Панжомс прявтменю

ГеографиясьВитнемс-петнемс

 
Стявтовиця сэрей кудонь комплекс ды "Мусульманонь каштанчи" мечетесь

Ошось ашти Шали буень куншкавидьсэ, Лесистой хребетэнь ало, пандо икеле аштиця Чеченэнь равнинасо, Басс леенть кавто чирева. Ашти Аргун чугункань кинь станциянть эйстэ чинелеёнов 18 вп туро ды Грозной ошонть эйстэ чинеле-чилисема ёнов 36 вп туро. Региононь автомобильной китнень сюлмавкс.

Покшолмазо — 27,02 вп² (2009-це иень даннойтнень коряс).

ИсториясьВитнемс-петнемс

XIX-це пингень куншкавидьсэ Шались ульнесь Покш Чечнянь сехте покш аултнэнь эйстэ вейкекс. Стратегиянь аштеманзо коряс, Кавказонь войнань шкастонть аулось ульнесь Шамилень ушмотнень пурнавома таркакс, сынст кучнесть царень ушмотнень лангс кайсевеме.

1944-це иестэ чечентнэнь ды ингуштнэнь депортациядо мейле (тень теизь вийсэ) ды Чеченэнь-Ингушэнь АССРэнть упразднениядо мейле велентень макссть лем Междуречье.

Чеченэнь-Ингушэнь АССРэнть одс пурнамодо мейле, 1958-це иестэ эрямо таркантень велявтозель икелень лемезэ — Шали.

1990-це иестэ велентень максозель ошонь статусось.

1994—1996-це иень военной тевтне пек янгизь ошонть ды эрицянзо: маштозельть сядот ломанть, калавтозельть кудот, промышленностесь, транспортось, сюлмавомась (связесь), агропромышленной комплексэсь. Саемс ансяк вейке эпизод — кассетной бомбасо бомбамодонть 1995-це иень якшамковонь 3-це чистэ чавовсть 55 ломанде а седе аламо.

Чеченэнь омбоце войнанть пингстэ ошсонть истя жо мольсть виев тюремат. 2000-це иень якшамковсто митингентень, ков пурнавкшность боевиктне ды мирной эриця чарькодицяст, нолдазель "Точка У» тактической ракета, конадонть кулость сядот ломанть. Зярыя чинь ютазь ошось целанек саевсь федеральной ушмотнень алов.

2000-це иестэ саезь ошось парсте касы-кепети. Стявтовить эрямонь од кудот, социально-культурной ды спортонь объектт.

2012-це иестэ саезь ошонть куншкасо 5 гектарт мода лангсо, «Шали-сити» сэрей кудонь комплексэнть вакссо, стявтсть-кепедсть од мечеть, кодамо косояк арась, проектэнть тейсть Узбекистансто архитектортнэ. Мазыйстэ панжомазо сюлмазель республикань васенце президентэнть — Ахмат-Хаджи Кадыровонь — чачома чинтень ды ютась 2019-це иень умарьковонь 23-це чистэ. «Мусульманонь каштанчи» мечетентень, кона кармась улеме Европасо сехте покшокс, сеске кельгить 30 тёжат ломанть, маласо таркантень — 70 тёжат. 43 метрань сэрьсэ купол ды 63 метрань сэрьсэ минаретт марто зданиясь вельтязь грекень Тасос усиясто ашо мраморсо, конатась мекев ёрты валдонть ды пси чине кази экше. Кавто пель марто тоннадо ламо сталмосо кавксо метрань куншка люстрась ды 395 светильниктне мазылгавтнезь Swarovski кевнесэ ды сырнесэ. 5 гектаронь таркасо теезель 12 фонтан марто парконь зона. Тесэ озавтозь малав 2000 чувтот ды ламодояк ламо розат. Васня арсесть максомс мечетентень республикань прявтонь, Рамзан Кадыровонь, лементь. Панжомань церемониясонть яволявтозель Мухаммад пророконть лемсэ мечетенть лемдямодо[3][4]Ошибка Lua в package.lua на строке 80: module 'Модуль:Statistical/RUS-CHA' not found.ЛопаПарцун:Численность городов России

Кить эрицятне

2010-це иень эрицянь Весероссиянь сёрмалеманть коряс ошонть национальной составозо[5]:

Раськесь Ламочись,

лом.
Весе эрицятнестэ пельксэсь, %
чечент 43 018 90,17 %
рузт 2 578 5,40 %
кумыкть 362 0,76 %
аварт 279 0,58 %
казахит 214 0,45 %
табасарант 202 0,42 %
лият 1 015 2,13 %
эзизь невте 40 0,08 %
весемезэ 47 708 100,00 %

ТранспортосьВитнемс-петнемс

Важодить ошонь бусонь кото маршрутт.

Ошонь автовокзалсто ардтнить автобуст лия ошов  — Грозноев, Гудермесэв, Аргунов, Урус-Мартанов, Хасавюртов ды Махачкалав.

СпортосьВитнемс-петнемс

ИскусствасоВитнемс-петнемс

Омбоце чеченэнь войнань шкасто Шалисэ тевтеематненень алтазь Герман Садулаевень «Шалинский рейд» романозо.

Ош-побратимВитнемс-петнемс

Истя жо вантВитнемс-петнемс

  • Кассетной бомбасо Шалинть бомбамозо

НевтевкстВитнемс-петнемс

ЛитературасьВитнемс-петнемс

  • Шали, аул // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  • 1,0 1,1 1,2 1,3 1,4 1,5 1,6 ОКТМО. 185/2016. Северо-Кавказский ФО
  • 26. Численность постоянного населения Российской Федерации по муниципальным образованиям на 1 января 2018 годаФедеральная служба государственной статистики.
  • Белый мрамор, много золота и ручная роспись: всё о новой крупнейшей мечети в Европе. Телекомпания «НТВ» (ЛопаПарцун:TranslateDate/myv). Проверено 23 Умарьковонь 2019.
  • В чеченском Шали открыли крупнейшую в Европе мечеть. Ее должны были назвать в честь Рамзана Кадырова. «Новая газета» (ЛопаПарцун:TranslateDate/myv). Проверено 23 Умарьковонь 2019.
  • Том 4 книга 1 "Национальный состав и владение языками, гражданство"; таблица 1 "Национальный состав населения Чечни по городским округам, муниципальным районам, городским населённым пунктам, сельским населённым пунктам с численностью населения 3000 человек и более".