Трушкина, Надежда Павловна

К:Википедия:Статьи без изображений (тип: не указан)

Трушкина, Надежда Павловна

Трушкина Надежда Павловна

Эрямо кизэ витнемс

Чачсь 1960-це иень ацамковонь 11-це чистэ Мордовия республикань Краснослободск буень Куликова велесэ крестьянонь семиясо. 1978-це иестэ, средней школань прядомадо мейле, снартнесь поладомс тонавтнеманзо филологиянь факультетсэ, но экзаменсэ эзь пурна сатышка баллт. Вейке ие важодсь Саран ошонь кабелень нолдыця заводсо. 1979-це иестэ цидярдынзе экзаментнэнь М. Е. Евсевьев лемсэ МГПИ-с. Кармась тонавтнеме педагогикань ды начальной обучениянь факультетсэ. 1983-це иестэ саезь важоди Краснослободскоень ламо профилень лицейсэ ушодыця классонь тонавтыцякс. Тевензэ топавты седейшкава, а стяко вечкить эйсэнзэ тонавтницятне.

Шкинемазо витнемс

Трушкина Надежда ламо иень перть ловови «Красная Слобода» районной газетань аволь штатной корреспондентэкс. Ошонь, райононь культурной эрямодонть стихотворениянзо свал печатавить эйсэнзэ. Надежда Павловнань сценариензэ коряс районсонть ютнить малав весе покш читне. Н. П. Трушкинань стихотворениянзо лиснесть «Молодой ленинец», «Знамя труда», «Красная Слобода», «Сударыня», «Энергия столицы» газетатнесэ, «Странник», «Чилисема», «Литературная Мордовия» журналтнэсэ, зярыя альманахсо.

2015-це иестэ ютась Трушкина Надеждань «Счастье дадено каждому» стихотворениянь васенце пусмонь презентациязо. Мейле вейке омбоце мельга лиссть «Душевный разговор», «Всё сбудется» покшонь ды «Подарок солнца», «Брызги радости» вишкинетнень туртов стихень пусмонзо. Поэтессась сёрмады тиринь ёнксто, пертьпельксэнь мазычиде, вечкемадо, эрямодонть. Сынст эйсэ ламо парочи, бажамот, вандынь чис кемема.

Н. П. Трушкинань покш путовксозо «Слобода» райононь од литераторонь вейсэндявксонть теемасо. Сон лезды ёроков эйкакштнэнень тееме кеме эскелькст сёрмадомань ашожда тевсэнть, произведенияст печатамосо.

Трушкина Надежда ламо важоди мокшонь ды эрзянь кельстэ рузонсес стихотворениянь ютавтомасо. Поэзиянь вечкицятнень содавтынзе Александр Доронин, Александр Пудин Мордовия Республикань народной писательтнень, Николай Ишуткин МР-нь заслуженной поэтэнть, истя жо Иван Чигодайкинэнь, Надежда Живайкинань, Василий Кригинэнь, Юрий Азрапкинэнь, Николай Циликинэнь произведенияст марто.

Трушкина Надеждань стихензэ лангс Вячеслав Кисляков композиторось сёрмадсь сядодо ламо морот. Сынь совасть «Пусть всегда будет солнце» моронь пусмонтень. Трушкина Надежа 2016-це иестэ саезель Россиянь писателень союзс.

Литературась витнемс

Лисьмапрят витнемс

https://search.rsl.ru/ru/record/01008000065 https://litob-sloboda.jimdofree.com/%D1%81%D1%82%D1%80%D0%B0%D0%BD%D0%B8%D1%86%D1%8B-%D0%B0%D0%B2%D1%82%D0%BE%D1%80%D0%BE%D0%B2/%D1%82%D1%80%D1%83%D1%88%D0%BA%D0%B8%D0%BD%D0%B0-%D0%BD-%D0%BF/