Тюркань валтнэстэ эрзянь ды мокшонь фамилиятнень теевемаст

Эрзянь ды мокшонь валташтавкстнэсэ вастневить тюркизмат. Улить сынь фамилиянь юртнэсэяк. Тюркань валтнэстэ теевезь фамилиятне келейгавтыть эрзянь ды мокшонь ономастиканть. Кой-конатне эйстэст невтезь ало. Паряк, улить неть фамилиятнень коряс лия арсематкак.

1. Абайкин < тат. абый "леля" (старший брат)
2. Агаев < тат., баш. агай "брат"
3. Агейкин < тат. агу "ормасавт" (зелье, отрава)
4. Адмайкин < тат. алəм, баш. əзəм "ломань"
5. Адушкин < тат. адаш "ялга"
6. Азапкин < тат. азап "майсемат"
7. Азыркин < тат. азыр "азор" (хозяин)
8. Акашкин < баш. акош "локсей"
9. Алдушкин < тат. алдау "манчемс"
10. Алтынов < тат. алтын "сырне"
11. Арсланов < тат. арслан, чув. араслан "лев"
12. Асанов < тюрк. аҫӓn "шумбра"
13. Астайкин < чув. аста, тат. оста "вадря, мазый, паронь теиця"
14. Атясов < тат. əтас "атякш"
15. Бабушкин < тат. бабай "атя; инже"
16. Бажутов < тат. бажə "свояк"
17. Базарин < тат. базар "базар"
18. Байгушкин < баш. байгыш "покш пря корш" (филин)
19. Байков < тат. бай "сюпав ломань"
20. Байтяков < тат. байт əк, чув. пайтəк "мезеяк ламо"
21. Бакайкин < тат. бака "жаба"
22. Бакутов < баш. бакə, тат. паке "пеель"
23. Балкаев < тат. бала "кажо"
24. Балтайкин < тат. балта "узере"
25. Балыков < тат. балык "кал"
26. Баляйкин < тат. балə "кажо"
27. Баргов < тат. баргы "труба; горна"
28. Барцайкин < тат. барс "тигра"
29. Басынкин < тат. басу "пакся"
30. Басынкин < тат. басынкы "сэтьмечи"
31. Башков < тат. башка валмельгакс: башка "кроме"
32. Берянев < тат. бирəнь "сэредиця ломань"
33. Беськаев < баш. быскы "пила"
34. Бибин < тат. биби "азорава"
35. Бичурин < тат. бичура "кудатя" (домовой)
36. Боляев < тат. болан "сёкань" (олень)
37. Бондяков < тат. бендə "мезеньгак асатома"
38. Борейкин < тат., баш. буре "верьгиз"
39. Борчин < тат. борчак "кснав"
40. Бояркин < кезэрень тюрк. baj-ar "чиряз" (боярин)
41. Бурлаков < тат. бурлы "тюжа" (бурый)
42. Бурлаков < тат. бурлы "чалой" (алашань сыме/плема)
43. Галунин < тат. гаун "ломанень рунго"
44. Данчин < тат. дан "слава"
45. Дёгтев < тат., баш. дегет "кикшой" (дёготь)
46. Догушкин < тат. дага "подков"
47. Дораев < тат. дару, баш. дарыу "ормаменькс"
48. Доронин < тат. дару, баш. дарыу "ормаменькс"
49. Дулкин < тат. дулкын, баш. тулкын "толкун" (волна)
50. Жиганов < тат. жиган "модамастор" (мир)
51. Иркаев < тат. иркəв "васькавтыця" (нежный)
52. Ишуткин < тат. иш "ялга" + -ут - антропонимический суффикс
53. Кабаев < тат. каба "штердемапель"
54. Кадакин < тат., баш. кадак "эске"
55. Какурин < тат. какуру "козомс"
56. Камаев < тат. кома "ведьпача" (выдра)
57. Камаев < тат., баш. комай "чова кал"
58. Каргин < тат. карга "корш"
59. Катаров < тат. катəр "пелема"
60. Катаров < тюрк. katįr "мула"
61. Конаков < тат. кунак "инже"
62. Корсак < тат. корсак "ривезь"
63. Корчеганов < тат. карчига "карциган" (ястреб)
64. Коянкин < чув. куян "нумоло"
65. Кукин < тат. кук "сэнь"
66. Кульнин < тат. куль "эрьке"
67. Кумакшев < баш. кумак "ламо"
68. Куркин < тат. курка "индейка"
69. Лагункин < тат. лагун "чувтосто теезь симема кедьге"
70. Малкин < тат. мал "сюпавчи"
71. Моторин < тат. матур "мазый"
72. Начаркин < тат. начар "берянь ломань"
73. Нурдыгин < тат. нурдуган "роштовань налксемат"
74. Парчайкин < чув. пурçан "парсей"
75. Пигачев < тат. бек~бик "сюпав ломань"
76. Сабаев < тат. сабый "паро аля" (молодец)
77. Сайгин < тат. сайгəк "кувака олога"
78. Сакалкин < тат., баш. сакал "сакалот"
79. Салмов < тат. салма "салмат" (клёцки)
80. Саранцев < тат., чув. сарана "лилия"
81. Сусарев < баш. сусар "чинеме" (куница)
82. Тазин < тат. таза "шумбрачи"
83. Талабаев < тат. талау, баш. талау, чув. тула "грабамс" + бай "сюпав; кулак"
84. Талышкин < тат. талау "грабамс"
85. Ташкин < тат. таш "кев"
86. Тёбин < тюрк. тöбö "тёкш" (макушка)
87. Торгаев < тат. тургай "норовжорч"
88. Туркин < тат., баш. тур "эземпря" (почётное место в избе)
89. Турманкин < тат. дəрман, чув. тарман "дарман/вий"
90. Тюргашкин < крым. тат. тöг~дöг "риштемс/чавомс"
91. Чебайкин < тат. чебу "цяпамс"
92. Челмискин < тат. чулмəк "чакш"
93. Четыркин < тат. четырлу "цят якшамо"
94. Чигирин < тат. чыгыр "чары"
95. Чугуров < тат. чагыр, чув. чакâр, кезэрень тюрк. čagir "кулов ашо"
96. Чуприков < тат. чупр "сёрмав"
97. Юртаев < тат., баш. йорт "юрт"
98. Ямашкин < тат. ям "чачо" (внешность) + аш - антропонимический суффикс
99. Яткин < тат. ят "лия ломань"
100. Яшкин < тюрк. jaš "иеть"

Сёрм.

Дмитрий ЦЫГАНКИН, филологиянь наукань доктор, профессор

1. Саезь: "СЯТКО", №8 (718), 2017