Нурксе, Рагнар
Рагнар Нурксе (англ. Ragnar Nurkse; чачсь 1907 иестэ ожоковонь 5 чистэ, Кярусэ, неень шкане Рапламаа ёнкссо, Эстэнь Масторсо — кулось 1959 иестэ панжиковонь 6 чистэ, Женевадо аволь васоло) — ловови американь экономистэкс эстэнь юр марто, ульнесь покш содыцякс весень масторонь финансэнь ды экономикань касома тевтнесэ. Ульнесь профессорокс Колумбийской университетсэ. Деннис Нурксе сёрмадыцясь сонзэ церазо.
| Нурксе, Рагнар | |
|---|---|
| чачома чись | ожоковонь 5 чи 1907[1] |
| Чачома тарка | |
| Кулома чись | панжиковонь 6 чи 1959[2] (51 ие) |
| Кулома тарка | |
| Мастор | |
| Важодема ёрокчизе | экономистсь |
| Эйкакшонзо | Деннис Нурксе[d] |
.svg){kind=small}
Эрямозо
витнемсРагнар Нурксе чачсь Кярусэ, се шкане – Лифляндской губерниясь (Рузонь империясь) 1907 иестэ. Тетязо – эстон, васня важодсь вирень керицякс, мейле кармазевсь кудонь-мезень микшницякс. Авазо – эстонава, чачозель Швециясо.
1917 иес тонавтнесь рузонь тонавтнема таркасо, мейле раськесь тусь эрямо Таллиннэв, косо Рагнар кармась тонавтнеме пек содавикс немецень келень Кафедральной гимназиясо, конанть прядызе сехте вадрясто 1926 иестэ. Мейле кармась тонавтнеме Тартунь университетсэ, косо тонавтнесь видечинь содамо ды экономика 1926—1928 иетнестэ.
1928 иестэ раськесь тусь эрямо Канадав, а Рагнар кармась тонавтнеме Эдинбургонь университетсэ экономика ды прядызе сонзэ 1932 иестэ, прядомадо мейле изнясь Каргени стипендиянть ды кавто иеть ульнесь стажерокс Венань университетсэ.
1934—1945 иестэ важодсь финансань аналитикекс Лига Нацийсэ, косо ульнесь тевезэ сёрмадомс монетарной политикань коряс. Истяжо ульнесь вейке зярыя анокстыцятнеде «Весе мастор лангонь микшнема-рамсема тевтнеде», «Весе мастор лангонь экономикась» ды сёрмадсь «Великой Депрессиядо» Америкасо.
1945 иестэ кармась тонавтомо. Тертнизь лекциянь ловомо Колумбиянь университетс 1945-1946, 1946-1947 ульнесь важодицякс Принстон университетсэ, 1947 иестэ велявтсь Колумбиянь университетс, косо ульнесь ассоциированной профессорокс.
1949 иестэ кармась профессорокс Колумбиянь университетсэ, важодсь тосо куломанзо видс 1959 иестэ. Теде башка 1954–1955 тонавтсь Оксфордонь университетсэ, 1958–1959 иетнесэ тонавтнесь кепедемань-касомань экономика Женевань Университетсэ. Ловнось лекцият ламо масторга.
Апак учо кулось Европасо, тензэ ульнесть 52 иеть.
Лецнемазо
витнемс2007 иестэ лиссь почтань марка Нурксень 100 иень чачома чистэ лецтямонь кувалт.
Кудонь лангс, косо чачозель, путозель лецтямо лаз.
Раськезэ
витнемсНурксе урьвакстсь 1946 иестэ Нью-Джерсисэ. Низэ - Харриет Бергер. Кавто церанзо. Вейкесь - Деннис - валморонь сёрмадыця, литературань тонавтыця ды содавикс Американь эйкакшонь правань ванстыця - Деннис Нурксе.
Наукас путовксозо «Нурксень нужачинь кругось»
витнемсПокш мель явсь экономикань проблематнес, конатне ульнесть нужачисэ аштиця мастортнесэ.
Нурксе тейсь эсензэ «нужачинь круг» концепция, конанть коряс нужачисэ аштиця мастортнэ сынсь а лисевить те кругсто. Секс мекс тосо эрицятнень арась ярмакост путомс сынст производствас. Сон арсесь: бути арасть покш ярмакт – арасть ламо важодицят, бути важодицятнеде аламо – ломантнень ярмакосткак арасть. Сынь мезеяк а рамсевить, од важодема таркаткак а панжовить, сень кувалма арасть инвестицият.
Нурске нейсь вейке лисема тестэ – теемс истямо ситуация, косо бу улевель «покш дэладема»: ярмаконь таштамо ды инвестициянь теема. Тестэ лиссь «Покш дэладемань теория», Нурксе ды Пауль Розенштейн-Родан ульнесть те теориянь «тетякс».
Библиографиясь
витнемс- Nurkse R. The Schematic Representation of the Structure of Production, 1934
- Nurkse R. Conditions of International Monetary Equilibrium, 1945
- Nurkse R. Growth in Underdeveloped Countries: Some International Aspects of the Problem of Economic Development// American Economic Review, 1952, Vol 42, pp 571 – 582
- Nurkse R. Problems of Capital Formation in Underdeveloped Countries, Oxford: Basil Blackwell, 1953
- Nurkse R. Patterns of Trade and Development, 1959
- Nurkse R. Equilibrium and Growth in the World Economy, 1961
Литературась
витнемс- Ragnar Nurkse: Trade and Development // eds. Kattel R., Kregel J.A., Erik S. Reinert. London — New York: Anthem, 2009. ISBN 1-84331-787-7
- Kattel R., Kregel J.A., Reinert E.S. Ragnar Nurkse (1907—2007): Classical Development Economics and its Relevance for Today. London — New York: Anthem, 2009. ISBN 1-84331-786-9
- Kukk K.(Re)discovering Ragnar Nurkse. Kroon & Economy, No. 1, 2004.
Невтевкст
витнемс- Библиография Р. Нурксе
- Kattel, Rainer; Jan Kregel; Erik Reinert (2009). Ragnar Nurkse (1907–2007). Anthem Press. p. 37. ISBN 978-1-84331-786-9
Лисьмапрят
витнемс- ↑ Brozović D., Ladan T. Hrvatska enciklopedija (хорв.) — LZMK, 1999. — 9272 л.
- ↑ 2,0 2,1 Deutsche Nationalbibliothek Record #11878658X // Общий нормативный контроль (GND) (нем.) — 2012—2016.