Райхсбрюке
Райхсбрюке (нем. Reichsbrücke) те сех содавиксэв сэдь Венасо. Сон сюлми Мексикоплац (нем. Mexicoplatz) Леопольдштадтсо Донауштадт марто Дуная леенть лия чиресэ, куншкава юты Донауинзель трокс. Сэдесь ашти ошонь кушкасо Штефанплацто саезь. Эзьганга стыть котор автонь кинь, метронь васеньце тарадось ды ялго-велосипедэнь кинеть.
| Райхсбрюке | ||
| нем. Reichsbrücke | ||
| Ушетфоль | сундерьковонь 8 чи 1980[1] | |
|---|---|---|
 | ||
| Мастор | ||
| Административно-территориальная единица | Леопольдштадт[d], Донауштадт[d] ды Вена ош | |
| Местонахождение | ||
| Расстояние от устья реки | 1928,9 km | |
| Ашти лангсо/ало | Дунай[d], Новый Дунай[d] ды Донауинзель[d] | |
| Несёт на себе | Angerner Straße[d] ды U1[d] | |
| Длина |
| |
 | ||
|
| ||
 Райхсбрюке | ||
Историязо
витнемсВасенце седэсь нееньшкань Райхсбрюке сэдэнь таркасо ульнесь теезь-путозь 1872—1876 иетнестэ ды ульнесь лемдязь Рудольф кронпринцэнть (нем. Kronprinz-Rudolph-Brücke) лемсэ. Те ульнесь шкасто, зняро Дунаень чудемазо Венасо эзь ульне токшезь. Леенть трокс сэдесь мольс сталеньн фермасто, ведьме валозь луганарганть Дунаень омбочиревабтыль аркань секциява. 1919 иестэ, зярдо Австрия теевсь республикакс, сэдентень путсть Райхсбрюке лем.
Зярдо мольсь Ине депрессиясь 1930-це иетнестэ, ды зярдо эряволь максомс важодема ломантненень секе таркасонть арсезевсть путомо-стявтомо нюрьгавтозь сэдь. Инженерэнь тевтнень ветясть архитектортнэ Зигфрид Тайс (нем. Siegfried Theiß) ды Ганс Йакш (нем. Hans Jaksch), художественнойенть — Клеменс Хольцмайстер (нем. Clemens Holzmeister). Ташто седеть ульнесь айгезь чидемаванть алов 26 метра лангс (7 часонь седе куроксто), секс од сэдень путомась ютыль теске ды ардома-ютамонтень эзь меша. Од нюрьгавтозь сэдесь, кона ульнесь теезь 1934—1937 иестэ, эйсэнзэ ульнесь ниле келеть автонь кить, кавто трамвайень келеть ды ялго кинеть эрьва ёнов.
Омбоце мирэнь тортингэ шкастонть Райхсбрюке ульнесь ансяк вейке венань сэдекс Дунайенть трокс, ды кона ульнесь апак яжа. Советэнь вийтне, конат олякстыльть ошонть, валкгсть Имперской сэдьс ды эзизь максо вермахтонь вийтнень туртов янгамоно сэденть. Теде мейле седеть ульнесь лемдязь Красноармейскоекс (нем. Brücke der Roten Armee). 1948 ды 1952 иетнень юткова сонзэ одкстовтымизь.
Прамозо
витнемс
1976 иень умарьковонь 1 чистэ, шлямочистэ, зярдо кадовсь 5 част венть прядомнз, сэдэсь прась. Вейке ломань ульнесь маштозь. Ульнесь янгазь вейке канстуский ды аламодо синтрезь знярыя венчуский. Венчень якамось ульнесь нолдазь Донауканал; ды куроксто улнесь стявтозь-путозь кавто од сэдь ниле иенть шкань туртов автонь ды трамваень ардомантень.
Од сэденть проекттэнь ды стявтомань-путомантень ульнесь тльнесь ютавтозь омбомасторонь тендер, конань саизе «Иоганн Нестрой» проектэсь, кона ульнесь лемдязь XIX пингень австриянь драматургонь ды налксиень лемсэ. Стявтомозо-путомозо ушодовсь 1978 иестэ, од сэдесь ульнесь панжозь 1980 иень сундерьковонь 8 чистэ. Кавто иень ютазь, 1982 иень таштамковонь 3 чистэ ламо шкань тестэнь ютавтомсто (тевс саемстэ), Райхсбрюке ланга ушодсь якамо Венань метрополитенэнь васеньце тарадонь чугункатне.