Хрисанфов, Николай Васильевич

Никола́й Васи́льевич Хриса́нфов (карел. Krisun Miikul (Миикул Крисун); 1898 иень медьковонь 27 чистэ, Вохтозеро велесэ, Олонецкой губерниянь Петроской уездэсь — 1938 иень якшамковонь 8 чись, Сандармох, Медвежьегорской буесь, Карельской АССР) — карелэнь советэнь валморозей, ютавтыця, архивень важодиця.

Хрисанфов, Николай Васильевич
чачома чись медьковонь 27 чи 1898(1898-07-27)
Чачома тарка
Кулома чись якшамковонь 8 чи 1938(1938-01-08) (39 иеть)
Кулома тарка
Мастор
Важодема ёрокчизе сёрмадей, валморозей

ЭрямопингезэВитнемс-петнемс

Чачсь сокиця-видицянь раськесэ, карел.

Тонавтнесь Петроской ошонь тонавтнема таркасо, Петроской тонавтомань семинариясо, Московонь А.Л.Шанявскоень лемсэ университетсэ. Прядызе Ленинградонь университетэнь историянь-филологиянь факультетэнть.

Ожоковонь революциянь шкане ульнесь кершъёнонь социалистэнь-демократонь ютксо. 1918 иень аштемковсто ульнесь Олонец губерниянь сокицянь-видицянь съездсэ улиця. 1918 иень медьковсто кочксезель Олонец губерниянь сокицянь-видицянь, важодицянь ды якстере армиянь депутатонь исполкомонь улицякс кершъёнксонь эсерэнь пельде кулозь К.В.Алмазов ярмаконь наркомонь таркас [1].

1919 иестэ важодсь тонавтыцякс I эскельксэнь Трудовой школасо. 1919 иень сёксестэнть саезь ульнесь Якстере армиясо. Гражданской торпингсэ улиця. Воёвась Юденичень ушмонзо каршо, поляконь фронтсо, красноармеец, культпросветэнь важодиця, полконь судсо улиця. 1919 иестэ ульнесь арестовазь, кода икельце шкань кершъёнксонь эсэрень партиясо аштиця. Ульнесь олякстомтозь Олонец губерниянь прявтонть пшкадеманзо кувалт. 1924 иестэ прядызе Петроградонь университетэнь общественной наукатнень факультетэнть, мейле тонавтнесь вейке иень архивень важодицянь курсасо Куншкань Архивень Ленинградонь отделениясо.

Пек чавсь пря карелэнь келень кепедеманзо коряс, эзь мере тонавтомс карелтнэнь финнэнь кельсэ - истямо ульнесь 1920 иетнесэ официальной айгема тонавтомасо[2].

1924 иестэ путызь Карелэнь Куншкань архивень бюронь[3] прявтокс. Н. В. Хрисанфовонь прявтокс улемстэ ульнесь теезь-ладязь архивень важодемась, ванстозь тёжадо ламо революциянь икелень архивень конёвтне. Сон свал эсь сёрмадовкссо эрьва-кодамо кулялопасо ёвтнесь архивень важодемадонть, явсь тенеть пек мель ды бажась пачтямс тень ловныцятненень.

1936 иестэ саезь — Карелэнь наукань ды ванномань институтонь историянь ды революциянь секциянь важодиця[4].

Хрисанфов ютавтсь карелэнь келень ливвикень кортавкс лангс Александр Пушкинэнь ёвкст ды зярыя сонзэ валморот[5]

1937 иень якшамковсто ульнесь ютавтозь А.С.Пушкинэнь «Попось ды сонзэ Балда важодицянть ланга ёвкс», конась мейле ловнозель радиова симфонической седямо марто, музыканть сёрмадызе Р.Пергамент[6]

Арестовизь 1937 иень ожоковонь 26 чистэ. Судязь КАССР-нь НКВД-нь колмо ломанень кужосо 1937 иестэ ацамковонь 28 чистэ 58-10-11 статьянь коряс. Ледезель 1938 иень якшамковонь 8 чистэ Медвежьегорск станциянь маласо - (Сандармох)со[7].

КАССР-нь Президиумонь Верце Судось нолдызе чумонзо 1956 иестэ медьковонь 21 чистэ.

СёрмадовксонзоВитнемс-петнемс

  • Хрисанфов Н. Десятилетие Карцентрархива // Красная Карелия. 1934. 1 ноября.
  • Хрисанфов Н. О восстании крестьян, приписанных к Олонецким заводам в 1769—1771 гг.— Карело-Мурман. край, 1931, № 9—10, с. 56—57; № 11—12, с. 53—56.
  • Хрисанфов. Н. В. Олонецкая ссылка в 1905 г. // 1905 год в Карелии. Сборник. Под ред. П. И. Буткевича, Я. Э. Виртанена, М. А. Гудошникова, Н. В. Хрисанфова. Петрозаводск, 1926. 179 с. (Комис. по проведению 20-летия 1905 года при ЦИК АКССР).
  • Хрисанфов Н. В. Работы в архивохранилищах Карцентрархива / Н. В. Хрисанфов /Краеведение в Карелии на новом этапе : сб. ст. — Петрозаводск, 1933. — Вып. 2. — С. 67—69.
  • Хрисанфов Н. В. Участие краеведов в изучении революционного прошлого Карелии / Н. В. Хрисанфов / Карело-Мурман. край. — 1930. — No 11/12. — С. 21—22.
  • Хрисанфов Н. В. Участие краеведов в изучении революционного прошлого Карелии / Н. В. Хрисанфов / Вопросы краеведения в Карелии : сб. ст. / под рук. С. А. Макарьева. — Петрозаводск ; Л., 1931. — Вып. 1. — С. 18—19.
  • Хрисанфов Н. В. О восстании крестьян, приписанных к Олонецким заводам в 1769—1771 гг. / Н. В. Хрисанфов / Карело-Мурман. край. — 1931. — No 9/10. — С. 56—57; No 11/12. — С. 53—56.

ЛисьмапрятВитнемс-петнемс

  1. В ладони удерживать время
  2. Миикул Крисун
  3. С. Н. Филимончик Роль региональных архивов в сохранении культурного наследия Карелии в 1920—1930 гг. // «Своё» и «чужое» в культуре народов Европейского Севера: Материалы 9-й региональной межвузовской научной конференции (г. Петрозаводск, 21 марта 2013 г.) / под ред. В. М. Пивоева. — Петрозаводск: Изд-во ПетрГУ, 2013., с.43
  4. Филимончик С. Н. Роль научно-исследовательских институтов Карелии в развитии гуманитарных наук // Труды Карельского научного центра РАН. № 4. 2010. С. 107
  5. Перевод художественной литературы на карельский язык (ливви)
  6. Красная Карелия. 1937. 1 ноября.
  7. Хрисанфов Николай Васильевич(недоступная ссылка)

НевтевкстВитнемс-петнемс