Фонетика мерить истямо тонадо, кона ёвтни кода ёвтни валтнэде — вайгелькстнэде.

Валтнэ теевить вейке эли ламо вайгельксстэ. Мон сёрмадан сёрма валрисьмесэнть васенце валсонть (мон) колмо вайгелькст, омбоцесэнть (сёрмадан) кавксо вайгелькст, колмоцесэнть (сёрма) вете. Эрьва валонть ули эсензэ чарькодемазо.

Валгельксэнть эли вейтьс сюлмазь вайгелькстнэнень, конатнень ули кодамояк чарькодемаст, мерить вал.

Вайгелькстнэнь ёвтамсто минь тевилявтнэстэ тулкадтяно кошт. Коштось тевилявтнэстэ моли киргапарьга ды курго потмова. Кирьгапарьсэ улить вайгельсант. Соракадындеряйть коштонь ётамсто вайгель сантнэ, маряви вайгель. А соракадындеряйть вайгельсантнэ, а ули вайгельгак. Вайгель марто эли вайгельтеме коштось яла юты лексема киргапарьстэ курго потмова эли судонь пачк. Кургосонть коштось юты истя эли лиякс аравтозь келенть велькска: лиясто келесь токавтозь версе пейтненень, лиясто кель куншкась эли кель песь токавтозь курго менельс. Кургосто лисемстэ коштось юты истя эли лиякс аравтозь турватнень юткова. Турватне лиясто венстявить икелев, лиясто тетькевить кавтов, лиясто сювордавить. Тень кувалт теевить эрьва кодат вайгелькст.

Лисьмапрят: витнемс

  • Рябов, Анатолий 1935: Эрзянь морфологиянь грамматика. Стенгазет, Саран ош.