Пиче

Пи́че (лат. Pínus) — те кстыень буестэ чувто, сардтонь семиястонть (Pinaceae). Неень шкасто улить 120 пичеть, конат касыть весе Пелевеёнксонь пельшарганть.

Пиче
Стяконь пиче.
Тонань лем
Домен:  Эукариотт Инязормастор:  Касыкст Отдел:  Пичесявкань Класс:  Пичесявкань (Pinopsida Burnett, 1835 ) Порядок:  Пиченькань Буе:  Пиченсетиень Кано:  Пиче
Омбомасторонь тонань лем
Pinus L., 1753
Номенклатурной типэсь
Pinus sylvestris — Стяконь пиче
Ареал
Систематикась Викилувтнесэ Артовкст Викиутомсо ITIS   18035 NCBI   3337 EOL   14031 GRIN   t:9418 IPNI   11681-1 FW   55062

Пичень видэнть, кона максы ярсавикс пешть лемдить кедрань пиче лементь ало. Ансяк эряви содамс Кедра (Cedrus) — те лия буень чувто теке жо семиястонть, а вана пичень видьмензэ аволь пешть ботаникань смустьсэ.

Пичень тарадонзо лангсо касыть чулят.

Касомазо

Летьке модасо пичесь касы пек бойкасто, сонзэ чувтозо валдо, слоензэ келейть ды эчкть, сон пек чевте. Оля таркасо эли вейкест-вейкест эйстэ таркасо касыця чувттнэнь иень слоест эрсить келейть, комолест пек эчкть, бойкасто сювовить верев ды сэрьс вельтязь эчке тарадсо. Истямо чувттнэ эрсить аволь пек нардеть ды сех сеедьстэ маштовить ансяк пенгекс. Тусто вирьсэ касыця чувттнэнь рунгост човине сэрей ды виде, теке марто пичень рунгось 1/2 эли 2/3 пельксэст овсе тарадтомот. Истямо чувтотне молить питней материалокс.

Пичень чувтонть пачк молить пек ламо налткеть, конат пешксеть пичеойсэ, сон вансты касовксонть эрьва кодамо наксадомадо.

Минек виртнева пек ламо пичетнеде, чувтост кеметь, нардеть ды курок а наксадыцят, секс минек масторсо пичетне пек молить строямо материалокс. Пичестэ анокстыть: шочкт, лаксезь ды пилязь лазт; сон моли эрьва кодамо постройкас; сэдень ацамкст; телефононь ды телеграфонь палманть ды лият мезть.

Содамоёвкст

• Весе бояртнэ кайсизь шубаст, ве боярось эзизе кая.
• Кизэнек-теленек од цёра.

Сёрм.:

• Н.П. Анучин. Кода керсемс хвойной чувтнэнь. Москов : Наркомтяжпромонь издательствась, 1934