Хямяляйнен, Альберт

Хямяляйнен Альберт (суом. Albert Hämäläinen, чачсь 1881 иень даволковонь 20 чистэ Виитасаарисэ – кулось Хельсинки ошсо 1949 иень ожоковонь 8 чистэ), ульнесь финнэнь раськень содыдеекс ды этнографокс.

Хямяляйнен, Альберт
чачома чись	даволковонь 20 чи 1881(1881-02-20)
Чачома тарка	Вийтасаари[d], Центральная Финляндия[d], Суоми Мастор
Кулома чись	ожоковонь 8 чи 1949(1949-10-08) (68 иеть)
Кулома тарка	Хельсинки ош, Суоми Мастор
Мастор	Суоми Мастор
Важодема ёрокчизе	профессор

Кустаа Хямяляйнен тетязо ды Катарина Кауппинен авазо ульнесть сокицят-видицят. 1905 иестэ прядызе тонавтнеманзо Хельсинкинь университетсэ кода философиянь кандидат. Тонавтнемстэ явсь мель финнэнь-угрань кельтнень ванномантень, рузонь келентень ды литературантень, истяжо славянонь философиянень. Хямяляйнен ульнесь меельцетнеде финнэнь содыдейтнеде, конат пачколесть чивалгомаёнксонь финнэнь-угрань раськетненень: эрзянень, мокшонень, маринень ды удмуртт мезнень 1906-1911 иетнестэ, мейле Советтнэ пекстызь границатнень.

Докторонь лементь идемадо мейле 1913 иестэ, сон тонавтсь 1914–1924 иетнестэ финнэнь, рузонь ды англань кельть Хямеенлиннань тонавтома таркасо. Теде икеле 1910-1912 важодсь Хельсинкинь университетэнь ловномакудосо, рузонь пелькссэ. Теде башка ульнесь Сенатсо ютавтыцякс 1914 иестэ. 1924–1931 иетнестэ сон ульнесь аркеологиянь комиссиянь прявтокс ды Сеурасааринь музеень прявтокс.

1931 иестэ саезь 1949 иенть видс Хямяляйнен ульнесь финнэнь-угрань этнографиянь профессорокс Хельсинкинь университетсэ, тень коряс доцентекс ульнесь 1930-1931 иетнестэ. Важодема таркасто Хямяляйнен сёвнось объект лангс ваныця этнографиянь методонть, сонсь жо явсь седе ламо мель тематикань коряс ванномантень.

Хямяляйнен ваннось Куншка Суоми масторонь раськень культуранть ды вачкамо лувонть; Куншка Скандинавиянь вирьсэ эриця финнтнэнь культураст ды тюлень лангс охотямонть, кода ташто койтнень ванстома тев. 1931 иестэ сон тейсь исследовательской ардома Вермландов.

Хямяляйнен ульнесь Хельсинки ошонь музеень отделэнь прявтокс, истяжо 1940 иестэ ветясь культурань тевть Суоми масторонь ды СССРнь ютксо. Истяжо ульнесь Этнографиянь Вейсэндявксонь прявтокс ды Куншка Суоми масторонь Вейсэндявксонь прявтокс. Те меельце вейсэндявкссо Альберт Хямяляйненэнь куломадо мейле ульнесь теезь сонзэ ярмаксто стипендиянь лезэпарго (фонд), конанть вельде Хямяляйнен мерсь лездамс Куншка Суоми масторонь раськень эрямонь эрьва ёндо ваннома-тонавтнема.

Сёрмадовксонзо:

• Эрзянь-мокшонь, черемисэнь ды вотяконь урьвакстома-венчамо койть (1913, диссертациясь)
  
• Ломанень рунгонь субстанциясь финнэнь-угрань раськень мунямосо (1920)
  
• Ботнической усиясо тюлень лангс охотямо финнэнь масторонь ёнга (1929)
  
• Куншка Суоминь раськень вачкавкст (1930)
  
• Beiträge zur Etnographie der Ostfinnen / Остфиннэнь этнографиянь ютавтовкс (1930)
  
• Bostads- och byggnadsskick hos skogsfinnarna i Mellan-Skandinavien (1945)
  
• Скандинавиянь куншкань финнтнэ (1947)
  

Невткеть:

• Laati–Blomstedt–Havu–Poijärvi: Kuka kukin oli
• ЛопаПарцун:Kirjaviite Sivut 319-320.
• Hämäläinen, Albert (1881 – 1949). Biografiakeskus, maksullinen artikkeli
• Juhani U.E. Lehtonen: Albert Hämäläinen – kielimies. Tieteessä tapahtuu 4–5 / 2009.
• Hanneleena Hieta 2010. Mukautuva museo. Kolmen eurooppalaisen kansanelämänmuseon muutostarina 1970-luvulta 2000-luvun alkuun. Väitöskirja
• Kansatieteen historiaa. Helsingin yliopisto
• Keskisuomalainen Osakunta, stipendit.

Сёрмадовкст

• Räsänen, Riitta 1992. Albert Hämäläinen – champion of Finno-Ugrian ethnology. Teoksessa: Matti Räsänen (toim.) Pioneers. The History of Finnish Ethnology, s. 103–125. Helsinki:Finnish Literature Society.