Филатов, Николай Михайлович

россиянь кеврунгоньтеий, тонавтыця. Эрзя.

Филатов Николай Михайлович — россиянь кеврунгоньтеий, тонавтыця. Эрзя[1]. Мордовиянь раськень (2005), заслуженной (1999) артындей. МССР-нь (1992), МР-нь (2003) Государственной премиянь лауреат. СССР-нь Художникень вейсэндявксос совиця (1985).

Артовкс
Пол эли гендер цёраломань[d]
Гражданство Flag of the Soviet Union.svg Советэнь Вейсэндявкс[d]
Flag of Russia.svg Россия Мастор
Чачома чи умарьковонь 27 чи 1952(1952-08-27) (67 иеть)
Чачома тарка Поводвеле, Тумобуе, Мордовская Автономная Советская Социалистическая Республика[d], РСФСР[d], Советэнь Вейсэндявкс[d]
Род занятий кеврунгоньтеий
Учебное заведение Пензенское художественное училище[d]
Институт имени Репина[d]
Полученные награды
медаль «В память 850-летия Москвы» Заслуженный художник Российской Федерации

Эрямо пингезэВитнемс-петнемс

Чачсь Мордовия Республикань Дубёнка буень Повадьвелесэ 1952-це иень умарьковонь 27-це чистэ.

Прядызе Пензань художественной училищанть (1977), Ленинградсо живописень, скульптурань ды архитерктурань институтонть (1984, тонавтнесь В.Б.Пинчук профессоронть кедьсэ). 1984-це иестэ саезь тонавты Саранонь художественной училищасо, 2003 – 08-це иетнестэ – дизайнань ды рекламань кафедрасо, 2008-це иестэ саезь – Мордовской государственной университетэнь эрзянь ды мокшонь традиционной культурань ды неень шкань искусствань кафедрань профессор.

Важоди станковой, монументальной, мелкой пластикасо. Важодевкссэнзэ бажи чарькодемс образтнэнь философия ёндо, домкасто чарькодевти композициянь пространствань-пластикань законтнэнь.

Сехте содавикс важодевксэнзэ: «Од механизатор» («Молодой механизатор») (1984), «Макушкин Николаень портретэзэ» («Портрет Николая Макушкина») (1987), «Христос» (1992 – 99), «Леда» (2003), «Асодавикс» («Незнакомка») (2005), «Штапо» («Обнажённая») (2007), Мордовиянь народной артистэнть, Россиянь заслуженной артистэнть В.П.Акашкинэнь портретэзэ» («Портрет народного артиста Мордовии, заслуженного артиста России В.П.Акашкина») (2011).

Филатов – истямо кеврунгонь теий: Ине Отечествань войнасо чавозтненень  (1989, Ковылкина буень Кочелаево веле), С.Д.Эрьзянень (1996, соавторозо Г.М.Филатов), А.С.Пушкиннэнь (2002, арх. С.П.Ходнев, Ф.П.Кильдюшкин, Н.В.Трибушинин; Россиянь художествань академиянь сырнень медаль), Никон Патриархнэнь (2006, арх.Ходнев), Фёдор Ушаковнэнь, ушмантнэнень-интернационалисттнэнень, А.С.Вишняковонь – Московонь коммерческой институтонь теицянть – бюстонзо (2010-це иестэ саезь – Г.В.Плеханов лемсэ Россиянь экономикань университет)) (1859 – 1919) (2012).

Важодевксэнзэ улить Белгородской картинной галереясо, Смоленской государственной музейсэ-заповедниксэ, Тульской областень Узловая ошонь картинной галереясо, МРМИИ-сэ.

НевтеманзоВитнемс-петнемс

Невтневсь республиканской выставкасо (Саран ош, 2004; Чебоксары, 2008), региональной выставкасо (Пенза, Самара, 2009), регионъютконь выставкасо (Н.Новгород, 2007), весероссиянь выставкасо (Вологда, 2006; Москов, 2009; Саран ош, 2011, 2012), выставкасо-пелькстамосо  (Саратов, 2007), скульптурань выставкасо (Липецк, 2006), масторъютконь выставкасо (Москов, 2005, 2010; Саран ош, 2007). Персональной выставказоль Саран ош (1992).

КазевксэнзэВитнемс-петнемс

Казезь 3-це степенень Славань орденсэ, «В память 850-летия Москвы» ды «За заслуги. В ознаменование 1000-летия единения мордовского народа  с народами Российского государства» медальсэ.

ЛитературасьВитнемс-петнемс

  • Союзу художников Мордовии – 60 лет. Саранск, 1998;
  • Махаев В.Б. Городская культура Николая Филатова // Странник. Саранск. 2002. №5;
  • Голышенкова Е.В. Монумент Пушкину в Саранске // Юный художник. 2004. №6;
  • Голышенкова Е.В. Художник России. 2004. №12 – 14;
  • Голышенкова Е.В. «И сердце вновь горит и любит…»: Духовно-философская проблематика в монументальной скульптуре Н.М.Филатова // Центр и периферия. Саранск. 2010. №1;
  • Мордовия: энц. Саранск, 2004. Т.2;
  • 70 лет Союзу художников Республики Мордовия : альбом. Саранск, 2007;
  • Дубёнский район : История. События. Люди. Саранск, 2008;
  • Учёные Мордовского государственного университета: биогр. справ. Саранск, 2011;
  • Мордовия, XX век: культурная элита. Саранск, 2013. Ч. 2.

ЛисьмапрятВитнемс-петнемс

  1. «Финно-угорская газета».Николай Филатов:«Во время своего визита за руку с моим Пушкиным поздоровался Президент России.Говорят – на счастье!»(руз.)