Петайкин Александр Иванович

К:Википедия:Статьи без изображений (тип: не указан)

Петайкин Александр Иванович, поэт, прозаик.

Чачсь неень Мордовия Республикань Ицял буень Крутая Гора велесэ 1936-це иень таштамковонь 8-це чистэ. Россиянь сёрмадеень вейсэндявксос совиця (1992). Прядсь М.Горькой лемсэ литинститут (1973). 1954 – 61-це иетнестэ важодсь «По заветам Ленина» колхозсо, 1961 – 63-це иетнестэ – Ицял буень «Путь Ильича газетань» корреспондент; 1963 – 65-це иетнестэ – «Знамя» газетань лит.роботник; 1965 – 67-це иетнестэ – Покш Игнат буень «Восход» газетань отделэнь прявт; 1967 – 75-це иетнестэ – «Эрзянь правда» республиканской газетань корреспондент, 1975 – 79-це иетнестэ Рузаевка буень «Заря коммунизма» газетань отделэнь прявт; 1979 – 84-це иетнестэ – «Сятко» журналонь лит.сотрудник; 1984 – 87-це иетнестэ – Лямбирь буень «Призыв» газетань отделэнь прявт, 1987 – 89-це иетнестэ – «Светотехника» ПО-нь «Огни коммунизма»; 1989 – 91-це иетнестэ – «Пионерэнь вайгель» журналонь старшей редактор; 1991 – 92-це иетнестэ – Сёрмадеень вейсэндявксонь лит.консультант, Мордовской государственной национальной театрасо литературной пельксэнь прявт; 1992 – 94-це иетнестэ – «Сельский строитель» (Саран ош) газетань корреспондент; 1994-це иестэ саезь – Кочкур буень «Заря» газетань отделэнь прявт. Печатавкшнось 1958-це иестэ саезь. Васенце книгазо – «Кизэнь казне» повестесь – лиссь Сарансо 1978-це иестэ. Сон «Василёк» (1981) повестень автор, «Лёмзёрксонь цецят» (1981) пьесань автор, «Чудикерьксэнь чипай» (1990) ёвтнемань пусмонь автор. «Вишка оя», «Ошонь цёрыне» ды лия пьесанзо путневсть народной театрань сцена лангсо. Кулось Саран ошсо 1999-це иень сундерьковонь 3-це чистэ.

Литературась

История Мордовии в лицах : биогр. сб. Саранск, 1999. Кн.3; Брыжинский А.И., Пашутина О.В., Чернов Е.И. Писатели Мордовии : биобиблиогр. справ. Саранск, 2001; Мордовия, XX век: культурная элита. Саранск, 2013. Ч. 2.