Пильгеоскань коряс Американь Кубкань талисмант

Аме́рикань Ку́бка — пильгеоскань национальной сборноень туртов неень континентальной турниртнэстэ сехте умонсесь, кона «Южной Американь чемпионат» лементь ало ютавтневи 1916-це иестэ саезь, неень лементь жо тезэ максызь 1975-це иестэ. Ансяк персонажось-талисманось васенцеде появась 1987-це иестэ турнирсэнть, Аргентинасо. Те ульнесь Гарделито лемсэ мультяшной ломань — сон прок ледстявтсь Карлос Гардель содавикс морыцянть ды актёронть, кона кассь Буэнос-Айрессэ.

Се шкастонть саезь Американь эрьва Кубкасонть эрсиль эсь талисман — Пингень Американь Кубкадонть башка, кона ютась 2016-це иестэ США-со. Американь Кубкань талисманокс седе сеедьстэ кочкавкшнось ракша. Колмоксть — ломань. 2001-це иестэ Американь Кубкасонть талисманокс ульнесь Америко арсезь персонажось, кона яволявтозель кода инопланетян. Теде башка, весть турнирэнь талисманокс ульнесь касовкс, Чоклито лемсэ мультяшной кукуруза Эквадорсо 1993-це иестэ Американь Кубкасо.

Чемпионат	Талисман (ориг.)	Талисман (руз.)	Кодамо сон	Прим.
Аргентина 1987	Gardelito	Гарделито	Мультяшной персонаж, невти Карлоса Гарделень, кона кассь Буэнос-Айрессэ	^[1]
Бразилия 1989	Tico	Тико	Ашо меште тырдаз(Turdus rufiventris) Бразилиянь сборноень сэнь (резервной) панарсо
Чили 1991	Guaso	Гуасо	Пек стилизовазь алашасо стадаваный (уасо эли гуасо), артозь Чилинь флагонь тюссо. Талисманось эзь вечкеве сувенирэнь теицятненень дизайнанзо коряс.	^[2]
Эквадор 1993	Choclito	Чоклито	Эквадоронь раськекочтсонь тюссо Кукурузань пря.
Уругвай 1995	Torito	Торито	Уругваень сборноень формасо Букине. Те ледстявкс: велень хозяйствась ды ракшань кастомась Уругваень экономикасонть - сехте кеме ёнкстнэ.
Боливия 1997	Tatu	Тату	Боливиянь сборноень пиже формасо Броненосца.Чаранго боливиянь струнной музыкальной инструментэнь удалце декась коень коряс тейневи броненосцань панцирьстэ.
Парагвай 1999	Tagua	Тагуа	Чакской пекари (Catagonus wagneri) — Южной Американь куншканзо эндемичной вид, Гран-Чако региононь символ. Тагуа оршазь Парагваень флагонь тюссо формас ды кирди кедьсэ мате марто калебас, эйстэнзэ тарны бомбилья.
Колумбия 2001	Ameriko	Америко	Колумбиянь флагонь тюссо Инопланетян, кона артозь эйкакшонь анимэнь стилистикасо. Те талисманось истя жо эзь вечкеве, секс мекс аволь пек маштовсь маркетингень тевтнесэ. Сон арасель мик турнирэнь панжома илань ютавтомсто.
Перу 2004	Chasqui	Часки	Часкитне — те Инкань империянь шкатнестэ профессиональной курьерт-чийницят, конатнень тевезэст путсть покш мель. Перусо сынь невтсть эрязачи ды нардевчи. Талисманось оршазь Перунь сборноень диагональга якстере кикс марто ашо формас.
Венесуэла 2007	Guaky	Гуаки	Якстере ара (Ara macao) —Венесуэлань символтнэстэ вейкесь, совавтозь Якстере книгас. Попугаесь оршазь Венесуэлань сборноень гранатовой формас. Гуакинь сёлмо алксонзо ды пулозо артозь кавксо теште марто Венесуэлань флагонь тюссо.
Аргентина 2011	Tangolero	Танголеро	Обыкновенной нанду (Rhea americana) — покш нармунь, эри Южной Америкасо. Кода страустнэяк, нанду а ливтни, тень таркас чийни часозонзо мик 60 км. Талисманонь лемесь теезь испанонь кавто валонь вейсэндязь — tango (танго) ды golero (вратарь).	^[3]
Чили 2015	Zincha	Синча	Андань авака ривезь (Lycalopex culpaeus), эри-вастневи Эквадорсто саезь Толонь Мода видьс. Синча ривезьлевксэнь лементь кочкизь "сэредицятне" вайгелень каямост коряс, ды теезь сон zorro (лиса) ды hincha (болельщик) валонь вейсэндязь. Талисманось теезь оригами стилистикасо.	^[4]
Бразилия 2019	Zizito	Зизито	Капибара (водосвинка) (Hydrochoerus hydrochaeris) вастневи Бразилиясо ды сонзэ шабра мастортнэсэ. Талисманонть невтизе 2019-це иень чадыковонь 5-це чистэ бразилиянь Globo телекомпаниясь. Таргонь ютазь, чадыковонь 12-це чистэ, сэредицятне кочкасть тензэ лем. Зизито — те Зизиньо бразилиянь нападающеентень сюконямо, сон Норберто Мендес аргентинэнть марто (17 гол марто) ловови сехте паро бомбардирэкс турнирэнть пингензэ перть. Зизито кандтни 2019-це иень Американь Кубкань тешкс марто ашо панар.	^[5]^[6]^[7]
Бразилия 2021	Pibe	Пибе	Пибе кискась талисманокс невтезель 2019-це иень ацамковонь 1-це чистэ, 2020-це иень Американь Кубкань жеребейденть кавто чиде икеле (мейле сон COVID-19 пандемиянть кис кандозь 2021-це иес). Пибе — Карлос Вальдеррамань, Колумбиянь историясо сехте вадря футболисттнэстэ вейкенть, велелемезэ. Теке марто те диалектизма, конаньсэ континентэнть лембе ёнкссо (Аргентинасояк) лемдить эйкакштнэнь.	^[8]