Самтавро монастыресь
Самтавро монастыресь — те Самтавро-Преображениянь церкувань ды Святой Нинань тейтерень монастырень вейсэндявкс. Ашти Мтквари ды Арагви лейтнень вейс прамо таркасо (Мцхета ош, Грузия мастор). Монастырь мельга ваныцякс ашти весе Грузиянь католикос-патриархось. Мцхетань ды Тбилисинь архиепископось.
| Самтавро монастыресь | ||
| груз. სამთავროს მონასტერი | ||
| Ушетфоль | IV пинге | |
|---|---|---|
 | ||
| Основатель | Мириан III[d] | |
| Мастор | ||
| Административно-территориальная единица | Мцхета | |
| Статус наследия | Культурные памятники национального значения Грузии[d] | |
|
| ||
 Самтавро монастыресь | ||
Ловови, што васенце церкувась те таркасо ульнесь вачказь IV пингестэ. Путыцязо ульнесь Мириан III инязорось. Кода корты Вахушти Багратиони «Мириан путовтсь церкува кевень крыша марто ды сонсь ульнесь тозонь калмазь». Истя церкувась кармась калмамо таркакс: «ды ульнесь калмазь Мириан куншка столбадонть лембеёнов, ниле иень ютазь кулось Нана инязоравась, ды калмазель чивалгомаёнов секе жо столбадонть». Ломанть кайсесть церкувантень ламо ярмакт, секс те церкувась лововсь вейкекс сехте сюпавтнэнь ютксо.
Церкувась ламонь кирда ульнесь калавтозь ды вачказель одс. XI пингень васенце пелькссэ Георгий I инязоронь шкане, Мелхиседек I каталикос-патриархонь кармавтомань коряс церкувась ульнесь покшолгавтозь, вачказельть лембеёндо ортат ды мазылгавтызь орнаментсэ. Те орнаментэнь лувось теде башка а вастневи косояк Грузиясо. Пештизь церкуванть потмонзо.
Неень шкас ванстовтсть Самтавро-Преображениянь церкувась, Святой Нинань вишка церкувась, XV—XVII пингень баягасо чавома кудось, XVIII пингень цилиндрань кондямо башня, XV пингень пазавань кирдий (иконостас) ды XVII пингень стенава артовкст. Лембеёнксонь ортасо Михаил-архангелэнь церкува, Пелевеёнкссо – кавто церкуват. Чивалгомаёнкссо – Святой Златоуст Иоаннонь церкува. Тосо жо аштить Святой Мирианонь ды Нанань церкува; Святой Крёстыця Иоаннонь церкувась.
Самтаврасо ванстовить ламо святой пазават: Иверэнь Пазонь Авань, Святой Нинань, конанть Георгий XII казизе эсь нуцькатнень туртов 1870 иестэ; Некресэнь Абибосонь, Мгвимень Шионь ды Самтаврань Гавриилэнь мощат, эрьва кодамо святой кевень пелькст.