Рица

Ри́ца (Покш Рица; абх. Риҵа) — пандонь эрьке эйень-тектоникань чачома марто Чивалгома Кавказсо, Абхазиянь Гудаутонь буесэ.

Рица абх. Риҵа, груз.
43°28′53″ с. ш. 40°32′29″ в. д.
Мастор	ЛопаПарцун:Масторкоцт/Абхазия-Грузия
Буе	Гудаутонь буе
Рица Википурнавкссо

Географиясь

Ашти 950 м сэрьсэ иневедень чаво тешксэнь видс Бзыбь леень чудемасо, Лашипсе ды Юпшары лейтнень домкань вирень кевлаткова, чилисёмав Гагронь кевкарязсто. Пандтне, эрькенть перькава 2200—3200 метрань сэрьсэ. Покшолмаст — 1,27 вп², кувалмось — 2,5 вп, келэсь — 270 метрсто саезь 870 метрас. Куншка домкась малав 63 м, сэх ламось — 131 м (кой-косо сёрмадыть 114 м видс). Ярсамозо пиземень ды ловонь. Ведень куншкань температурась эрькенть лангсо 10°C (аштемковонь прядомсто ожоковонть видс), сэх покшось — 17,6 °C (умарьков), телень шкасто (даволковсто) куншкань температурась +3,8 °C.

Рица эрькесь кельми ансяк кежей телестэ. Сэстэ сонзэ веси вельтявксось пештяви 1-5 см сэрьсэ эйсэ. Зярдо ловов телесь, Рица буенть перькава ловось пурнави 7-11 м, свал 2-3 м.

Веденть тюсось лиякстоми иенть перть. Тунда ды кизна ведесь пиже—ожов, сёксня ды тельня — кельме сэнь-ашназа-сэнь.

СССР-нь почтань марка:
Кавказ. Рица эрькесь.

Рица эрькестенть лиси Лашипсе (Лашпсы) лейстэнть — Юпшара лейесь, кона Бзыбь леенть сянглей. Эрькесь теевсь малав 250 иеде икеле, зярдо Пшегишхва пандонь пельксэсь каладовсь Лашипсе леенть лангс ды теевсь сёлт.

Эрькесэнть вастневить форель, истя жо кастыть сиг, ды ёзь.

Авасоло ульи Вишка Рица эрьке, 0,2 вп² покшолмасо.

Топографиянь картат

• Лист карты K-37-V (Масштабось: 1 : 200 000. 1968 и.)

Оймсэма таркат

Пек мазы эрькенть теизэть сонзэ Абхазиянь прявт туристэнь оймсэма таркакс. Эрькесэнть ашти Сталинэнь дача ды сонзэ вакссо Брежневэнь дачась. Эрькесь шабрацек ашти Рицинэнь кородома таркась.

Раужо Иневедьстэнть чирестэ эрькентень вети автоки, кона юты Бзыбь, Юпшара ды Гега лейтнень лашмотнева, жы кона туи седэ верев Ауадхара оймсэма таркав.

Фотокувт

• 
  Рица эрькесь лембе-чивалгомасто
• 
  Рица эрьке
• 
  Оймсицятнэ яртнить катамарансо Рица эрькесэ
• 
  Рица
• 
  Рица
• 
  Рица
• 
  Кафесэ эрькенть лангсо
• 
  Рица эрьке, 2013

Невтевкст

• Озеро Рица — Официальный туристический сайт Абхазии