Флия (алб. Flia эли Fli, истя жо сыре. Flija) — ярсамопель албанонь, кода косовонь кухнянь[1][2]. Те паштетэнькондямо човорявкс, конасонть панезь чапаксось ловсонь ярсамопельть марто[3]. Сонзэ ярсыть куншка шкасто салат марто эли салтань эмеж (алб. туршия) марто. Флиянть пингеде-пингес анокстыльть масторонть пандонь таркатнева.

Коень-кирдань флиянь анокстомась тол лангсо тепсисэ, ваксонзо ашти сачэсь.

Анокстомась витнемс

Чапаксось флиянтень анокстави почтосто ичезь ведьс эли ловцос, тееви пачалксень лангс вецана. Подс путомась (сывтесь) те каймак, - те ловсосто теема велькс лангс молиця. Кой-коли путыть лия велькс эли ловсосто теевкс: ревень сыр, тусто велькс эли кефир, пек сеедьстэ путыть алт[4]. Флиясь тееви ламо слойсэ. Чапаксонть каить вашка каявксо, кушкасто пес, кужонь пачалгос, кона ваднезь ойсэ. «Чапаксонь чевкстнень» юткова кадови аламо чаво тарка, ков путь састо сывтенть. Мейле ярсамопелесь аволь куватьс (знярыя минутат) духовкасо-каштомсо (250 °C марто), зярдо чапаксось верьде а карми тюжалгадомо, теде мейле икеле теевксэсь тееви одс. Ды те тееви знярыяс, кодамо сэрьсэ ули мелесь Флиянь теемась[5]. Кой-кува вастневить тееме ярсамопеленть кукурузань почтсто ды шпинат[3] марто.

Коень-кирдань флиянь анокстомась тееви тол лангсо, ойсэ ваднезь тепсисэ (кшнистэ хормасо). Истя жо тевс нолдыть сач — кужонь кшнынь вельтямо, кона пексты тепсинть, конань лангс путыть пси куловт ды сэдьть. Истя лиси, флиясь паневи аволь ансяк алдо, верьдеяку[6]. Кода ярсамопелесь анокстави электриянь каштомсо эряви максомс верьдеяк пси.

Лисьм.: витнемс

  1. Kosovo Guide(недоступная ссылка — история). Ваннозь 10 Панжиковонь 2017. Архивировано из первоисточника 21 Эйзюрковонь 2016.
  2. Kosovo Pastry dishes(недоступная ссылка — история). Ваннозь 10 Панжиковонь 2017. Архивировано из первоисточника 28 Панжиковонь 2013.
  3. 3,0 3,1 Klementina Hysa, R. John Hysa: The Best of Albanian Cooking. Hippocrene Books, New York 1998, ISBN 0-7818-0609-7, S. 122.
  4. Ushqim Tradicional nga Maqedonia(недоступная ссылка — история). Ваннозь 10 Панжиковонь 2017. Архивировано из первоисточника 7 Сундерьковонь 2017.
  5. Fli me kos на YouTube
  6. Ministria e Zhvillimit Urban dhe Turizmit