась тонавтнемань колледжс, мейле 1895 иестэ 1900 иес тонавтнесь немецень кель ды лия предметт (англань кель, философия ды педагогиканть) Цюрихень университетсэ — вейке тонавтнема таркасо, косо мерильть тонавтнеме аваломаньне. 1900 иень медьковонь 30 чистэ сон кармась васенце австриянь авакс, конань ульнесь максозь доктор философии (Ph.D.) степень „Metapher und Gleichnis bei Berthold von Regensburg“ диссертациянзо кис.
1900 иень ацамковонь 16 чистэ лись Герман Шварцвальдонь(de) мирденень, ды 1901 иестэ сынь эрясть Вена ошсо. Евгения важодсьЭлеонорыаДжейтелес ( Eleonore Jeiteles, 1841–1918) аваломанень лицеень прявтокс. Сон ансяк колмо иеть ульнесь прявтокс, 1905 иестэ Людвиг Дёрфлер (Ludwig Dörfler) математика тонавтыцясь ульнесь путозь лицеень прявт ветицякс.
1911 иестэ сон ульнесь 8-це классонь реальной авань гимназиянь — те ульнесь васенце Австриясо школась, косо тейтерьтьнень максыльть высшой образования. Евгения Шварцвальд тонавтыцякс терьтнесь содавиксэв ломанть: Оскар Кокошка (артовкст ды графика), Адольф Лоз (архитектура), Арнольд Шенберг ды Эгон Веллес (седямо), Ганс Кельзен (социология ды экономика) ды Отто Роммель(de) (литература). Роммель истяжо ульнесь гимназииянь прявтокс 1916 иестэ 1919 иес.
Васенце мирэнь торпингэнь шкасто сон тейнесь ярсамо, оймамо ды тонавтнема таркат. Инфляциинь ( Inflationszeit) шкасто тейсь (руз. «Австрийскую службу помощи для Германии», нем. «Österreichische Freundeshilfe für Deutschland») ды коммунальной кухнят Берлинсэ. Торпингенть прядомсто панжсь знярыя оймсема кудот пакшане ды покшнень туртов, невтемга, Шоштансо(de), Земмерингсэ, Бад-Ишласо, Мёдлингсэ, Райхенау-ан-дер-Ракссо, Вайдхофен-ан-дер-Ибсэсэ ды Бад-Фишау-Бруннсо.
1933 иестэ Евгения Шварцвальд лездась Германиясто эсь масторонь оргодицятнень. 1938 иестэ Шварцвальд орготсь Австриясто секс-мекс сон еврейень раськестэ ды тусь эрямо Швейцарияв; школанзо ульнесть пекстазь, ды ламо тонавтницятнестэ истя жо тусть эрямо кие ков (ламо — АВШ-в) эли седе мейле,Холокостонь шкасто ламотне ульнесть маштозь. Мирдезе, оргодсь Австриясто Швейцарияв 1938 иень таштамковсто, косо 1939 иестэ кулось.
Евгения Шварцвальд кулось 1940 иень умарьковонь 7 чистэ Цюрихсэ. 2011 иестэ сонзэ лемсэ ульнесь лемдязь куросьДонауштадт венань буесэ.
Сонзэ содавиксэв нолдыцятнестэ ульнесть:
- Элси Альтманн-Лоос(de) — киштиця, актриса ды опереттань морыця;
- Вики Баум(de) — седидий (арфист) ды сёрмадей;
- Анна Фрейд — психолог ды психоаналитик, Зигмунд Фрейдэнь вишка тейтерезэ;
- Алиса Гердан-Цукмайер(de) — сёрмадей;
- Рут Карплус(de) — артындей ды модельер;
- Эдит Крамер — артындей, ды арт-терапиянь васеньце теиця;
- Мария Лазарь(de) — сёрмадей;
- Элизабет Нойманн-Виртель(de) — актриса;
- Эльза Паппенхайм(de) — психиатр ды психоаналитик;
- Хильда Шпиль(de) — сёрмадей, ютавтыця ды куляньсёрмадей;
- Хелена, Вайгель — актриса ды театральной администратор, Бертольт Брехтэнь омбоце низэ;
- Алма Виттлин(de) — искусствовед, сёрмадей, тонавтыця.
Литературась
витнемс- Renate Göllner. Mädchenbildung um 1900: Eugenie Schwarzwald und ihre Schulen. Dissertation an der Universität Wien 1986, OCLC 61330367.
- Renate Göllner. Ein frühes reformpädagogisches Projekt: Eugenie Schwarzwald, eine Pionierin der Mädchenbildung, Universität Klagenfurt, Klagenfurt 1995, DNB 946575916.
- Robert Streibel. Eugenie Schwarzwald und ihr Kreis. Picus, Wien 1996, ISBN 3-85452-294-0.
- Haag, John. "Schwarzwald, Eugenie". Women in World History, Vol. 14: Schu-Sui. Waterford, CT: Yorkin Publications. pp. 30–33. ISBN 0-7876-4073-5.
Мельполакст
витнемс- ↑ biografiA: Lexikon österreichischer Frauen (нем.) — 2016. — Vol. 3. — S. 3025. — ISBN 978-3-205-79348-9 — doi:10.7767/9783205793489
- ↑ 2,0 2,1 2,2 2,3 Gadzinski A. KALLIOPE Austria (нем.): Frauen in Gesellschaft, Kultur und Wissenschaft — Wien: Bundesministerium für Europa, Integration und Äußeres, 2015. — S. 194—195. — ISBN 978-3-9503655-5-9
- ↑ https://www.musiklexikon.ac.at/ml/musik_S/Schwarzwald_Eugenie.xml
- ↑ [Eugenie Schwarzwald Frauen in Bewegung 1848–1938] (нем.) — Österreichische Nationalbibliothek, 2006.
- ↑ (unspecified title) — Institución Alfonso el Magnánimo. — 3. — Л. 3025.
Невтевкст
витнемс- Schwarzwald , Eugenie
- Biographie Eugenie Schwarzwald Архивировазь 30 Таштамковонь 2020 иестэ.
- Женщины Вены в европейской культуре.Доктор Евгения Шварцвальд (1872–1940) Архивировазь 25 Панжиковонь 2019 иестэ.