Сода́моёвксось — валсо ёвтазь раськень творчествань истямо вид, конаньсэ предметэньтень али неявомоньте максовить аволь видестэ ёвтазь ёнкс, конатнень коряс эряви содамс предметэнть. Валось теевсь кавто валсто: содамо ды ёвкс валтнестэ.


Содамоёвксось сеетьстэ невтьсы, мезень кувалт молить вейкест-вейкест ёнов кавто неявтоматьне али предметнэ.

Содамоёвксонь явомаст витнемс

Кудоютконь кедьёнксонь витнемс

Содамоёвстнэ явовить группава темань коряс, эйстэст алтазь важодема кедьёнкстнэне, конатнесэ теевить кудоютконь тевне:

  • Прязо кшнинь — рунгозо чувтонь. (Чавома.)
  • Пеензэ улить — кургозо арась. (Пила.)
  • Вирев молян — кудов ваны, кудов молян — вирев ваны. (Узере.)
  • Вирьсэ чачсь, вирьсэ кассь, мекев вирев а совави. (Чувтонь изамот.)

Предметэнь ёнксозо витнемс

Содамоёвкстэсэ лиясто лецтяви али тешкстави се предметэнть ёнксозо али обуцязо, кона эряви содамс.
Невтевкс:Минсь а ярснетяно, а ломанть андтнетяно. (Пенч.)

Сравнениясо витнемс

Лиясто содамоёвстнэсэ вастневить сравненият, конатнесэ предметэнь ёнксне а молить вейке-вейке ёнов, а бути арсемс — чарькодеви, кой-кона еёнкснень обуцяст прок вейкеть:

  • Арасть пильгензэ — сонсь яки, арась кургозо — сонсь вешки. (Варма.)
  • Атясь модасо — скалонзо ушосот. (Кшумань.)
  • Кавонест братиник карда-каршо ваныть, зярдояк вейс а васодить. (Лей чире.)
  • Тейтересь мольсь ведень кандомо — прась сиянь сурксозо; ков неизеть — кадызе, чи неизе — саизе.(Роса.)

Контрастонь приёмсо витнемс

Содамоёвкстнэсэ истя жо вастневи контрастонь приёмось.

Раськень превейчисэ витнемс

Содамоёвкснэсэ ули раськень превейчи, пшти превть, ломантнень ёжовчинть невтема.

  • Ашо руця лангсонзо — ниленьгемень панксонзо.
    Содатано, те содамоёвкссонть кортамось моли капста прядо, максозь сонзэ зярыя ёнксонзо. Васняяк ёвтазь сонзэ ашо руцядонть, кона стазь авль вейке панкссто. Сынст эйстэ ламо. Минь чарькодтяно, панкстнэ — капста лопат.


    Содамоёвкстнэ, кода раськень ёвкстнэ, появасть кезэрень шкасто Сынст складинзе раськесь ды пачтясь эйсэст пингеде-пингес.

Сёрм. витнемс

  • Родной литература. Учебник хрестоматия. Эрзянь школань нилеце класснэнь, Морд. кн. изд., 1985.