Пета-латасо

Пета-латасо — эрзянь пакшатнень телень ды кизэнь чыйнема-чарамо налксема. Налксить 8 — 12 иесэ тейтернеть. Налксемась лемдезь ловном􏰀канть лемсэ.

Налксемань кой􏰀кирдатне

Налксема паксясонть теить колмо кикст — колмо конт: кавтотне паксянь пева 20 — 25 м туро вейкест􏰀вейкест эй􏰀стэ, колмоцесь — куншкасо. Паксянть чирензэ тешкстасызь тарадкесэ эли кав􏰀то ёнга теевить кикст. Налксема пак􏰀сянть ваксс тееви кирькс—те нарму􏰀нень пекстамка кардо. Налксеманть ушодоманзо икеле ло􏰀вомкасо кочкавить кавто ракшань 􏰀нар􏰀мунень ванстыцят — егерть, конат ваныть кой􏰀кирдатнень коламост мельга.

Ловомкась:

Пета􏰀лата, Иглас􏰀мигл
ас, Котки􏰀колодки
С места, с травы, Лебедь, здёп!

Теде мейле налксицятне явовить кавто командава — локсейть ды нармунень кунд􏰀сицят. Кундсицятне кармить локсейтнень кундсеме эсь килькшкезэст, а егерт􏰀не — ваномо сень мельга, кода оцинямось молевель ладсонзо, апак манче ды седе чевтестэ.

Локсейтнень ливтямсто эрьва кундси􏰀цянтень мереви кундамс ансяк вейке нармунь. Кундсицянть ули пикс пестэ теезь кирьксэзэ, конасонть сон тертясы локсеенть келемтезь сёлмонзо—ёртсы кедензэ лангс.

Налксемась ушодови истя: Кундсицятне стить куншкасо кик􏰀сэнть лангс. Пелест ваныть васенце кононть, пелест — омбоце кононть пелев. Локсейтнень кундсемстэ кундсицятне􏰀 нень мереви теемс киксэнть эйстэ икелев эли удалов ансяк вейке эскелькс. Тень мельга пек пштистэ ваныть егертне.

Локсеень командась явови кавтов. Ва􏰀сенце пельксэсь «ливтямонзо» ушодсы васенце констонть, омбоцесь — омбоце􏰀стэнть. Егертне арыть пакся чиретнес кунш􏰀касо киксэнть кавто пева — тестэ седе паро редямс кундсицятнень ильведьк􏰀сэст. Налксемась ушодови карадо􏰀каршо сееремасто. Кундсицятне пек марявиксстэ, прок ков-􏰀бути васов, серьгедить локсейтненень, локсейтне истя жо покш вай􏰀гельсэ каить вал сынст каршо.

Кундсицятне. Пета!
Локсейтне. Лата!
Кундсицятне. Иглас!
Локсейтне. Миглас!
Кундсицятне. Котки!
Л о к с е й т н е. Колодки!
Кундсицятне. С места!
Локсейтне. Травы!
Кундсицятне. Лебедь!
Локсейтне. Здёп!

«Здёп!» валонь серьгедезь локсейтне, сёлмонь (кедень) келемтезь, эйсэст аволязь, ливтить карадо􏰀каршо кундсицятнень пачка. Кундсицятне терявтыть ёртомс эсь килькшест сынст сёлмост лангс, ускомс эсь малазост. Ансяк лок􏰀сейтне а пек максыть пря кундсицятне􏰀нень: аволить келемтезь сёлмосост, ве􏰀лявтнить рунгост витев􏰀кершев.

Кундазь локсейтнень килькш вельде ветясызь ве ёно теезь кардонтень ды озавтсызь масторов кононть прядовомс.

Кадовозь локсейтне таго ливтить эсь тарказост. Ливтямодо икеле рангстыть: Локсейтне. Пета!
Кундсицятне. Лата!

Зярдо ливтить колмоцеде, поладсызь меельце валтнэнь: «Иглас􏰀миглас» ды истя седе тов.

Вана локсейтнень весе кундсизь. Ка􏰀довсь ансяк вейке. Те кадозенть сельмензэ сюлмасызь пацясо ды мерить тензэ лив􏰀тямс паксянть омбо пев. Локсеесь келемть􏰀сынзе сёльмонзо ды гигакстнезь сырги кундсицятнень ёнов. Те шканть кундсицят􏰀не арыть куншкасо киксэнть келес, вей􏰀 кест􏰀вейкест эйстэ эскельксэнь туро. Бути локсеесь ютковаст ютамсто киньгак а кун􏰀 ды, сестэ сон ули чумондозь: сыця кон􏰀 стонть налксеме тензэ а мерить, карми учомо эсь шканзо «нармунень кардазсонть». Бути киньгак кунды, сестэ кунда􏰀 зесь ды сонсь локсеесь сыця констонть улить ракшань􏰀нармунень ванстыцякс. Бути ведрук кунды кавто кундсицят, сестэ ванстыцякс улить неть кавтотне, а локсеесь эсензэ ялганзо марто — кундсицякс. Ике􏰀 лень ванстыцятне совить локсеень ды кун􏰀 дсицянть командатнес.

Налксемань колыцятнень егертне ливтьсызь паксястонть ды пекстасызь «нармунень кардонтень». Од кононь ушо􏰀 домсто сынь таго совить эсь командатнес.

Сёрм.:

Брыжинский Василий Сергеевич 2002: Сиянь рисьминеть. Мордовской книжной издательствась. Лл. 38-40.