Седойкин, Михаил Григорьевич
Храброй Миша (руз. Седойкин Михаил Григорьевич) — морыця, седиця. Морсесь эрзякскак.
| Михаил Седойкин | |
|---|---|
| чачома лем | Михаил Григорьевич Седойкин |
| чачома чись | сундерьковонь 4 чи 1960 (63 иеть) |
| Кулома чись | панжиковонь 4 чи 2022 (61 ие) |
| Важодема ёрокчизе | морыця, седиця |
| Тетязо | Григорий Николаевич |
| Авазо | Мария Алексеевна |
Чачсь 1960 иень сундерьковонь 4 чистэ. Тумобуень Мордовиянь Кенде велесэ.
1976 иестэ мольсь тонавтнеме Саранскоень седямонь тонавтнемав дирижерско-хоровой отделенияc. Морамо тевентень (вокалонтень) тонавтнесь РСФСР-нь Заслуженной артистэнть Дмитрий Иванович Еремеевень пельде, кона се шкане важодсь Саранскоень музыкальной театранть прявтокс. Тонавтнеманть прядомадо мейле, 1980 иестэ, Михаилэнь саизь армияв. Понгсь сон Васоло Чилисемав, Комсомольск-Амур-лангсо ошсо служась полковой оркестрасо, седясь валторнсо.
-
Храброй Мишань чачома кудозо (неень шкане чаво) -
Еремеев Д.И. -морыцясь, морамо тонавтыця
_house_of_Sedoykin_Mikhail.jpg)
2004 иестэ лиссь «Филантроп» раськеютконь премиянь лауреатокс. Морась Россиянь Вишкине театрасо, Женевасо, Лозаннасо, кавксть тердтнизь Китаев. Сеедьстэ морсесь эрямо ошонь кенярксчитнесэ.
Сонсь Михаил Седойкин седясь гармошкасо, баянсо. Вечксь морсеме раськень морот ды эрзякс ютавтозь рузонь моротгак. Истя жо морась Магомаевень, Кобзононь, Захаровонь репертуарсто. Интернетсэ совась «Эрзянь вал» пурнавксонтень, косо ламот пшкадсть тензэ морамс мезеяк тиринь, эрзянь. Покш Игнадбуень тонавтыцясь Римма Жегалина кучсь тензэ рузонь содавикс моротнень эрзянь кельс ютавтовкст. Эрзянь аванть энялдоманзо коряс терявтсь морамс сынст. Пек парсте тензэ удалась! Вана мезэ сон кортась тень коряс:
Эрян Комсомольск-на-Амуре ошсо 30 иеть. Эрзякс кортамс тунь а кинь марто. Келенть малав стувтыя. Интернетэнь коряс весе сермадыть тень эрзякс. Содат, васня стакаль тень, а чарькодилинь весе валтнэнь. Аламонь-аламонь, ней тонадовсь, бажан максомс каршо валт эрзякс. Сюконян Римма Дмитриевнанень, сонзэ арась музыкань образованиязо, ялатеке, эрьва валонть ладясы мелодиянтень ды морави шождасто. Пароль бу морамс мезеяк неень композитортнэнь, ули истямо мелем.
Кулось 2022 иень панжиковонь 4 чистэ Комсомольск-Амур-лангсо ошсо, седеесь лоткась (инфоркт).