Ранобэ
Ранобэ (яп. ライトノベル Райто нобэру, сокр. ラノベ [ранобэ] или ライノベ [райнобэ]) — те популярной япононь литературань эрьвакодамо жанрань сёрмадовкст, вечкема ланга сёрмадовкстнэстэ саезь тонань арситамашань ды тандавтомань сёрмадовкстнэнь видьс. Содавома тешксэкс ашти кодамо-бути фантазия-ёвтнема, тевс нолдазь ламо кортамот, аниме ды манга артовкст, алтазь кастозь эйкакштнэнь туртов эли од ломантненень[1][2].
Ранобэ терминэсь теезель англань кельстэ саезь валсто англ. light (шожда) ды novel (романось). Рузонь кельсэ "ранобэнь" таркас вастневить «лайт-новел(л)», «лайт-новелла» ды «шожда новелла» лемтне.
2021 иестэ якшамковсто лиссь "Омбо чисэ пикник" ранобэ сёрмадовксось, конась ашти Аркадий ды Борис Стругацкоень "Кичиресэ пикник" романонть лангс нежедезь.
Ранобэ кармась келейстэ содавиксэкс Япононь масторсо 1980 иетнестэ[3] саезь. Печатыцятне свал вешнить од ранобэ сёрмадыцят ды алтыть тенень эрьваиень пелькстамот. Изницятненень казить ярмакт ды теде башка печатасызь сёрмадовксонзо. Сехте покш пелькстамокс ашти — «Дэнгэки сёсэцу тайсё» — эрьва иестэ пелькстамос сыть 2 000 седе ламо пелькстыцят. Ранобэ чуросто весть ютавтови лия кельтнесь - арасть ловныцят лия масторга ды мангань коряс эряви ютавтомс седе ламо валкоцт.
Ловномапусмотне нолдавить зепс эцевицякс, "панжаткень" лопа марто 10,5×15 см[4], истяжо нолдавить пельксэнь-пельксэнь литературань ковставкссо - «Dragon Magazine», «The Sneaker», «Dengeki HP» «Comptiq» ды «Dengeki G's Magazine».
Сёрмадовкстнэ чуросто велявтовить манга эли анимэ сериалс. Истямо содавикс ранобэ — «Турицят-чавицят», Хадзимэ Кандзаки,
сонзэ коряс мейле артозель манга ды анимеяк теезель.
Камбразось
витнемсРанобэсь алтазь васняяк од ломантненень. Те кемексты кой-кона теевема лувт: ловномапусмотне улест зепс эцевикс, улест эйсэст эрьва кодамо тюсонь артовкст, конатне теезь манга ды аниме стильсэ, печатазь улест седе покш шрифтсэ (аволь кода газетань эли ковставксонь). Иероглифентень поладови "фиругана", конась эсензэ прявт смустте башка канды лия, аволь стандартной смусть). Истя To Aru Majutsu no Index ранобэсэ ламо валтнэнь смустест полавтозь ды "гайгемасткак" лия. Абзацсо аштить 1 - 2 валрисьметь, совавтозь ламо диалогт. Те весе лезды бойкасто ловномас.
Свалчинь ранобэнть камбразозо - те зярыя эрьва кодамо тюсонь артовкст икеле, мейле молить 200-700 лопат, конатнень ютксо тия-тува вастневить ашо-раужо артовкст. Бути ютавтомс рузонь кельс, ранобэнь вейке лопанть ютавтовкссо рузонь келень 1500 символт. Сонсь сёрмадовксоськак покш. Саемга, "Верьгиз авака ды танськавтыцят" ранобэнь рузонь кельс ютавтомсто[5] лиси 48 873 валт. Весе тень лангс ванозь, ранобэнть покшолманзо ды камбразонзо коряс - "романшка", кадык сёрмадозьгак эсензэ стильсэ.
Теде башка ловнодо тестэ
витнемс- Манга
- Альбер Робида — Франция Масторонь артыця, конась тейнесь не пусмотнень ёнов молиця артозь романт.
Поладовкст
витнемс- ↑ Scott J. Miller. Historical Dictionary of Modern Japanese Literature and Theater. — Scarecrow Press, 2009. — P. 61.
- ↑ Gregory Bergman, Josh Lambert. Geektionary: From Anime to Zettabyte, An A to Z Guide to All Things Geek. — Adams Media, 2011.
- ↑ Thompson J. The Complete Guide. — P. 498.
- ↑ Seven Seas Entertainment Launches New "Light Novel" Imprint(недоступная ссылка — история) (13 Таштамков 2006). Ваннозь 5 января 2008. Архивировано из первоисточника 14 Даволковонь 2012.
- ↑ Страница книги на сайте издателя
Невткеть
витнемс- LightNovel.org(англ.)
- Lightnovel Wiki(яп.)