Тяпаев, Анатолий Прохорович
Анатолий Прохорович Тяпаев — мокшонь содавикс валморозей ды прозаикесь, Мордовия Республикань заслуженной сёрмадей, МР-нь Госпремиянь лауреатось СССР-нь сёрмадеень вейсэндявксос совавтозь1968-це иестэ.
| Тяпаев, Анатолий Прохорович | |
|---|---|
 | |
| чачома чись | якшамковонь 25 чи 1928 |
| Чачома тарка | |
| Кулома чись | сундерьков 2021[1] (93 иеть) |
| Мастор | |
| Важодема ёрокчизе | валморозей, прозаик |
Эрямо ки
витнемсАнатолий Прохорович чачсь 1928-це иень якшамковонь 25 чистэ Пензень ёнксонь Спасск (Беднодемьяновск) ошсо. Эйкакшпингезэ ютась Кадошкинской райононь Алякс велесэ. Валоморонь сёрмадомо кармась школасо тонавтнемстэ. Армиясто велявтомадо мейле васня важодсь «Мокшень правда» газетань корреспондентэкс, мейле — «Мокша» журналонь ответсекретарекс ды редакторокс.
А.П. Тяпаев кемгавтово иеть ульнесь минек республикань Писателень союзонь председателень полавтыцякс.
Мордкизэсь нолдынзе поэтэнть «Тундань пизем» («Тундонь пиземе»), «Тядя» («Ава»), «Алят» («Цёрат»), «Эрек ведь» («Ваньке ведь») ды поэтической лия сборникензэ. Сехте вадря валморонзэ ютавтозельть рузонь келье, лиснесть Московсояк, Петербургсояк:
«Наш современник»,
«Дружба народов»,
«Нева» журналтнэсэ.
«Современник» издательствась нолдызе «Рисунки на бересте» стихень башка книганзо.
Анатолий Прохорович сёрмадсь ламо ёвтнемат, аволь вейке повесть. Вишка ловнмцятненень пек вечкевить истят книганзо, кода «Яку атянь эшиняц» («Яков атянь лисьмазо»), «Захарнянь приключениянза» («Захаркань приключениянзо»), «Сосетт» («Шабрат»).
Теде башка, писателесь сёрмадсь юмористической ламо ёвтнемат, конат совесть «Мекольдень атям» («Меельце пурьгине»), «Миртьрьват» («Мирдтьнить»), «Седть лангса тол» («Сэдь лангсо тол») книгазонзо.
Мордовской АССР-нь заслуженной сёрмадей 1986-це иестэ.
СССР-нь сёрмадеень вейсэндявксос совавтозь 1968-це иестэ.